Genesis 3-ൽ നിന്നുള്ള പ്രശസ്ത ബൈബിൾ വചനങ്ങൾ

പങ്ക് വെക്കു

Dan a uma si taki den froktu fu a bon ben bun fu nyan èn taki den ben moi fu si. Den ben e gi yu lostu fu yu nyan den, fu yu ben kan kon sabi sani. So a uma teki fu den froktu fu a bon dan a nyan. A gi en man, di ben de drape nanga en, dan a dati nyan tu.

Fu ala den meti di MASRA Gado ben meki, a sneki ben de a wan di ben lai triki moro ala trawan. A sneki taigi a uma taki: “A mus de so taki Gado taigi unu taki un no mus nyan fu no wan fu den bon ini a dyari.”

Mi sa meki taki yu nanga a uma tron feyanti. Disi sa de so tu nanga den bakapikin fu yu nanga di fu a uma. Den sa masi yu ede, èn yu sa beti den baka-iri.”

Dan Masra Gado taigi a uma taki: “Mi sa meki a ten te yu de nanga bere wan tranga ten gi yu. Nanga hebi skin-ati yu sa meki pikin. Yu sa tan angri fu de nanga yu masra, èn a sa basi yu.”

Yu o abi fu sweti fu kan kon na yu deibrede, te leki yu dede èn go ini a gron baka, bika na doti fu a gron Mi ben teki meki yu. Fu kleidoti yu ben meki èn kleidoti yu sa tron baka.”

Masra Gado taigi a man taki: “Yu arki yu uma èn yu nyan fu a bon fu san mi ben warskow yu taki yu no mus nyan fu en. Dat' meki mi e fluku a gron fu yu ede. Yu heri libi langa yu sa wroko tranga, fu a gron kan gi nyanyan.

Dan Gado aksi en taki: “Suma taigi yu taki yu de nanga sososkin? Na nyan yu nyan froktu fu a bon fu san mi ben warskow yu taki yu no mus nyan fu en?”

A yagi den gwe dan A poti den kerub na a oostsei fu a dyari fu Eden. Den kerub ben tnapu drape nanga wan deigri na den mindri, di ben e koti faya èn di ben e go fu a wan sei na a tra sei, fu tapu a pasi di e go na a bon di e gi a libi fu têgo.

A man kari en uma Eva, fu di na en na mama fu ala libisma.