Luke 4
4
Idime Satan Ekedimede Jesus
1Ke John ama ọkọduọk-e mmoñ ama, Jesus onyoñ ọkpọñ akpa Jordan. E-ma ọyọhọ ma adisana spirit, Ndin adisana spirit ada-e aka k'itie emi owu miduñke. 2Do satan edime Jesus idime ke ekineyi aba ma uwemeyi aba. Ikidiaha mkpo ke mme usen oro, Ndin ke mme usen oro ama ekebe, Biọñ ọdọñ-e eti-eti. 3Ndin satan ọdọhọ Jesus ete, “edieke edide eyin Abasi k'akpan, Nam mme itiad eke akabade udia mbak ofo adia.” 4Edi Jesus oboro ete, “iko Abasi ọdọhọ ete, Idighe udia ikpoñ ke owu enyene ndidia ndu uwem, Edi se ekewedde ke iko Abasi.” 5Satan ada-e odok ke enyoñ akamba ebid, Ọnyuñ awud-e kpukpru mme idid ke arimbud. 6Ndin satan ọdọhọ Jesus ete, “nyeno fin kpukpru odudu ma uboñ mme idid eke k'ati usọp. Mmenyene odudu ndinam mme mkpo eke, Ntra, Mmekeme ndino owu eke mmade.” 7“Ke ntra, Edieke utuakde ibud unyuñ ukpine min, Nyesana kpukpru mkpo eke nyak nno fin.” 8Jesus oboro-e ete, Wọñọde da min ke edem satan, Koro ekewedde ke iko Abasi ete, “ofo enyene ndikpine Oboñ Abasi mfo ikpoñ nyuñ nnam mkpo nno-e.” 9Ntra nko, Satan ada Jesus aka ebi Jerusalem, Ọnyuñ ekediri-e k'itie emi okoñode akan k'itie ufọp uwa. E-dọhọ Jesus ete, “edieke edide eyin Abasi, Yak idem mfo duọk k'isọñ.” 10Koro ekewedde ke ñwed Abasi ete, “Abasi Iyeno mme angel ekpeme fin. 11Mme angel iyekama fin k'ubọk mbak udutuak ukid mfo k'itiad.” 12Ndin Jesus oboro ete, “ema ewed ke ñwed Abasi ete, Uyeneke ndidime Oboñ Abasi mfo.” 13Ke satan ama akakura ndidime Jesus ke kpukpru usuñ, E-daha ọkpọñ-e tutu ini mfen.
Jesus otoño utim ukwọrọ iko nsie ke esiin Galilee
14Ekem Jesus afiak edi ke esiin Galilee ke odudu adisana spirit, Ndin etip nsie asuana ke efuri nkan nkuk oro. 15Ndin Jesus otoño ndikpep mm'owu mkpo ke itie ubọñ akam mme Jew, Kpukpru owu eture-e.
Esin Jesus ke ebi Nazareth
16Koro ebede, Jesus edi ke ebi Nazareth ke itie ekebokde-e. K'usen nduọk odudu mme Jew, E-duk k'itie ubọñ akam mme Jew nte edu nsie edide, Ọnyuñ adahada ndikuud ñwed Abasi. 17Ndin emen ñwed prophet Isaiah eno-E, Nte E-kamade ñwed oro, E-kuud itie emi ekewedde ete,
18“Spirit Abasi edire min k'idem,
Siak ema eyed nin arin enim ete,
Ñkwọrọ eti mbuk nno ndito ubuene,
Ñkwọrọ uwọrọ ufin nno mbin emi esinde k'ufin, Ñkwọrọ edikud usuñ nno mme nnan,
Nyuñ ñkwọrọ ubọhọ nno kpukpru mmomi owu efikde,
19Ndinyuñ ñkwọrọ nte k'ini mfan-idu Abasi edi emi.”
20Ke Jesus ama ekekuud itie ñwed oro ama ono mm'owu, E-kibi ñwed ayak ono anam utim k'itie ubọñ akam mme Jew ọnyuñ ọsuhọde etetie ekpep mmo mkpo, Ndin kpukpru mbin emi ekedude do ewuk anyin esie-e. 21Ndin Jesus ọdọhọ mmo ete, “ke iko ñwed Abasi emi ọwọrọ osu mfin nte mmufo ikekipde.” 22Ndin kpukpru owu edi ntie nsie eno-e, Enyuñ edu ke mkpa-idem ndikip mme nti iko emi ọwọrọde-e k'inua, Ndin mmo edọhọ ete, “ndi owu eke idighe eyin Joseph?” 23Ekem Jesus ọdọhọ mmo ete, “mmọdiọñọ ke mmufo iyetip nke eke ino inñ, Ite, Abia ibọk, Kọk idem mfo. Kpukpru se ikekipde emi akanamde ke ebi Capernaum. Nam ukem-ukem mi ke ebi mfo.” 24Ndin Jesus ọdọhọ mmo ete, “Ih se mmufo itiñde edi emi. Edi ntiñ akpaniko nno mmufo ke prophet inanake ukpine ke mibọhọke ebi emana nsie.” 25“Edi, Ntiñ akpaniko nno mmufo nte ke adiwak mme ebekpa ema edu ke Israel ke eyi prophet Elijah. Kini Abasi akamumde ikpa enyoñ mbak edim ididep k'isọñ ke isua ita ma ọfiọñ itiukied, Kini akamba akañ okonyuñ odude ke efuri isọñ.” 26“Edi, Ikidọñke Elijah ekiene ukpọk mmo owu kied, Edi, Ke mibọhọke ebekpa anwan kied emi odude ke ebi Zarephath ke nkañ Sidon.” 27“K'ukem usuñ oro, Kini emi prophet Elisha ekedude, Adiwak owu emi ekedọñọde akpa-mfia ema edu ke Israel, Edi, Ikinamke ukpọk owu mmo kied asana ke mibọhọke Naaman owu Syria.” 28Ndin esid ayad kpukpru mbin emi ekedude ke itie ubọñ akam mme Jew kini emi mmo ekipde uto iko emi Jesus atiñde. 29Mmo ebumere edaha ke enyoñ ebin Jesus esi ke ebi, Enyuñ eda-e edi ke ibud ebid mbak otudo mmo etip-e eduọk mbak ewid-e. 30Edi Jesus asaña ebe ke ufuọd otu owu onyoñ esiemo.
Jesus ebin ndedehe spirit esi k'idem owu
31K'usen nduọk odudu mme Jew kied, Jesus edi ke Capernaum ebi emi odude ke Galilee, Ndin ọnyuñ ekpep mmo mkpo. 32Nte Jesus ọsuk ekpepde mm'owu mkpo, Idem akpa mmo eti-eti ke odudu emi E-dade ekpep mkpo. 33Ndin owu kied ama odu k'itie ubọñ akam mme Jew emi ekenyenede ndedehe spirit, E-firi ke ọkpọsọñ uyi ete, 34“Ha! nsaña nse ma ofo, Jesus eyin Nazareth? Ndi edi ndisibe nnyin? Mmọdiọñọ fin, Adisana eyin Abasi.” 35Ndin Jesus asua ono-e ọnyuñ ọdọhọ ete, “dip uyi mfo nyuñ wọrọ kpọñ-e, Ndin ke ema ekesi-e ọduọk k'isọñ mme ndedehe spirit ewọrọ ekpọñ-e, Inamke-e mkpo ndime kied.” 36Mkpa-idem anam kpukpru mmo, Mmo enyuñ etiñ k'otu idem mmo ete, “nsuto ukpep-mkpo idi emi? E-nyene ọkpọsọñ odudu ndiwuk ndedehe spirit ete ọwọrọ ndin mmo ewoño!” 37Ndin mm'owu eka isi esuan etip ebaña Jesus ke efuri nkañ nkuk esiin oro.
Ekọk udọñọ eka anwan Peter
38Ke Jesus ọkpọñde itie ubọñ akam mme Jew usen oro, E-duk k'ufọk Simon. Ndin e-kud eka anwan Simon ọdọñọde ufip idem. Mmo ebeñe-e ete ọkọk-e. 39Ndin Jesus asaña ekpere-e ọnyuñ asua ono ufip idem ndin idahado ufip idem ọkpọñ-e. Ndin e-daha ke enyoñ anam mkpo ono mmo edia.
Ekọk adiwak owu udọñọ ke mbubreyi usen nduọk odudu mme Jew
40Ndin kini emi eyi eyemde ndikim, Kpukpru mbin emi enyenede mbin emi edọñọde nsii-nsii udọñọ eda mmo esọk Jesus, E-diri mmo kied kied ubọk, Mmo ekip nsọñ-idem. 41Ndin mme ndedehe spirit ekpọñ mmo, Etuaña enyuñ efiri ete, “Ofo edi Christ eyin Abasi.” Edi e-sua ono mmo, Iyakke mmo etiñ iko, Koro ediọñọ ete e-di eyin Abasi.
Jesus ọkwọrọ iko ke essin Galilee
42Kini emi eyi esierede, Jesus ọwọrọ aka k'itie emi owu miduñke. Mm'owu etoño ndiyem-e, Kini mmo ekudde-e, Mmo ebeñe-e ete ikikpọñ mmimo. 43Ndin Jesus ọdọhọ mmo ete, “nnyene ndika nkọkwọrọ eti mbuk ebi uboñ Abasi nno mme ebi mfen, Koro ke ntak emi ke Abasi ọkọdọñ inñ ndi mmi.” 44Ndin Jesus aka isi ndikwọrọ iko ke mme itie ubọñ akam mme Jew ke ebi Judea.
Селектирано:
Luke 4: ITW
Нагласи
Сподели
Копирај
Дали сакаш да ги зачуваш Нагласувањата на сите твои уреди? Пријави се или најави се
Ito Bible by Beyond Translation is licensed under Creative Commons Attribution-ShareAlike 4.0 License.
Luke 4
4
Idime Satan Ekedimede Jesus
1Ke John ama ọkọduọk-e mmoñ ama, Jesus onyoñ ọkpọñ akpa Jordan. E-ma ọyọhọ ma adisana spirit, Ndin adisana spirit ada-e aka k'itie emi owu miduñke. 2Do satan edime Jesus idime ke ekineyi aba ma uwemeyi aba. Ikidiaha mkpo ke mme usen oro, Ndin ke mme usen oro ama ekebe, Biọñ ọdọñ-e eti-eti. 3Ndin satan ọdọhọ Jesus ete, “edieke edide eyin Abasi k'akpan, Nam mme itiad eke akabade udia mbak ofo adia.” 4Edi Jesus oboro ete, “iko Abasi ọdọhọ ete, Idighe udia ikpoñ ke owu enyene ndidia ndu uwem, Edi se ekewedde ke iko Abasi.” 5Satan ada-e odok ke enyoñ akamba ebid, Ọnyuñ awud-e kpukpru mme idid ke arimbud. 6Ndin satan ọdọhọ Jesus ete, “nyeno fin kpukpru odudu ma uboñ mme idid eke k'ati usọp. Mmenyene odudu ndinam mme mkpo eke, Ntra, Mmekeme ndino owu eke mmade.” 7“Ke ntra, Edieke utuakde ibud unyuñ ukpine min, Nyesana kpukpru mkpo eke nyak nno fin.” 8Jesus oboro-e ete, Wọñọde da min ke edem satan, Koro ekewedde ke iko Abasi ete, “ofo enyene ndikpine Oboñ Abasi mfo ikpoñ nyuñ nnam mkpo nno-e.” 9Ntra nko, Satan ada Jesus aka ebi Jerusalem, Ọnyuñ ekediri-e k'itie emi okoñode akan k'itie ufọp uwa. E-dọhọ Jesus ete, “edieke edide eyin Abasi, Yak idem mfo duọk k'isọñ.” 10Koro ekewedde ke ñwed Abasi ete, “Abasi Iyeno mme angel ekpeme fin. 11Mme angel iyekama fin k'ubọk mbak udutuak ukid mfo k'itiad.” 12Ndin Jesus oboro ete, “ema ewed ke ñwed Abasi ete, Uyeneke ndidime Oboñ Abasi mfo.” 13Ke satan ama akakura ndidime Jesus ke kpukpru usuñ, E-daha ọkpọñ-e tutu ini mfen.
Jesus otoño utim ukwọrọ iko nsie ke esiin Galilee
14Ekem Jesus afiak edi ke esiin Galilee ke odudu adisana spirit, Ndin etip nsie asuana ke efuri nkan nkuk oro. 15Ndin Jesus otoño ndikpep mm'owu mkpo ke itie ubọñ akam mme Jew, Kpukpru owu eture-e.
Esin Jesus ke ebi Nazareth
16Koro ebede, Jesus edi ke ebi Nazareth ke itie ekebokde-e. K'usen nduọk odudu mme Jew, E-duk k'itie ubọñ akam mme Jew nte edu nsie edide, Ọnyuñ adahada ndikuud ñwed Abasi. 17Ndin emen ñwed prophet Isaiah eno-E, Nte E-kamade ñwed oro, E-kuud itie emi ekewedde ete,
18“Spirit Abasi edire min k'idem,
Siak ema eyed nin arin enim ete,
Ñkwọrọ eti mbuk nno ndito ubuene,
Ñkwọrọ uwọrọ ufin nno mbin emi esinde k'ufin, Ñkwọrọ edikud usuñ nno mme nnan,
Nyuñ ñkwọrọ ubọhọ nno kpukpru mmomi owu efikde,
19Ndinyuñ ñkwọrọ nte k'ini mfan-idu Abasi edi emi.”
20Ke Jesus ama ekekuud itie ñwed oro ama ono mm'owu, E-kibi ñwed ayak ono anam utim k'itie ubọñ akam mme Jew ọnyuñ ọsuhọde etetie ekpep mmo mkpo, Ndin kpukpru mbin emi ekedude do ewuk anyin esie-e. 21Ndin Jesus ọdọhọ mmo ete, “ke iko ñwed Abasi emi ọwọrọ osu mfin nte mmufo ikekipde.” 22Ndin kpukpru owu edi ntie nsie eno-e, Enyuñ edu ke mkpa-idem ndikip mme nti iko emi ọwọrọde-e k'inua, Ndin mmo edọhọ ete, “ndi owu eke idighe eyin Joseph?” 23Ekem Jesus ọdọhọ mmo ete, “mmọdiọñọ ke mmufo iyetip nke eke ino inñ, Ite, Abia ibọk, Kọk idem mfo. Kpukpru se ikekipde emi akanamde ke ebi Capernaum. Nam ukem-ukem mi ke ebi mfo.” 24Ndin Jesus ọdọhọ mmo ete, “Ih se mmufo itiñde edi emi. Edi ntiñ akpaniko nno mmufo ke prophet inanake ukpine ke mibọhọke ebi emana nsie.” 25“Edi, Ntiñ akpaniko nno mmufo nte ke adiwak mme ebekpa ema edu ke Israel ke eyi prophet Elijah. Kini Abasi akamumde ikpa enyoñ mbak edim ididep k'isọñ ke isua ita ma ọfiọñ itiukied, Kini akamba akañ okonyuñ odude ke efuri isọñ.” 26“Edi, Ikidọñke Elijah ekiene ukpọk mmo owu kied, Edi, Ke mibọhọke ebekpa anwan kied emi odude ke ebi Zarephath ke nkañ Sidon.” 27“K'ukem usuñ oro, Kini emi prophet Elisha ekedude, Adiwak owu emi ekedọñọde akpa-mfia ema edu ke Israel, Edi, Ikinamke ukpọk owu mmo kied asana ke mibọhọke Naaman owu Syria.” 28Ndin esid ayad kpukpru mbin emi ekedude ke itie ubọñ akam mme Jew kini emi mmo ekipde uto iko emi Jesus atiñde. 29Mmo ebumere edaha ke enyoñ ebin Jesus esi ke ebi, Enyuñ eda-e edi ke ibud ebid mbak otudo mmo etip-e eduọk mbak ewid-e. 30Edi Jesus asaña ebe ke ufuọd otu owu onyoñ esiemo.
Jesus ebin ndedehe spirit esi k'idem owu
31K'usen nduọk odudu mme Jew kied, Jesus edi ke Capernaum ebi emi odude ke Galilee, Ndin ọnyuñ ekpep mmo mkpo. 32Nte Jesus ọsuk ekpepde mm'owu mkpo, Idem akpa mmo eti-eti ke odudu emi E-dade ekpep mkpo. 33Ndin owu kied ama odu k'itie ubọñ akam mme Jew emi ekenyenede ndedehe spirit, E-firi ke ọkpọsọñ uyi ete, 34“Ha! nsaña nse ma ofo, Jesus eyin Nazareth? Ndi edi ndisibe nnyin? Mmọdiọñọ fin, Adisana eyin Abasi.” 35Ndin Jesus asua ono-e ọnyuñ ọdọhọ ete, “dip uyi mfo nyuñ wọrọ kpọñ-e, Ndin ke ema ekesi-e ọduọk k'isọñ mme ndedehe spirit ewọrọ ekpọñ-e, Inamke-e mkpo ndime kied.” 36Mkpa-idem anam kpukpru mmo, Mmo enyuñ etiñ k'otu idem mmo ete, “nsuto ukpep-mkpo idi emi? E-nyene ọkpọsọñ odudu ndiwuk ndedehe spirit ete ọwọrọ ndin mmo ewoño!” 37Ndin mm'owu eka isi esuan etip ebaña Jesus ke efuri nkañ nkuk esiin oro.
Ekọk udọñọ eka anwan Peter
38Ke Jesus ọkpọñde itie ubọñ akam mme Jew usen oro, E-duk k'ufọk Simon. Ndin e-kud eka anwan Simon ọdọñọde ufip idem. Mmo ebeñe-e ete ọkọk-e. 39Ndin Jesus asaña ekpere-e ọnyuñ asua ono ufip idem ndin idahado ufip idem ọkpọñ-e. Ndin e-daha ke enyoñ anam mkpo ono mmo edia.
Ekọk adiwak owu udọñọ ke mbubreyi usen nduọk odudu mme Jew
40Ndin kini emi eyi eyemde ndikim, Kpukpru mbin emi enyenede mbin emi edọñọde nsii-nsii udọñọ eda mmo esọk Jesus, E-diri mmo kied kied ubọk, Mmo ekip nsọñ-idem. 41Ndin mme ndedehe spirit ekpọñ mmo, Etuaña enyuñ efiri ete, “Ofo edi Christ eyin Abasi.” Edi e-sua ono mmo, Iyakke mmo etiñ iko, Koro ediọñọ ete e-di eyin Abasi.
Jesus ọkwọrọ iko ke essin Galilee
42Kini emi eyi esierede, Jesus ọwọrọ aka k'itie emi owu miduñke. Mm'owu etoño ndiyem-e, Kini mmo ekudde-e, Mmo ebeñe-e ete ikikpọñ mmimo. 43Ndin Jesus ọdọhọ mmo ete, “nnyene ndika nkọkwọrọ eti mbuk ebi uboñ Abasi nno mme ebi mfen, Koro ke ntak emi ke Abasi ọkọdọñ inñ ndi mmi.” 44Ndin Jesus aka isi ndikwọrọ iko ke mme itie ubọñ akam mme Jew ke ebi Judea.
Селектирано:
:
Нагласи
Сподели
Копирај
Дали сакаш да ги зачуваш Нагласувањата на сите твои уреди? Пријави се или најави се
Ito Bible by Beyond Translation is licensed under Creative Commons Attribution-ShareAlike 4.0 License.