Kejadian 4
4
Kabil samate Habil adiʼ nya
1Karing Adam tunung tokal ke Hawa, sawaiʼ nya, ke batian mo tau sawai nan, ke yaparanak mo sopo anak salaki. Beling mo Hawa, "Kamo kudapat sopo anak salaki ling katulungku ling ALATALA." Mabau yatotang luk nan Hawa yasasingin anak nan Kabil.#4:1 Kabil: Singin 'Kabil' dalam basa Ibrani, yanansi basa ade yakenang muntu mula yatulis tutir ta, 'Qayin'. Singin 'Qayin', lamin tumenong, mara seda kata 'qanah', ade dalam basa Ibrani bategas 'dapat'. Nan bua Hawa yasasingin anak nan 'Qayin' mabau yatotang luk nya dapat anak nan ling panulung ALATALA. 2Karing yaparanak mo ampo sopo anak salaki ade yasasingin Habil, adiʼ Kabil. Habil dadi tau tatiʼ bedis doma ke Kabil dadi tau tani.
3Beru kamo pida-pida le, Kabil yabeang sabela isi tana lako ALATALA dadi tanda sukur. 4Habil ampo yabeang tanda sukur kalis anak bedis doma nya ade mula, yanansi yabeang isi ke uir ade paling balong dadi tanda sukur. ALATALA beri lako Habil ke tanda sukur nya. 5Konang Kabil ke tanda sukur nya nongka yaberi ling Diri. Dadi Kabil ngamir ate ke idung mata mantung.
6Firman ALATALA lako Kabil, "Naʼ ngamir atemu ke naʼ idung matamu mantung! 7Lamin muboat ade benar mesti idung matamu kemas. Konang lamin no muboat benar, dosa kamo parak ke muntu saleno kau. Dosa nan sate bakawasa lako kau konang kau mesti musatalo."
8Konang beling Kabil lako Habil adiʼ nya, "Ma mo tulalo lako gempang." Beru kamo dapat gempang, embang-embang yarapi mo Habil adiʼ nya jangka mate.
9Bafirman mo ALATALA lako Kabil, "Me pang Habil adiʼmu nan?"
Nyamung nya, "No kuto pang! Ba aku ta tau baeng taranak adiʼku ke?"
10Firman ALATALA, "Kakuda bua muboat ade nan luk? Kuto kamusatumpak geti adiʼmu, ke kamo Kugita geti nan pang bao tana. To ta mesti Kubalas luk nan. 11Dadi kena hukum mo kau, no mo mubau boat tana ade kasangka geti adiʼmu kalis imamu diri. 12Lamin muboat tana, tana nan nonda isi. Yamuparari dirimu ke murapina kalis sopo katokal lako katokal ade lin, nomonda pang tetap mutedu pang bao dunia ta."
13Beling Kabil lako ALATALA, "Hukuman kaji lebe berat kalis ade bauʼ kaji pongo. 14To ta Sia sua kaji kalis tana ta, ke ya kaji do kalis hadirat Sia, ke nomongka Sia roa tarima kaji. Kaji ta dadi tau ade rapina kalis sopo katokal lako katokal ade lin, ke nomonda pang tetap kaji tedu. Sai-sai tau batemung ke kaji, mesti yasamate kaji."
15Firman ALATALA lako nya, "No si sakali-kali! Sai-sai tau samate Kabil yabalas lako nya pitu kali lipat berat." Karing ALATALA yaolo mo tanda pang parana Kabil mabau nya no yasamate ling sai-sai bae ade batemung ke nya. 16Karing Kabil lalo kalis angkang Alatala ke tedu pang tana Nod,#4:16 Nod bategas 'tana pang tau rapina koto kota, nonda pang tedu ade tetap'. pang ano siup Eden.
Rowe beka Kabil, Set ke Enos
17Kamo pida-pida le Kabil tunung tokal ke sawaiʼ ke batian mo tau sawai nan karing yaparanak mo Henokh. Karing, mudi Kabil yasamanang sopo kota ke yasasingin kota nan Henokh, mara singin anak nya. 18Henokh ada anak basingin Irad, ke Irad ada anak basingin Mehuyael, Mehuyael ada anak basingin Metusael, ke Metusael ada anak basingin Lamekh.
19Lamekh basawaiʼ ke dua tau sawai, ade sopo basingin Ada ke ade lin basingin Sila. 20Ada yaparanak Yabal, ke kalis Yabal, nan nya kakalis sarea tau ade tedu pang dalam kema ke rapina kalis sopo katokal lako katokal lin, rena patik binatang.#4:20 Tau mara nan ada kamiasa ade lin kalis kamiasa kita. Tau nan nongka tedu pang sopo katokal ade tetap konang kamiasa tau nan rapina kalis sopo katokal lako katokal ade lin barema ke binatang ade yapatik. Ling tau nan rapina teris, tau nan nongka tedu dalam bale konang dalam kema.
21Singin adiʼ Yabal yanansi Yubal. Nan nya kakalis sarea tau ade main kecapi ke suling. 22Sila ampo yaparanak anak, yanansi Tubal-Kabil. Nan nya kakalis sarea tukang tamera ke besi. Adiʼ sawai Tubal-Kabil yanansi Naama.
23Beling mo Lamekh kewa jele lako sadua sawaiʼ nya nan,
"Ada ke Sila sanenge sedaku,
e sawaiʼ-sawaiʼ Lamekh pasang mo kuping nene lako karante ku ta,
'Aku ta kamo kusamate sopo tau salaki ling kasabakatku,
tau taruna ade kapukilku jangka bara.
24Ling lamin Kabil mesti yabalas pitu kali lipat,
dadi Lamekh pitu pulu pitu kali lipat.'"
25Adam tunung tokal ke sawaiʼ nya karing tau sawai nan yaparanak sopo anak salaki. Tau sawai nan beling, "Alatala kamo beangku anak ade lin dadi lili Habil, ling Kabil kamo samate nya." Nan bua tode nan yasasingin Set#4:25 Set: Seda singin Set dalam basa Ibrani mara seda kata 'sat' ade bategas 'yabeang'. ling nya. 26Tawa Set, yaparanak mo sopo anak salaki, ke tode nan yasasingin Enos.
Pang waya nan mo tau mulai kenang singin ALATALA muntu ngeneng tulung ke sentek pamuji lako Alatala.
Селектирано:
Kejadian 4: SMW
Нагласи
Сподели
Копирај
Дали сакаш да ги зачуваш Нагласувањата на сите твои уреди? Пријави се или најави се
©️2025 The Seed Company
Kejadian 4
4
Kabil samate Habil adiʼ nya
1Karing Adam tunung tokal ke Hawa, sawaiʼ nya, ke batian mo tau sawai nan, ke yaparanak mo sopo anak salaki. Beling mo Hawa, "Kamo kudapat sopo anak salaki ling katulungku ling ALATALA." Mabau yatotang luk nan Hawa yasasingin anak nan Kabil.#4:1 Kabil: Singin 'Kabil' dalam basa Ibrani, yanansi basa ade yakenang muntu mula yatulis tutir ta, 'Qayin'. Singin 'Qayin', lamin tumenong, mara seda kata 'qanah', ade dalam basa Ibrani bategas 'dapat'. Nan bua Hawa yasasingin anak nan 'Qayin' mabau yatotang luk nya dapat anak nan ling panulung ALATALA. 2Karing yaparanak mo ampo sopo anak salaki ade yasasingin Habil, adiʼ Kabil. Habil dadi tau tatiʼ bedis doma ke Kabil dadi tau tani.
3Beru kamo pida-pida le, Kabil yabeang sabela isi tana lako ALATALA dadi tanda sukur. 4Habil ampo yabeang tanda sukur kalis anak bedis doma nya ade mula, yanansi yabeang isi ke uir ade paling balong dadi tanda sukur. ALATALA beri lako Habil ke tanda sukur nya. 5Konang Kabil ke tanda sukur nya nongka yaberi ling Diri. Dadi Kabil ngamir ate ke idung mata mantung.
6Firman ALATALA lako Kabil, "Naʼ ngamir atemu ke naʼ idung matamu mantung! 7Lamin muboat ade benar mesti idung matamu kemas. Konang lamin no muboat benar, dosa kamo parak ke muntu saleno kau. Dosa nan sate bakawasa lako kau konang kau mesti musatalo."
8Konang beling Kabil lako Habil adiʼ nya, "Ma mo tulalo lako gempang." Beru kamo dapat gempang, embang-embang yarapi mo Habil adiʼ nya jangka mate.
9Bafirman mo ALATALA lako Kabil, "Me pang Habil adiʼmu nan?"
Nyamung nya, "No kuto pang! Ba aku ta tau baeng taranak adiʼku ke?"
10Firman ALATALA, "Kakuda bua muboat ade nan luk? Kuto kamusatumpak geti adiʼmu, ke kamo Kugita geti nan pang bao tana. To ta mesti Kubalas luk nan. 11Dadi kena hukum mo kau, no mo mubau boat tana ade kasangka geti adiʼmu kalis imamu diri. 12Lamin muboat tana, tana nan nonda isi. Yamuparari dirimu ke murapina kalis sopo katokal lako katokal ade lin, nomonda pang tetap mutedu pang bao dunia ta."
13Beling Kabil lako ALATALA, "Hukuman kaji lebe berat kalis ade bauʼ kaji pongo. 14To ta Sia sua kaji kalis tana ta, ke ya kaji do kalis hadirat Sia, ke nomongka Sia roa tarima kaji. Kaji ta dadi tau ade rapina kalis sopo katokal lako katokal ade lin, ke nomonda pang tetap kaji tedu. Sai-sai tau batemung ke kaji, mesti yasamate kaji."
15Firman ALATALA lako nya, "No si sakali-kali! Sai-sai tau samate Kabil yabalas lako nya pitu kali lipat berat." Karing ALATALA yaolo mo tanda pang parana Kabil mabau nya no yasamate ling sai-sai bae ade batemung ke nya. 16Karing Kabil lalo kalis angkang Alatala ke tedu pang tana Nod,#4:16 Nod bategas 'tana pang tau rapina koto kota, nonda pang tedu ade tetap'. pang ano siup Eden.
Rowe beka Kabil, Set ke Enos
17Kamo pida-pida le Kabil tunung tokal ke sawaiʼ ke batian mo tau sawai nan karing yaparanak mo Henokh. Karing, mudi Kabil yasamanang sopo kota ke yasasingin kota nan Henokh, mara singin anak nya. 18Henokh ada anak basingin Irad, ke Irad ada anak basingin Mehuyael, Mehuyael ada anak basingin Metusael, ke Metusael ada anak basingin Lamekh.
19Lamekh basawaiʼ ke dua tau sawai, ade sopo basingin Ada ke ade lin basingin Sila. 20Ada yaparanak Yabal, ke kalis Yabal, nan nya kakalis sarea tau ade tedu pang dalam kema ke rapina kalis sopo katokal lako katokal lin, rena patik binatang.#4:20 Tau mara nan ada kamiasa ade lin kalis kamiasa kita. Tau nan nongka tedu pang sopo katokal ade tetap konang kamiasa tau nan rapina kalis sopo katokal lako katokal ade lin barema ke binatang ade yapatik. Ling tau nan rapina teris, tau nan nongka tedu dalam bale konang dalam kema.
21Singin adiʼ Yabal yanansi Yubal. Nan nya kakalis sarea tau ade main kecapi ke suling. 22Sila ampo yaparanak anak, yanansi Tubal-Kabil. Nan nya kakalis sarea tukang tamera ke besi. Adiʼ sawai Tubal-Kabil yanansi Naama.
23Beling mo Lamekh kewa jele lako sadua sawaiʼ nya nan,
"Ada ke Sila sanenge sedaku,
e sawaiʼ-sawaiʼ Lamekh pasang mo kuping nene lako karante ku ta,
'Aku ta kamo kusamate sopo tau salaki ling kasabakatku,
tau taruna ade kapukilku jangka bara.
24Ling lamin Kabil mesti yabalas pitu kali lipat,
dadi Lamekh pitu pulu pitu kali lipat.'"
25Adam tunung tokal ke sawaiʼ nya karing tau sawai nan yaparanak sopo anak salaki. Tau sawai nan beling, "Alatala kamo beangku anak ade lin dadi lili Habil, ling Kabil kamo samate nya." Nan bua tode nan yasasingin Set#4:25 Set: Seda singin Set dalam basa Ibrani mara seda kata 'sat' ade bategas 'yabeang'. ling nya. 26Tawa Set, yaparanak mo sopo anak salaki, ke tode nan yasasingin Enos.
Pang waya nan mo tau mulai kenang singin ALATALA muntu ngeneng tulung ke sentek pamuji lako Alatala.
Селектирано:
:
Нагласи
Сподели
Копирај
Дали сакаш да ги зачуваш Нагласувањата на сите твои уреди? Пријави се или најави се
©️2025 The Seed Company