4

Исусовото искушување

(Мт 4,1-11; Мк 1,12-13)

1 # 5 Мојс 9,9; 1 Цар 19,8 Исполнет со Дух Свети, Исус се врати од Јордан, и беше одведен од Духот во пустината. 2#Евр 4,15Четириесет дена Го искушуваше ѓаволот. Во текот на тие денови не јадеше ништо, а кога изминаа тие, најпосле огладне. 3#3,22Тогаш Му рече ѓаволот: „Ако си Син Божји, кажи му на овој камен да стане леб.“ 4#5 Мојс 8,3А Исус му одговори: „Напишано е дека не само со леб ќе живее човекот (туку и со секој збор Божји).“#4,4 Текстот во заграда не се среќава во сите ракописи. 5Потоа ѓаволот Го одведе на една висока планина и му ги покажа за миг сите царства во светот. 6#Мт 28,18; 1 Јн 5,19; Откр 13,2.4И Му рече ѓаволот: „Тебе ќе Ти ја дадам сета оваа власт и нивната слава, зашто мене ми е предадена, и ја давам кому што сакам. 7#Ер 27,5Ако ми се поклониш, сето тоа ќе биде Твое.“ 8#5 Мојс 6,13; 10,20Но Исус му одговори и рече: „(Бегај од Мене, сатано, зашто)#4,8 Во некои ракописи кон овој стих додаден е текстот во заградата. напишано е: ‚На Господ, твојот Бог, поклонувај Му се и единствено Нему служи Му!‘“ 9#Ез 8,3И Го одведе во Ерусалим, и Го постави на стреата од храмот, па Му рече: „Ако си Син Божји, фрли се одовде долу! 10#Пс 91,11-12Зашто е напишано: ‚На ангелите Свои ќе им заповеда за Тебе да Те зачуваат; 11и на раце ќе Те земат, да не си ја сопнеш ногата Своја на камен.‘“ 12#5 Мојс 6,16И Исус му одговори и рече: „Кажано е: ‚Не искушувај Го Господ, својот Бог!‘“ 13#22,3.53; Јн 13,2.27; Евр 4,15Па откако ѓаволот заврши со сите искушенија, се оддалечи од Него за некое време.

Исус го започнува Своето дејствување во Галилеја

(Мт 4,12-17; Мк 1,14-15)

14 # Мт 3,16; 4,12 И се врати Исус во Галилеја во силата на Духот; и се разнесе глас за Него по целиот тој крај. 15#Мт 4,23; 9,35А Тој поучуваше во нивните синагоги, и сите го славеа.

Исус е отфрлен во Назарет

(Мт 13,54-58; Мк 6,1-6)

16 # 2,39.51; Мт 13,54; Дела 17,1-2 И дојде во Назарет, каде што беше одраснал, и по обичајот Свој влезе еден саботен ден во синагогата, па стана да чита. 17Му ја подадоа книгата на пророкот Исаија; и Тој, штом ја отвори, го најде местото каде што беше напишано: 18#Ис 61,1-2#Ис 58,6„Духот Господов е врз Мене; зашто Господ Ме помаза. Ме прати да им соопштам радосна вест на бедните. Ме прати#4,18 Во некои ракописи е додадено: „да ги исцелам оние со скрушено срце,“ да им проповедам на заробените ослободување и на слепите прогледување, да ги пуштам на слобода напатените; 19#3 Мојс 25,10-13да ја проповедам благопријатната година Господова!“ 20#Дела 6,15Потоа ја затвори книгата, му ја даде на прислужникот, и седна; а очите на сите во синагогата беа вперени во Него. 21#2,11И почна да им говори: „Денес се исполни ова Писмо што го чувте.“ 22#2,47; 4,15; Мт 13,55; Јн 7,46И сите Му потврдија и се восхитуваа на Неговите благодатни зборови што излегуваа од устата Негова и велеа: „Не е ли Овој синот на Јосиф?“ 23#4,31-41; Мк 1,21А Тој им рече: „Некој од вас сигурно ќе Ми приговори со оваа изрека: ‚Лекаре, излекувај се Сам! Направи го и овде, во Твојот роден крај, она што чувме дека се случило во Капернаум.‘“ 24#Мк 6,4; Јн 4,44Па им рече: „Вистина ви велам: ниеден пророк не е омилен во својата татковина. 25#1 Цар 17,1; 18,1; Јк 5,17Навистина ви кажувам: имаше многу вдовици во Израел, во времето на Илија, кога се затвори небото три години и шест месеци и настана голем глад по целата земја; 26#1 Цар 17,8-16и кај ниедна од нив не беше пратен Илија, но само кај една жена вдовица во Сарепта Сидонска; 27#2 Цар 5,1-14и имаше мнозина лепрозни во Израел во времето на пророкот Елисеј, но ниеден од нив не се очисти, освен Сириецот Нееман.“ 28#Дела 7,57А кога го слушнаа тоа, сите во синагогата се исполнија со гнев; 29#4 Мојс 15,35; Дела 7,58па станаа, Го истераа надвор од градот и Го одведоа на врвот од еден рид, каде што беше соѕидан нивниот град, за да Го турнат одозгора. 30#Јн 8,59; 10,39Но Тој помина меѓу нив и си отиде.

Исус во Капернаум. Силата на Неговиот збор

(Мт 7,28-29; Мк 1,21-28)

31 # Мт 4,13 И слезе во Капернаум, во градот Галилејски, и ги поучуваше во саботните денови. 32#Мт 7,28-29; Мк 11,18И се чудеа на Неговата наука, зашто Неговото слово беше силно. 33#Мк 5,2.7Во синагогата се наоѓаше еден човек обземен од дух на нечист демон, и тој извика гласно: 34#Мт 8,29; Јн 6,69; Дела 3,14„Еј, што сакаш Ти, Исусе од Назарет? Си дошол ли да нѐ погубиш? Те знам кој си. Ти си Светец Божји.“ 35А Исус му заповеда, говорејќи: „Молкни и излези од него!“ Па откако го кутна насреде, духот зол излезе од него и ништо лошо не му направи. 36Сите ги обзеде страв, па си зборуваа меѓу себе: „Каков ли е тој збор! Зашто со власт и сила им заповеда на нечистите духови и тие излегуваат!“ 37#4,14; Мт 9,26Па се разнесе глас за Него по сите околни места.

Исус оздравува многумина болни

(Мт 8,14-17; Мк 1,29-34)

38 # Јн 4,52; Дела 28,8 # Мт 4,18 Штом излезе од синагогата, влезе во куќата Симонова; а тештата на Симон имаше силна треска, и Го помолија за неа. 39И како застана над неа, Тој ја прекори треската, и таа ја остави; и жената веднаш стана и им служеше. 40#13,13; 1 Тим 4,14И на зајдисонце, сите што имаа болни од разни болести ги доведуваа кај Него; а Тој, положувајќи раце над секого од нив, ги исцелуваше. 41#3,15; Мт 14,33; 16,13.16; 22,41-42; Мк 3,11; Јн 1,20.41; 7,26-27.41-42; 11,27; 20,31; Дела 4,26; 17,3; Рим 9,5; 1 Јн 2,22Од мнозина излегуваа демони со викање, и велеа: „Ти си Христос, Син Божји.“ А Тој забрануваше и не им дозволуваше да кажуваат дека знаат дека е Тој Христос.

Исус проповеда во Јудеја

(Мт 4,23; Мк 1,35-39)

42 # Мк 1,35.37 Кога се раздени, Тој излезе и отиде на осамено место, а луѓето Го бараа па, кога дојдоа кај Него, Го задржуваа да не си оди од нив. 43#Мт 9,35; 24,14; Мк 1,14-15А Тој им рече: „И на другите градови треба да им ја објавам радосната вест за царството Божјо, зашто за тоа сум пратен.“ 44#Мт 4,23И проповедаше по синагогите галилејски.

ЛукаПримерок

Свето Писмо

Опис за овој план

Слични Планови