uYoohani 12-ൽ നിന്നുള്ള പ്രശസ്ത ബൈബിൾ വചനങ്ങൾ

പങ്ക് വെക്കു

Umuntu wonti we akumbombela ine, akwanzilwa andandate. Yeenya, ponti pe indi, nu muvhomvi waane kwe avhanje. Havhili uTaata alimushindiha umuntu wonti we akumbombela ine.

Umuntu wonti we akusungwa kuvhupoha uvhulanzi vhwakwe, alivhulovwa. Ileelo umuntu wonti we akuvhuviitilwa uvhulanzi vhwakwe ku zyane mu nsi ino, alivhwaga uvhulanzi uvhwa shiima.

Nalyoli nkuvhavhuuzya kuuti, inga imbeyu yitafushilwa pansi inza umuntu we afuuye, yitangaamela, nkandi inga yafushilwa, pe yikumela nu kupaapa amantonongwa aminji.

Ine ninzile mu nsi umu, inga mbe ne vhuzelu ku vhantu, inga umuntu wonti we akuniitiha ine atatendamaje mu shiisi.

Umuntu we akugiivwa amazwi gaane, ileelo atakugalema, te nkamulonje, mwe pe ntínzile kuvhalonga avhantu, nkandi nínzile kuvhapoha.

Pe uMaliiya ahanyatula insupa iya mafuta aga nsavho impiti havhili ge gakununshila, ahamwitiilizya uYeesu mu vinama vwakwe nu kumusyumula ni nsisi zyakwe. Inyumba yonti yihiizula umununsi umwinza uwa mafuta igo.

Pe vhahanyatula insamba izya matende, vhaheepa kusogola kumuposheela uYeesu. Vhahanda kuvhilishila kwi izwi, vhahati, “Ashindikwaje uMulungu! Alosiitwe we akwinza kwi izina ilya MWENE uMulungu! Alosiitwe uMwene uwa Vhaisilayeeli.”

UYeesu ahavhaamula ahati, “Ishi ahavhaliilizyo haafiha aha vhushindamu vhwane ne Mwana wa Aadamu kuloleha.