मत्ती 22-ൽ നിന്നുള്ള പ്രശസ്ത ബൈബിൾ വചനങ്ങൾ

പങ്ക് വെക്കു

थोक सिरजीन थेकी “परमेश्‍वर नियमला चुक साबा ओते सासीन ‘प्रभु परमेश्‍वरला खुई खोरोङ आत्‍माताङ बुद्धिकी थुपासम्‍म सेमदुकीराङ ङिङज्‍ये खि,’ साबा ओत। परमेश्‍वरगी बिन्‍दाते नियम नाङ गाङे भन्‍दा छ्येते दिराङ ईन। दि छेतराङ ङेन्‍दा फाप्‍च्‍येते ज्‍येनते नियमलाचेन ‘दाक्‍पोन ज्‍यानला माया खिता च्‍योकराङ खाला ज्‍येनलाङ ङिङज्‍ये खि,’ सिन साबा ओत।

परमेश्‍वरगी ङेन साबाते मोशेकी टिबाते नियमओन थेमे परमेश्‍वर बात खित्‍कान्‍ते मिओनगी गोमा साबाते गाङे बात होदि छ्येते नियम ङिबो नाङदुराङ फाप्‍क्‍यो,” सिन सिदुक।

थोगी बात दिराङ ईन। च्‍यि सासीन स्‍वर्गे राज्‍यने स्‍यू सिन मि काल्‍बेईला साबा ओङगो। ईन्‍सीनोङ थेने स्‍यूक्‍पाला छाने खाबाते मिओनचेन टिक्‍पीईराङ ओङगो,” सिन सिदुक।

था तिरी स्‍याप्‍ते मिओन सोम्‍बो लोक्‍नामेई थेबानी स्‍वर्गने देत्‍कान्‍ते परमेश्‍वर दूतओन च्‍योकराङ फाङमाराङ मिक्‍किता खाला देत्‍क्‍यो। थेजीन फाङमा खित्‍च्‍येते बात सिराते छ्याःङ मेङगो।

खै ख्‍योकोनगी तिरो ज्‍येल्‍च्‍येते डबलज्‍यीक ङाला नाङते,” सिन सिदुक। थेरूई थेबेकी चाँदी डबलज्‍यीक थेला बिन्‍सुङ। थेमे थेकी थेबाला “दि डबलला सुई गोः नक्‍सा दुका? थेमे सुई छाप दुका,” सिन ठिसुङ। थोक सिरजीन थेबेकी “रोमी गेल्‍बोते,” सिन सासुङ। थेमे थेकी “थोक ईन्‍देकी रोमी गेल्‍बोला तेरा फाप्‍च्‍येते थेला बिन, परमेश्‍वरला तेरा फाप्‍च्‍येतेचेन परमेश्‍वरलाराङ बिन,” सिन सिदुक।