मती 7-ൽ നിന്നുള്ള പ്രശസ്ത ബൈബിൾ വചനങ്ങൾ

പങ്ക് വെക്കു

“कोय एपे, अपे के एमापेयाय; दंड़ायपे, नमुःआ, ठोकठोकाव एपे, अपे कथिर निच्‍चीयाय।

चिलिमेनचि जे होर कोकोय चित तहीः कनाकु, नाम कनाकु, जे दंड़ाय कनाकु, उनकु नाम केकानाकु, अरो जे ठोकठोकाव चित तहीः कनाकु, उनकु कथिर दुवेर निच्‍चीयाय।

“इनाते जहय गी इञ रआ नियां सबद ता अयुम कनाकु अरो नियां रे सेसेन कनाकु उनकु रआ तुलना उनी बुधिमान मनवा एते होयुःआ जे अपन ओड़ाः चटाइन रे बाय्येताय।

“इनाते जे बेवहार अपन कथिर एटाः होर एते चहाः कनापे, इनका गी बेवहार अपे हों एटाः होर के कराव कुपे चिलिमेनचि मूसा रआ नियम रआ बिधी अरो परमेसर सोझ एते नधनी वनकु रआ सिख नियागी हेके।

मुदा सुकड़ु हेनाःआं उना दुवेर अरो सुकड़ु हेनाःआं उना होरा जे जीवन सोझ इदी कनाय, बेचोट हुडिञ मेनाकुवा उनकु होर जे उना नाम कनाकु।

“सुकड़ु दुवेर एते बोलोःपे, नुवां इञ अपे के इनाते उदुःवापे कनिञ चिलिमेनचि चकार दुवेर अरो बड़े होरा दो नास वोः सोझ इदी कनाय, बेचोट होर हेनाकुवा जे उना रे सेसेन कनाकु।

जोब अपे बुरा होय केते हों, अपन होपोन के बुगिन जिनिस एएम सारीइ कनापे, दो अपे रिई सोवारगिये आबा अपन कोकोय वनकु के बुगिन जिनिस चिलिमेन काय एमाकुवाय?

“दोस ओलोपे लगावकुवा, ताकि अपे केहों ओलोकु दोस लगावपेया, चिलिमेनचि जेलेका अपे दोस लगाव कुकानापे इना लेका गी अपे केहों दोस लगावपेयाकु, अरो जे नाप एते सोंग कनापे, इना नाप तिगी अपे कथिर हों सोंगुःआ।

“मुदा उनकु जे इञ रआ गानाम ओनाव कनाकु, मुदा उना रआ काकु पालन काना, उनकु, उनी मुर्खाहा मनवा लेका हेनाकुवा जे अपन ओड़ाः गितिल रे बाय्येताय।

“अपे बोयहा-मिसी रआ हुडिञ गलती तदो एनेनगी साप केकानापे, अपन खुद रआ मरंग गलती ता अनदेखा ककानापे? अपे के अपन खुद रआ मरंग गलती दो का नेलुःकाना अरो चइल एतापे बोयहा-मिसी रआ हुडिञ गलती सुधराव

“परमेसर सोझ एते नधनी वान मेन केते बेदा कनाकु उनकु एते बनचाःपे; उनकु अपे ठिनुः साधारन भेड़ी रआ रुप रे हिजुः कनाकु, मुदा भीतरी एते उनकु जंहड़ी हुंडरा लेका हेनाकुवा। अपे उनकु के, उनकु रआ कामि एते चिनहाव कुवापे। जहय जनुम झुड़ एते अंगुर जो, ना दो मोरोबी एते अंजीर गोत कनाकु?

नियां लेका गी बुगिन दाड़ु रे बुगिन जो जोः काना मुदा कठिक दाड़ु रे दो कठिक जो जोः काना।

बुगिन दाड़ु कठिक जो काय एमुःकाना, अरो ना जहन कठिक दाड़ु बुगिन जो एमुः कनाय।

सुबिन उना दाड़ु, जे रे बुगिन जो काय साप कनाय, माः केते सेंगेल रे ओन्डोर कनाकु।