Библијата е живаПримерок

Библијата е жива

Библијата е Божјиот Збор за нас. Тоа е пишан наратив што Бог го раскажал преку луѓето за Неговиот карактер и Неговите планови да го спаси и обнови човештвото. И бидејќи е инспириран од Бога, секој дел од Светото Писмо има моќ да нѐ советува, осудува и менува.

Сети се на период од твојот живот кога имаш почувствувано дека твојот ум се обновува или гледаш како се менува некоја област од твојот живот. Ако редовно го читаш или слушаш Светото Писмо, тогаш ја имаш искусено Неговата моќ да те инспирира, охрабри, па дури и да те предизвика.

Библијата е повеќе од лекција по историја. Иако прераскажува што направил Бог, исто така ни покажува што Бог ќе направи. Открива вистина што Бог ја разоткрива низ историјата; вистина што Тој сака да продолжи да ја раскажува преку нас.

Божјиот Збор се движел во срцата на луѓето уште од почетокот на времето и таа инспирација довела до трансформација на градови, нации и континенти.

Затоа, оваа недела, да прославиме затоа што Библијата е жива и активна во нашиот свет, гледајќи ја нарацијата што Бог ја кажува преку христијаните, низ историјата - нарација што ја покажува способноста на Библијата да пробие темнина, да донесе надеж, да врати животи, и да го промени светот.