Jhone 12-ൽ നിന്നുള്ള പ്രശസ്ത ബൈബിൾ വചനങ്ങൾ

പങ്ക് വെക്കു

Oniebodie that wants me as thair maistèr maun follae me; an whar A'm at, ye'll fin ma sarvint thonner forbye. Ma Faither wull gie honour tae hïm that sarves me.

Hïm that's ower fand o hïs ain life wull loass ït, but hïm at haes nae gra fer leevin ïn thïs warl, wull keep hïs life fer iver an aye.

Here's tha truith o ït. Less an ear o seed-coarn draps doon ïntae tha grun an dees, ït jist stays on ïts lane. But ïf ït dees, ït maks a hale lock o seeds.

A'm cum ïntae tha warl as a licht, sae that naebodie that believes ïn me shud bide ïn tha dairk.

Anent oniebodie that haes heerd ma wurds, but daesnae houl tae thaim, A'm no fer makkin judgemen on hïm. Fer A dïdnae cum ïntae tha warl tae judge ït, but tae save ït.

Weel, Mary tuk aboot a pint o pure nard, a scentit oyle that coast bïg money, an she poored ït ower Jesus's feet an gien thaim a dicht wi hir hair. An tha hoose wus fu o tha sweet scent o tha oyle.

An the' tuk brenches o palm-trees an oot the' went tae meet hïm, cryin, “Hosanna! Blisst be tha Yin that cums ïn tha name o tha Loard! Blisst be tha Kïng o Israel!”

Tha answer Jesus gien wus thïs: “Noo's tha time fer tha Sinn o Man tae cum ïntae hïs glorie.