Jan 10-ൽ നിന്നുള്ള പ്രശസ്ത ബൈബിൾ വചനങ്ങൾ

പങ്ക് വെക്കു

Nje-bboko ddee mba bboko nɛ̂n, mba tɔl nɛ̂n, mba tuju nɛ̂n njaa a bbayɛ̂. A əman, m-ddee ta karə dəwje ingaje təbbə tokə banya uta dɔɛ̂.

«Əman, m-to nje-ngəm nɛ̂n-kuulje kə̂ maji. Nje-ngəm nɛ̂n-kuulje kə̂ maji ila rɔɛ̂ kɔrɔ̂ mba batəje laa.

Batəje ləm ooje ndum. Əman, m-gərəde ngaâ dunnje gom.

Marəde təbbə kə̂ to kə ndɔ kə ndɔ, dâ koyje ndɔ kâra ang ddəm dəw kâra a kɔrude jim tə̂ ang ddəm.

M-to ta-ddəw. Dəw kə̂ andə kə ta-ddəw kə̂ to əman le a, a kinga kaji. Nâ kandə, nâ tee ngaâ nâ kinga nɛ̂n-kusa.

Əman, m-to nje-ngəm nɛ̂n-kuul kə̂ maji, m-gərə batəje ləm ngaâ batəje ləm gərəmje

Bɔmje kə̂ arəmde bo uta tɔyn. Dəw kâra a kasə kɔrude ji Bɔ tə̂ ang. Əman kə Bɔmje, n-to dəwje kə̂ kâra baa.»

tokə Bɔ gərəm ngaâ m-gərə Bɔ tɔ le. Munn təbbə ləm marə mba batəje ləm.

Dəw kâra ɔru təbbə ləm jim tə̂ kə singa ang, əman njaa marə kə̂ mə-ndiki ləm. Masə ta karə təbbə ləm ngaâ masə ta təl kinga. Yeenn to ndu kə̂ Bɔ unn arəm.»

Jeju təl pa bbay nan: «Tɔkɔrɔ njaa, m-pa marəse: M-to ta-ddəw singa lə batəje.

A dəw kə̂ to nje-ngəm nɛ̂n-kuul ang, aw dda to kula narɛ̂, mba batəje le toje to laa ang. Bbo noo ənjakəmnjar aw ddee a, n̂-tusude ninyade a nayn. Ənjakəmnjar le uwa marɛ̂je ngaâ kəseje aynje kâra kâra.

Jeju pa nan: «Tɔkɔrɔ njaa m-pa marəse, dəw kə̂ andə kə ta-ddəw dɔ batəje tə̂ ang, a aal dɔ singa lo tə̂ kə̂ dang bba andə nɛ̂n, to nje-bboko ddəm nje-taa nɛ̂n lə dəwje kə singa ddəm.