मत्ती 21-ൽ നിന്നുള്ള പ്രശസ്ത ബൈബിൾ വചനങ്ങൾ

പങ്ക് വെക്കു

ख्‍योकोनगी प्रार्थना खित्‍जीन परमेश्‍वरताङ नाङ खाबाते पक्‍काराङ ङेत्‍क्‍यो सिन छ्याःङ शंका माक्‍यासुङ सासीन जे नाङ खासीनोङ थे नाङ खाबाते ङेत्‍क्‍यो ङेत्‍क्‍यो,” सिन सिदुक।

थेमे थेकी थेबाला “ङा ख्‍योकोनला च्‍यि सिते सासीन छ्याःङ शंका मिक्‍किता खाईन परमेश्‍वरला विश्‍वास खासीन ङे दि नेभारे दोङबोला खाबा च्‍योककामा मेन, ख्‍योकोनगी उथे बोमला थेरूकी खोर फोक्‍ला समुन्‍द्रमा स्‍यू सासीनोङ ख्‍योकोनगी साबा च्‍योकराङ ओङगो।

थेमे थे गोमाङ तिरीङ ख्‍याम्‍गीन ओताते मिओनगी छेरा खिनकामा “दाऊद सन्‍तानते जय जय ओङस्‍यीत। प्रभु परमेश्‍वरगी देमा ताङाते गेल्‍बो काल्‍बासाक सोन्‍स्‍यीत। थेते जय जय ओङस्‍यीत। स्‍वर्गने देत्‍कान्‍ते प्रभु परमेश्‍वरते जय जय ओङस्‍यीत,” सिन सिराला स्‍यूसुङ।

थेकी “परमेश्‍वर बातला परमेश्‍वरगी ‘ङे खाम्‍बा ङाला प्रार्थना खिताला जोबाते ईन,’ सिन साबा ओत। तर ख्‍योकोनगीनी दुरू चोर डाँका देत्‍च्‍येते ठाउँ च्‍योकका जोदुक। ख्‍योकोन दुरूकी थेन्‍ला ग्‍युक,” सिन होथेबा गाङेला तेन्‍गीन ताङसुङ।

“सियोन सारगी मिओनला दि बात सि। चुक सासीन ख्‍योकोन गेल्‍बोचेन गेल्‍बो च्‍योक छ्ये मिक्‍किता खाला गधे लाक्‍तु जेला थेपा ओङगीन ओत। थे गधे कीउकी लाक्‍तुङ जेला ख्‍याम्‍ग्‍यो,” सिन साबा ओतान।

थेबेकी थोक सानामेई येशूकी “च्‍यि ख्‍योकोनगी परमेश्‍वर बातला दोक सिन टिबाते बात पढे खासीनोङ खोबा मेत? थेरूचेन चुक सिन टिबा ओते सासीन ‘जुन दोला कर्मीओनगी कामराङ लै मिक्‍किओ सिन क्‍युरा ओतान, थे दोराङ आउदी काम लै खित्‍च्‍या थे मेताला छ्याःङ खिता मुथुप्‍च्‍या ओङसुङ। प्रभु परमेश्‍वरगीराङ थे दोला दोक जोबाते ईन। थेकी थोक अचम्‍ब काम खाबाते ङ्योकोनगी थोङा ओत,’ सिन टिबा ओत।

बात दोक दोक ईन्‍देकी ङा ख्‍योकोनला च्‍यि सिते सासीन था परमेश्‍वरगी थे खोरोङ राज्‍य ख्‍योकोन लाःक्‍तुकी ठ्वाला च्‍याला थे राज्‍यदु खिता फाप्‍च्‍येते च्‍योकराङ खित्‍कान्‍ते ज्‍येन जातज्‍यीगी मिओनला तेरग्‍यो।