Luk 7-ൽ നിന്നുള്ള പ്രശസ്ത ബൈബിൾ വചനങ്ങൾ

പങ്ക് വെക്കു

O manigiu o ine na we vava muniko wa, Napugana we qoqo, pa me nomvitag veta; ape ni me tape aneane: pa ta nomvitag mantagai munsei, ni te tape mantagai. Naŋ ni me vava munia wa, Me nomvitag napugama ŋaŋ.

Naŋ neia we vet mun o vavine wa, Nom o nomtup me vaesuko; mule tamata at.

ti tira peteŋ naraŋona ape kulana, ti taŋtaŋ, ti qeteg vasug naraŋona mun nasurmatana, ti maŋ mamasa mun nauluna, wa ti nimnim naraŋona, ti nonon mun o urai ilone.

Wa o manigiu o ine na gate nonom si na we sar si na mule suriko anaqarig; nava ka log o vavae, wa o reremera anak te esu apena. Ape inau mulaŋ o tanun me map sur siwo inau munra liwoa goro, wa amenau o tuan soldier we sur siwo mun nau; wa na we vava mun tuara, Ka van at, pa ti van; wa mun tuara, Van ma, wa ti van ma; wa mun o rowrowovag anak, Ka ge tamaike, wa ti ge. Naŋ i Jesus me roŋotag iloke, we mamakei ape ineia, ti kilau ris ti vet mun o sul we tataga ineia, ti vet wa, Nau we vava mun kamiu wa, Na gate ilo suar qalo o nomtup we poa tamaike amaira Israel.

Naŋ alo masao qoŋ ilone nane ni me ge esura we qoqo nan o gopae, wa nan o vivtig, wa nan o vui we tatas, wa ni me vasoal mun o matapei we qoqo si neira iloilo. Naŋ ni we valui goro rara we vet wa, Ura mule, ura gaganag kel mun John o sava ŋaŋ kamurua me ilo veta wa me roŋotag, was o matapei ŋaŋ we lik kel, wa o qages we mule kelkel, wa o resresmavin we wenewene kel, wa o qorowono we roŋotag, wa ira mate we tavaraka kel, wa we gaganag o lea we wia mun ra masara ŋaŋ.