Juan 14-ൽ നിന്നുള്ള പ്രശസ്ത ബൈബിൾ വചനങ്ങൾ

പങ്ക് വെക്കു

“Ang paghidait ginabilin ko sa inyo, ang akon paghidait ginahatag ko sa inyo. Ginahatag ko ini sa inyo indi subong sang paghatag sang kalibutan. Indi kamo magpalibog kag magkatublag, indi kamo magkahadlok.

Si Jesus nagsabat sa iya, “Ako amo ang dalan, ang kamatuoran, kag ang kabuhi, wala sing may makakadto sa Amay kon indi paagi sa akon.”

Si Jesus nagsiling sa ila, “Indi kamo magpalibog kag magkatublag. Magtuo kamo sa Dios, kag magtuo man kamo sa akon.

Pero ang Mananabang, ang Espiritu Santo nga ipadala sang Amay sa akon ngalan, magatudlo sia sa inyo sang tanan nga mga butang, kag magapahanumdom sia sa inyo sang tanan nga akon ginsiling sa inyo.

“Ang nagabaton kag nagatuman sang akon mga sugo amo ang nagahigugma sa akon. Ang akon Amay magahigugma sa iya nga nagahigugma sa akon, kag ako man magahigugma sa iya kag magapahayag sang akon kaugalingon sa iya.”

Kag ako magapangayo sa Amay kag hatagan niya kamo sang isa pa ka Mananabang, nga magapabilin upod sa inyo sa walay katapusan. Sia amo ang Espiritu nga nagapahayag sang kamatuoran nahanungod sa Dios. Ang kalibutan indi makabaton sa iya, tungod kay ang kalibutan wala makakita ukon makakilala sa iya. Pero kamo nakakilala sa iya, tungod kay sia nagapabilin upod sa inyo kag manginyara sa inyo.

Kag akon himuon ang bisan ano nga inyo pangayuon sa akon ngalan, agod paagi sa Anak mapakita kon daw ano ka makatilingala ang Amay. Kon kamo magpangayo sa akon sang bisan ano nga butang sa akon ngalan, akon ina pagahimuon.

“Kon ginahigugma ninyo ako, tumanon ninyo ang akon mga sugo.

Sa balay sang akon Amay may madamo nga mga kwarto, kag magalakat ako sa pag-aman sing lugar para sa inyo. Indi ako magsiling sini sa inyo kon indi ini matuod.

Sa tapos ako makalakat kag makaaman sing lugar para sa inyo, magabalik ako kag dalhon ko kamo, agod nga kon diin ako didto man kamo.

Si Tomas nagsiling sa iya, “Ginoo, wala kami makahibalo kon diin ikaw makadto, gani paano bala ang pagkatultol namon sang dalan pakadto didto?”