Kod 26-ൽ നിന്നുള്ള പ്രശസ്ത ബൈബിൾ വചനങ്ങൾ

പങ്ക് വെക്കു

Sigi jamana nin kɔnɔ yan, ne bena to i fɛ ka i dɛmɛ. Ne bena mara nunu bɛɛ d'i n'i kɔmɔgɔw ma. Ne ye layidugwɛlɛn ta i faa Ibrayima ye koo min na, ne bena o kɛ.

Ne bena i kɔmɔgɔw caya i n'a fɔ lolow, ka mara nunu bɛɛ di u ma. Dugukolo kan siyaw bɛɛ bena hɛrɛ sɔrɔ i kɔmɔgɔw barika la bari Ibrayima ye ne sago kɛ, a ye ne ka kuma, ni ne ka cii fɔninw ni ne ka koo latigɛninw, ani ne ka sariyaw mara.»

A bɔra o yɔrɔ la ka taga kɔlɔn wɛrɛ sogi. Kɛlɛ ma kɛ o kama. A y'o tɔgɔ la Erewobɔti, bari a ko: «Masaba ye yɔrɔ d'an ma sisan, janko an ka koo ka yiriwa jamana kɔnɔ.»

Masaba y'a yɛrɛ yira Isiyaka la k'a fɔ a ye ko: «Kana taga Ezipiti jamana na. Ne bena jamana min koo fɔ i ye, i ka sigi o kɔnɔ.

Isiyaka ye sarakabɔyɔrɔ lɔ o yɔrɔ la ka Masaba bato. O yɔrɔ la, a y'a ka fanibugu lɔ, ani a ka jɔɔnw ye kɔlɔn sogi o yɔrɔ la fana.