Jɛ́nɛ́sì 17-ൽ നിന്നുള്ള പ്രശസ്ത ബൈബിൾ വചനങ്ങൾ

പങ്ക് വെക്കു

Ti ɓɛ́ Éébànà ɖǎ ma zɔ̃ kpáɖá-nyɔ hĩinyɛ ɓaɖa-bùè sè mɛ̀nɛ̌ìn-hĩinyɛ nyuɛɛ, Bounɓoɔ̀ wóɖóìn ma ɔ dyí, ké ɔ ɖá, “Mɔ̄ mɔ̀ kpé-séín-ɓéɖé-Gèɖèpɔ́ɔ̀. M̀ mɛ sí ḿ kíɖíí, ɓɛ́ m̀ ké se kɛɛ ɖò ɓéɖé.

Nì nyɛ́nɛ́ɔ̀ se Éébànà jǔɛ mu ɖe. Ɔ muá Ééɓòɖòhɛ̃́ɛ̀ jǔùn, sepóɛɖé ní mu m̀ ɓóɖó-dù ɓáún-ɓáún ɓǎ mú nyuùn.

“Ɓó kɔ̃in ɖeɛɛ, ní mu dèè-wùɖùɔ̀ kɔ̃in kpɔ̃ùn kánáá pū ɓó m̀ kè nì xwíníín-dyù ɓě gbo, ɓɛ́ ḿ ké m̀ kè nì xwíníín-dyù ɓěɛ̀ Gèɖèpɔ́ɔ̀ jǔ kánáá pū.

“Dyéɛ, dèè-wùɖù nìà ɓó ḿ kè mɔ̀ pṹa kɛɛ, ɔ kɛà kɛ̀. Nì mu ɓóɖó-dù ɓáún-ɓáún ɓǎ jǔùn.

Hwɛ̀ ké Gèɖèpɔ́ɔ̀ ɖá, “Ɔ se ná nì, kɛɛ nì gmàà Seɖɔ́ mɔ̀ nyɔ mu gàa-dyù ɖò wóɖóìn ɓó m̀ bìì. Ké nì mu ɔ Áázè-nyɛ̀nɛ̀ jǔìn. Ḿ kè ɔ mu wuɖu dèìn, ɓɛ́ ɔ ké sè-ná-sèɛ̀ dèè-wùɖù jǔ ɓó ɔ xwíníín-dyù ɓě bìì.

Ké ní mu m̀ Kénà-ɓòɖò kɔ̃̀ kɔ̃ ɓɛ́ m̀ mɔ̀à ɖéèɛɛ gànáɔ̀ nyíìn, ɓɛ́ ɔ ké m̀ kè nì xwíníín-dyù ɓěɔ̀ kɔ̃̀ɔ̀-ɖɛ̀ jǔ kánáá pū, ké ní mu ɓěɛ̀ Gèɖèpɔ́ɔ̀ jǔùn.”

Hwɛ̀ ké Ééɓòɖòhɛ̃́ɛ̀ taɓa ma dú hwuɖu ɓó Bounɓoɔ̀ dyúa. Ké ɔ kéɛ̀ ma, ké ɔ cɛ̃ɛ ma ɖé ɔ hwòɖǒ bũ̌, ké ɔ ɖá, “Gàa ɓɛ́ ɔ ɖǎ zɔ̃ hɔ̃dɛ̀ɖɛ̀ ɖò nyuɛɛ ɓɛ́ìn dyú wóɖóɛ̀n ɖeè? Ké Seɖɔ́ ɓɛ́ ɔ ɖǎà zɔ̃ kpáɖá-nyɔ hĩinyɛ ɓaɖa-bùè nyuɛɛ mɔ̀ùn ɓɛ́ìn dyú wóɖóɛ̀n ɖeè?”

Ké Gèɖèpɔ́ɔ̀ cɛ̃ɛ ma Ééɓòɖòhɛ̃́ɛ̀ gbo ɖe, ké ɔ ɖá, “Ɓá nì gmàà Séwàɖà jè dyíɛɛ, m̀ mɛ ɓɔ́ ɔ Séwàɖà ɖáìn ɖe. Ɔ nyɛ́nɛ́ muá Seɖɔ́ jǔùn.

Ɓě ɓéɖé ɓɛ́ ɓě ké sàà mɛ́, ɓɛ́ ɔ ké dyí-tɛ̀mɛ̀ìn-ɖɛ̀ jǔ ɓó dèè-wùɖù nìà ɓó ḿ kè ɓě pṹa kɛɛ jè.

Kɛɛ ḿ kè Áázè ɓɛ́ Seɖɔ́ muà m̀ bìì wóɖóìn ɓó zɔ̃ muà dyiìn nyɛɛ, ti dè kà múɛɛ, mu wuɖu dèìn.”

Sɔ̀ìn ɓó zɛ̃̌ɛ̀ gboɛɛ, ɓěɛ̀ gàa-dyù séín ɓɛ́ wa mu wé mɛ̀nɛ̌ìn-tã nyuùn wɛ̃ɛ ɓéɖé ɓɛ́ wa ké sàà mɛ́, hwɛ̀ ḿ po níiń, gǐì-gàà ɓě ɓɛ́ wa wóɖó ɖé ɓěɛ̀ gbǒɔ̀ xwíníín nyɛ kè gǐì-gàà ɓěɔ̀ nyɔ ɓɛ́ ɓě dɔ̃ wíɖí mú sɔ̀ìn ɖé ɖíà ɓě xwaún wɛ̃. Gǐì-gàà ɓě wóɖó ɖé ɓěɛ̀ gbǒɔ̀ xwíníín nyɛ kè gǐì-gàà ɓě ɓɛ́ ɓě dɔ̃ wíɖí múɛɛ, wa séín ɓéɖé wa ké sàà mɛ́. À dèè-wùɖù ɓá ɓěɛ̀ fɔ́ɔ̀ jè dyíɛɛ mu sè-ná-sèɛ̀ dèè-wùɖù jǔùn.