ܒܪܝܬܐ 9-ൽ നിന്നുള്ള പ്രശസ്ത ബൈബിൾ വചനങ്ങൾ

പങ്ക് വെക്കു

ܘܐ݇ܡܝܼܪܹܗ ܐܲܠܵܗܵܐ، ”ܐܵܗܵܐ ܝܠܹܗ ܢܝܼܫܲܢܩܵܐ ܕܘܲܥܕܵܐ ܕܒܸܥܒ݂ܵܕܵܐ ܝܘܸܢ ܒܹܝܠܝܼ ܘܒܹܝܠܵܘܟ݂ܘܿܢ ܘܒܹܝܠ ܟܠ ܓܵܢܵܐ ܚܵܝܬܵܐ ܕܝܼܠܵܗ̇ ܥܲܡܵܘܟ݂ܘܿܢ، ܠܕܵܘܪܹ̈ܐ ܕܠܥܵܠܲܡ. ܡܘܼܬܸܒ݂ ܠܝܼ ܩܸܫܬܝܼ ܒܥܢܵܢܵܐ، ܘܒܸܬ ܗܵܘܝܵܐ ܢܝܼܫܲܢܩܵܐ ܕܘܲܥܕܵܐ ܒܹܝܠܝܼ ܘܒܹܝܠ ܐܲܪܥܵܐ.

ܐܝܼܡܲܢ ܕܡܲܒܝܸܢܵܐ ܩܸܫܬܵܐ ܓܵܘ ܥܢܵܢܹ̈ܐ، ܒܸܬ ܓܲܫܩܸܢ ܥܲܠܘܼܗ̇ ܘܕܵܟ݂ܪܹܢ ܠܘܲܥܕܝܼ ܕܠܥܵܠܲܡ ܒܹܝܠ ܐܲܠܵܗܵܐ ܘܒܹܝܠ ܟܠ ܓܵܢܵܐ ܚܵܝܬܵܐ، ܕܟܠ ܓܸܢܣܵܐ ܕܥܲܠ ܐܲܪܥܵܐ.“

ܟܠ ܕܫܲܦܸܟ݂ ܕܸܡܵܐ ܕܐ݇ܢܵܫܵܐ، ܒܝܲܕ ܐ݇ܢܵܫܵܐ ܕܸܡܹܗ ܒܸܬ ܦܵܐܹܫ ܫܘܼܦܟ݂ܵܐ؛ ܣܵܒܵܒ ܐܲܠܵܗܵܐ ܐܲܝܟ݂ ܨܲܠܡܹܗ ܥܒ݂ܝܼܕ ܠܹܗ ܒܲܪܢܵܫܵܐ.

ܒܘܼܪܸܟ݂ ܠܹܗ ܐܲܠܵܗܵܐ ܠܢܘܿܚ ܘܠܒܢܘܿܢܘܼ̈ܗܝ ܒܹܐܡܵܪܵܐ، ”ܦܪܹܝܡܘܼܢ ܘܙܘܼܕܘܼܢ ܘܡܠܹܝܡܘܼܢ ܠܐܲܪܥܵܐ.

ܟܠ ܪܲܚܫܵܐ ܕܝܼܠܹܗ ܚܵܝܵܐ، ܗܵܘܹܐ ܐܸܠܵܘܟ݂ܘܿܢ ܠܡܹܐܟ݂ܘܼܠܬܵܐ؛ ܐܲܝܟ݂ ܕܝܘܼܗ݇ܒܸܠ ܠܝܼ ܐܸܠܵܘܟ݂ܘܿܢ ܝܲܪ̈ܩܹܐ، ܒܝܼܵܗ݇ܒ݂ܵܐ ܝܘܸܢ ܐܸܠܵܘܟ݂ܘܿܢ ܐܘܼܦ ܟܠ ܡܸܢܕܝܼ ܐ݇ܚܹܪ݇ܢܵܐ.

ܙܕܘܼܥܬܵܘܟ݂ܘܿܢ ܘܣܲܗܡܵܢܘܼܬܵܘܟ݂ܘܿܢ ܗܵܘܝܼ ܥܲܠ ܟܠܵܗ̇ ܚܲܝܘܬܵܐ ܕܐܲܪܥܵܐ، ܘܥܲܠ ܟܠܵܗ̇ ܦܵܪܲܚܬܵܐ ܕܫܡܲܝܵܐ، ܘܥܲܠ ܟܠ ܪܲܚܫܵܐ ܕܪܵܚܹܫ ܥܲܠ ܐܲܪܥܵܐ، ܘܥܲܠ ܟܠܲܝܗܝ ܢܘܼܢܹ̈ܐ ܕܝܵܡܵܐ؛ ܒܐܝܼܕܵܘܟ݂ܘܿܢ ܦܝܼܫܹܐ ܝܢܵܐ ܣܘܼܦܝܹܐ.

ܘܐܲܚܬܘܿܢ، ܦܪܹܝܡܘܼܢ ܘܙܘܼܕܘܼܢ، ܡܠܹܝܡܘܼܢ ܠܐܲܪܥܵܐ ܘܙܘܼܕܘܼܢ ܓܵܘܘܼܗ̇.“