Psalmyn 15
15
PSALM XV.
1Quoi gys dty phlaase reeoil, O Hiarn,
Myr reih nee goaill jurnaa;
Cha nee myr joarree goaill aaght oie,
Agh ayn dy reayll dy bra.
2She eshyn eh ta leeideil bea
Cordail rish leighyn Yee;
E smooinaght, obbyr as e raa,
Reilt liorish foays e chree.
3Eh nagh dug scammylt rieau, dy ghoaill
Veih ’naboo e ghoo mie;
As nagh dug cleaysh da’n tutlar broghe
Ta shooyl veih thie dy thie.
4Ta jeh drogh-yantee soiagh beg,
Ga t’ad ayns stayd as pooar;
Agh jeh ny nooghyn ga t’ad boght,
T’eh kinjagh soiagh mooar.
Quoi gys e ghialdyn as e loo
Ta shassoo fegooish foill;
As myr t’eh gialdyn t’eh cooilleen
Cre-wooads te da dy choayl.
5Eh nagh jean goaill rour thack ny keesh
Ass argid, cooid ny airh,
Nagh jean goaill leagh ny gioot ro-laue,
Dy phlooghey briwnys cair.
Eh ta myr shoh leeideil e vea
Jeh maynrys shickyr t’eh;
Ga ragh y seihl shoh bun-ry-skyn
Yiow eshyn slane livrey.
നിലവിൽ തിരഞ്ഞെടുത്തിരിക്കുന്നു:
Psalmyn 15: PS1761
ഹൈലൈറ്റ് ചെയ്യുക
പങ്ക് വെക്കു
പകർത്തുക
നിങ്ങളുടെ എല്ലാ ഉപകരണങ്ങളിലും ഹൈലൈറ്റുകൾ സംരക്ഷിക്കാൻ ആഗ്രഹിക്കുന്നുണ്ടോ? സൈൻ അപ്പ് ചെയ്യുക അല്ലെങ്കിൽ സൈൻ ഇൻ ചെയ്യുക
maintained by the British and Foreign Bible Society