Kejadian 3
3
Adam ke Hawa nongka pati Alatala
1Ada si bele yanansi binatang ade paling licik kalis sarea binatang gamang ade ka yasanadi ling ALATALA Tuhan. Bele nan beling lako tau sawai nan, "Tutu-tutu si ke Alatala bafirman, 'Sarea puin ade ada pang taman ta naʼ nene kakan buaʼ.'?"
2Karing nyamung mo tau sawai nan lako bele, "Siong nan luk! Kami bauʼ kakan bua kalis puin-puin pang taman ta, 3konang lamin bua kalis puin ade ada pang tenga-tenga taman nan, Alatala bafirman, 'Naʼ nene kakan atawa nene sedu, apaling mudi nene mate.'"
4Konang beling bele nan lako tau sawai nan, "No si nene mate. 5Alatala no beang nene kakan bua nan apaling Alatala to, lamin nene kakan bua nan mata nene kabuka ke nene ya dadi maluk Alatala, ling mudi nene bauʼ to rua ade jahat ke ade balong maluk Alatala."
6Tau sawai nan yagita luk bua puin nan nyaman yakakan, balong yagita, ke yasate benar ampo apaling beang pangeto. Teris yaete mo bua puin nan, yakakan ke yabeang lako salakiʼ ampo ade basaiʼ ke nya, karing yakakan mo ling salakiʼ. 7Teris kabuka mo mata sadua taunan, ke yato mo diri luk taunan basangkaro. Karing yatampal mo parana kenang godong ara ade yasemat ling taunan.
8Muntu rawi ano yamenong ALATALA Tuhan balangan pang dalam taman nan. Basioʼ mo tau salaki nan ke sawaiʼ kalis angkang ALATALA Tuhan pang selak-selak puin ade ada pang dalam taman nan. 9Konang ALATALA Tuhan yango tau salaki nan, "Kakuda bua mubasioʼ?"
10Nyamung mo nya, "Kaji menong Sia balangan pang dalam taman ta ke kaji dadi katakit ling kaji ta basangkaro. Nan bua kaji basioʼ."
11Bafirman Diri, "Sai ka bada kau luk mubasangkaro? Ba ka mukakan ke bua kalis puin ade ka Kupelang kau kakan nan?"
12Nyamung mo tau salaki nan, "Tau sawai ade ka Sia beang lako kaji nan, nan nya tau ka beang kaji bua kalis puin nan, teris kaji kakan."
13Karing bafirman ALATALA Tuhan lako tau sawai nan, "Kakuda bua muboat ade nan luk?"
Nyamung tau sawai nan, "Bele nan ka kelo kaji, teris kaji kakan."
Alatala yasateri hukuman
14Teris bafirman ALATALA Tuhan lako bele nan, "Ling kamo muboat ade nan luk, kalis sarea binatang ade yapatik ke sarea binatang gamang kau bae si ade Kuhukum. Ya mudadi binatang ade yahina,#3:14 Ya mudadi binatang ade yahina: Tutir ade mula ka yatutir kenang basa kiasan pang ta: "au tana ade ya mukakan sale mutelas" ade bategas bele ya dadi binatang ade yahina. Hukuman ta siong umin bele ta bae, konang umin sarea bele. ke ya mubalangan ke tianmu saleʼ mutelas, kau ke sarea rowe bekamu. 15Ya Kupina kau saling musu ke tau sawai nan, antara rowe beka kau ke rowe beka nya. Rowe beka nya ya saremuk otakmu ke kau ya saremuk tumat rowe beka nya."#3:15 Ada ahli-ahli basa Ibrani ade mikir luk rowe beka tau sawai nan yanansi sopo tau bae ade kusus, ke ada si ahli-ahli basa Ibrani lin ade mikir luk maksud rowe beka nan lebe kalis sopo tau yanansi sarea manusia ade yaparanak mudi.
16Bafirman Alatala lako tau sawai nan, "Kupinamu dadi kasakit benar muntumu batian, ngering ke susa ier muntumu baranak. Ke kau barasate#3:16 barasate: Secara harfiah Basa Ibrani kenang kata-kata 'lako salakiʼmu rasatemu'. Ada ahli-ahli ade mikir maksud kata-kata ta tau sawai nan sate bakawasa lako salakiʼ. Ada si ade mikir rasate tau sawai nan luk hubungan ke salakiʼ. Ada si ampo ade mikir luk tau sawai ada rasate luk lin. lako salakiʼmu, konang salakiʼmu ya bakawasa lako kau."
17-18Bafirman Alatala lako tau salaki nan, "Ka muturit pangkeling sawaiʼmu, ke ka mukakan bua kalis puin ade ka Kupelang kau kakan nan. Kalangan rea kaboat kau nan, Kuhukum tana, yanansi no Kubeang tana selis hasil ade balong, ke tana ya satumung tua duri ke rebu duri ade no bauʼ mukakan. Ya mukakan kalis apa ade tumung pang lenang, konang kewa kasakit ya mubuya me aiʼ kalis tana sale-le mutelas. 19Kewa ompa loya ke lis sio dakimu, nan po bauʼ mumangan jangka muramalik lako tana, ling kalis tana kau ka yaete. Ka pina kau kalis au tana ke ya muramalik dadi au tana si kabali."
20Tau salaki nan yasasingin sawaiʼ nya Hawa#3:20 Hawa: Singin 'Hawa' dalam basa Ibrani lamin tumenong mara seda kata 'haya' ade bategas 'katelas'. apaling nya dadi inaʼ sarea ade telas. 21ALATALA Tuhan yapina kere lamung kaling lenong binatang tawa Adam ke sawaiʼ, teris yasangkenang lako taunan.
22ALATALA Tuhan bakarante lako Nya diri, "Sabenar tau salaki nan kamo dadi mara Aku,#3:22 Aku: Dalam basa Ibrani kata ade yakenang umin Alatala siong kata 'Aku' konang kata 'Kami/Kita'. yanansi yato luk ade jahat ke ade balong. Kalangan rea luk nan naʼ sampe nya telas sale-le, ling yabau ke yakakan bua kalis puin ade beang katelas nan." 23Dadi Alatala selis mo tau salaki nan kalis taman Eden, mabau yaboat tana yanansi tana kalis me nya ka yasanadi. 24Alatala yasua tau salaki nan, teris ola ano siup taman Eden yaolo pida-pida kerub,#3:24 kerub: Dalam Kitab Suci yasajelas luk 'kerub' yanansi mahluk ade idung mata marua manusia ke parana marua singa atawa sampi salaki, ke ada kaletek. Kerub nan mahluk ade yaboat parinta-parinta Alatala, mara yaentok katokal ade kusus mara Taman Eden nan. yanansi mahluk kalis surga, ke sopo pedang ade ngamir rena kaputar lako sarea padu, mabau entok ola lalo lako puin ade beang katelas.
Селектирано:
Kejadian 3: SMW
Нагласи
Сподели
Копирај
Дали сакаш да ги зачуваш Нагласувањата на сите твои уреди? Пријави се или најави се
©️2025 The Seed Company
Kejadian 3
3
Adam ke Hawa nongka pati Alatala
1Ada si bele yanansi binatang ade paling licik kalis sarea binatang gamang ade ka yasanadi ling ALATALA Tuhan. Bele nan beling lako tau sawai nan, "Tutu-tutu si ke Alatala bafirman, 'Sarea puin ade ada pang taman ta naʼ nene kakan buaʼ.'?"
2Karing nyamung mo tau sawai nan lako bele, "Siong nan luk! Kami bauʼ kakan bua kalis puin-puin pang taman ta, 3konang lamin bua kalis puin ade ada pang tenga-tenga taman nan, Alatala bafirman, 'Naʼ nene kakan atawa nene sedu, apaling mudi nene mate.'"
4Konang beling bele nan lako tau sawai nan, "No si nene mate. 5Alatala no beang nene kakan bua nan apaling Alatala to, lamin nene kakan bua nan mata nene kabuka ke nene ya dadi maluk Alatala, ling mudi nene bauʼ to rua ade jahat ke ade balong maluk Alatala."
6Tau sawai nan yagita luk bua puin nan nyaman yakakan, balong yagita, ke yasate benar ampo apaling beang pangeto. Teris yaete mo bua puin nan, yakakan ke yabeang lako salakiʼ ampo ade basaiʼ ke nya, karing yakakan mo ling salakiʼ. 7Teris kabuka mo mata sadua taunan, ke yato mo diri luk taunan basangkaro. Karing yatampal mo parana kenang godong ara ade yasemat ling taunan.
8Muntu rawi ano yamenong ALATALA Tuhan balangan pang dalam taman nan. Basioʼ mo tau salaki nan ke sawaiʼ kalis angkang ALATALA Tuhan pang selak-selak puin ade ada pang dalam taman nan. 9Konang ALATALA Tuhan yango tau salaki nan, "Kakuda bua mubasioʼ?"
10Nyamung mo nya, "Kaji menong Sia balangan pang dalam taman ta ke kaji dadi katakit ling kaji ta basangkaro. Nan bua kaji basioʼ."
11Bafirman Diri, "Sai ka bada kau luk mubasangkaro? Ba ka mukakan ke bua kalis puin ade ka Kupelang kau kakan nan?"
12Nyamung mo tau salaki nan, "Tau sawai ade ka Sia beang lako kaji nan, nan nya tau ka beang kaji bua kalis puin nan, teris kaji kakan."
13Karing bafirman ALATALA Tuhan lako tau sawai nan, "Kakuda bua muboat ade nan luk?"
Nyamung tau sawai nan, "Bele nan ka kelo kaji, teris kaji kakan."
Alatala yasateri hukuman
14Teris bafirman ALATALA Tuhan lako bele nan, "Ling kamo muboat ade nan luk, kalis sarea binatang ade yapatik ke sarea binatang gamang kau bae si ade Kuhukum. Ya mudadi binatang ade yahina,#3:14 Ya mudadi binatang ade yahina: Tutir ade mula ka yatutir kenang basa kiasan pang ta: "au tana ade ya mukakan sale mutelas" ade bategas bele ya dadi binatang ade yahina. Hukuman ta siong umin bele ta bae, konang umin sarea bele. ke ya mubalangan ke tianmu saleʼ mutelas, kau ke sarea rowe bekamu. 15Ya Kupina kau saling musu ke tau sawai nan, antara rowe beka kau ke rowe beka nya. Rowe beka nya ya saremuk otakmu ke kau ya saremuk tumat rowe beka nya."#3:15 Ada ahli-ahli basa Ibrani ade mikir luk rowe beka tau sawai nan yanansi sopo tau bae ade kusus, ke ada si ahli-ahli basa Ibrani lin ade mikir luk maksud rowe beka nan lebe kalis sopo tau yanansi sarea manusia ade yaparanak mudi.
16Bafirman Alatala lako tau sawai nan, "Kupinamu dadi kasakit benar muntumu batian, ngering ke susa ier muntumu baranak. Ke kau barasate#3:16 barasate: Secara harfiah Basa Ibrani kenang kata-kata 'lako salakiʼmu rasatemu'. Ada ahli-ahli ade mikir maksud kata-kata ta tau sawai nan sate bakawasa lako salakiʼ. Ada si ade mikir rasate tau sawai nan luk hubungan ke salakiʼ. Ada si ampo ade mikir luk tau sawai ada rasate luk lin. lako salakiʼmu, konang salakiʼmu ya bakawasa lako kau."
17-18Bafirman Alatala lako tau salaki nan, "Ka muturit pangkeling sawaiʼmu, ke ka mukakan bua kalis puin ade ka Kupelang kau kakan nan. Kalangan rea kaboat kau nan, Kuhukum tana, yanansi no Kubeang tana selis hasil ade balong, ke tana ya satumung tua duri ke rebu duri ade no bauʼ mukakan. Ya mukakan kalis apa ade tumung pang lenang, konang kewa kasakit ya mubuya me aiʼ kalis tana sale-le mutelas. 19Kewa ompa loya ke lis sio dakimu, nan po bauʼ mumangan jangka muramalik lako tana, ling kalis tana kau ka yaete. Ka pina kau kalis au tana ke ya muramalik dadi au tana si kabali."
20Tau salaki nan yasasingin sawaiʼ nya Hawa#3:20 Hawa: Singin 'Hawa' dalam basa Ibrani lamin tumenong mara seda kata 'haya' ade bategas 'katelas'. apaling nya dadi inaʼ sarea ade telas. 21ALATALA Tuhan yapina kere lamung kaling lenong binatang tawa Adam ke sawaiʼ, teris yasangkenang lako taunan.
22ALATALA Tuhan bakarante lako Nya diri, "Sabenar tau salaki nan kamo dadi mara Aku,#3:22 Aku: Dalam basa Ibrani kata ade yakenang umin Alatala siong kata 'Aku' konang kata 'Kami/Kita'. yanansi yato luk ade jahat ke ade balong. Kalangan rea luk nan naʼ sampe nya telas sale-le, ling yabau ke yakakan bua kalis puin ade beang katelas nan." 23Dadi Alatala selis mo tau salaki nan kalis taman Eden, mabau yaboat tana yanansi tana kalis me nya ka yasanadi. 24Alatala yasua tau salaki nan, teris ola ano siup taman Eden yaolo pida-pida kerub,#3:24 kerub: Dalam Kitab Suci yasajelas luk 'kerub' yanansi mahluk ade idung mata marua manusia ke parana marua singa atawa sampi salaki, ke ada kaletek. Kerub nan mahluk ade yaboat parinta-parinta Alatala, mara yaentok katokal ade kusus mara Taman Eden nan. yanansi mahluk kalis surga, ke sopo pedang ade ngamir rena kaputar lako sarea padu, mabau entok ola lalo lako puin ade beang katelas.
Селектирано:
:
Нагласи
Сподели
Копирај
Дали сакаш да ги зачуваш Нагласувањата на сите твои уреди? Пријави се или најави се
©️2025 The Seed Company