Chivkeeb 2
2
1Lub ntuj thiab lub ntiajteb, thiab ibpuas tsavyam tau raug tsim tiav tag huv tibsi. 2Vajtswv tsim txhua yam tiavlog lawm, yogli ntawd hnub thib xya Nws thiaj so tsis ua ib yam haujlwm dabtsi li. #Henpl 4:4, 10 3Vajtswv foom koobhmoov rau hnub thib xya thiab tshwj hnub ntawd ua hnub dawbhuv, rauqhov ibpuas tsavyam uas Nws tsim twb tiav tag rau hnub ntawd lawm,#2:3: ibpuas tsavyam uas Nws tsim twb tiav tag rau hnub ntawd lawm; lossis hnub ntawd ibpuas tsavyam uas Nws tsim twb tiav tag lawm. thiab hnub ntawd Nws so tsis ua haujlwm. #Khiav 20:11 4Tus txheejtxheem ntawm kev tsim lub ntuj thiab lub ntiajteb yog muaj zooli hais tag los no.
Lub Vaj Edees
Thaum tus TSWV#2:4: Tus TSWV: Qhovtwg uas phau lus Henplais muaj lub npe Yaves, rawsli ibtxwm mas sau hais tias Yehauvas, ces thoobplaws phau ntawv no thiaj txhais thiab sau ua tus tsiajntawv loj uas yog tus TSWV. uas yog Vajtswv tsim lub ntuj thiab lub ntiajteb, 5lub ntiajteb tseem tsis tau muaj nrojtsuag thiab tsis tau muaj ib yam noob uas tuaj kaus li, rauqhov Nws tseem tsis tau tso nag los thiab tseem tsis tau muaj leejtwg ua liaj ua teb; 6tiamsis dej ciali txia hauv nruab tivtxwv tuaj ntxooj thoobplaws daim av.
7Tus TSWV uas yog Vajtswv txawm muab ib qho hmoov av hauv av los puab ua ib tug txivneej,#2:7: av … txivneej; Lolus Henplais uas siv rau “txivneej” thiab “av” hais lub suab sibthooj ib yam nkaus. ces Nws txawm tshuab siav tshuab pa rau tus txivneej ntawd lub qhovntswg, tus txivneej ntawd txawm ciajsia tuaj. #1Klt 15:45
8Tus TSWV uas yog Vajtswv tsim tau ib lub vaj nyob rau hauv Edees, uas yog sab hnubtuaj, thiab Nws muab tus txivneej uas Nws puab tau lawm los nyob rau qhov ntawd. 9Nws ua rau txhua yam ntoo uas nyob hauv lub vaj lojhlob zoonkauj, thiab txitxiv ntxim qab kawg li. Nyob rau hauv lub plawv vaj muaj ib tsob ntoo uas ua rau muaj txojsia thiab muaj ib tsob uas ua rau paub qhov zoo thiab qhov phem.#2:9: paub qhov zoo thiab qhov phem; lossis paub txhua yam. #Tshwm 2:7; 22:2, 14
10Muaj ib tug dej txhawv hauv Edees thiab ntws mus ntxooj lub vaj ntawd; tus dej ntawd ncau ua plaub ceg ntws tawm hauv Edees mus lawm. 11Ceg thib ib hu ua Pisoos, ces no ntws puagncig thoobplaws lub tebchaws Havilas. ( 12Lub tebchaws ntawd muaj tej tseem kub, muaj tej roj ntoo tswqab thiab muaj tej hlaws muajnqis.) 13Ceg thib ob hu ua Nkihoos, ces no ntws puagncig lub tebchaws Khuses.#2:13: Khuses; lossis Itiupias. 14Ceg thib peb hu ua Tikis, ces no ntws mus rau sab hnubtuaj ntawm lub tebchaws Axilias, thiab ceg thib plaub hu ua Yufatis.
15Ces tus TSWV uas yog Vajtswv txawm coj tus txivneej ntawd los nyob hauv lub Vaj Edees, kom nws tu thiab saib lub vaj ntawd. 16Vajtswv tau xaaj rau nws hais tias, “Koj noj tau txhua yam txivntoo uas nyob hauv lub vaj no, 17tshwj tsob uas ua rau paub qhov zoo thiab qhov phem, koj tsis txhob noj; yog koj noj hnub twg, koj yuav tuag hnub ntawd ntag.”
18Ces tus TSWV uas yog Vajtswv hais tias, “Tsis zoo rau tus txivneej no nyob ib leeg. Kuv yuav tsim ib tug uas phim ua nws txijnkawm los pab nws.” 19Yogli ntawd, Nws thiaj muab av los puab ua txhua yam tsiaj thiab txhua yam noog. Nws coj tagnrho tej tsiaj thiab tej noog ntawd los rau tus txivneej seb nws yuav tis npe licas rau; ces tej tsiaj thiab tej noog nyias thiaj muaj nyias npe rawsli tus txivneej ntawd tis. 20Tus txivneej tis npe rau tej tsiaj thiab tej noog tagnrho huvsi; tiamsis tsis muaj ib tug uas phim ua nws tus txijnkawm thiab pab nws li.
21Tus TSWV uas yog Vajtswv thiaj ua rau tus txivneej ntawd tsaugzog heev; thaum nws tsaugzog lawm, Vajtswv thiaj rho nws ib tug txha tav los thiab muab lub qhov nqaij ntawd foob nqawm rov zoo li qub. 22Vajtswv muab tus tav ntawd los tsim ua ib tug pojniam thiab coj nws mus cob rau tus txivneej. 23Ces tus txivneej ntawd hais tias,
“Zaumno lau, muaj ib tug zooli kuv lawm thiab.
Tus no tej txha yog kuv txha, thiab tej nqaij yog kuv nqaij.
Nws lub npe yuav hu ua ‘pojniam’ rauqhov nws yog raug rho tawm ntawm txivneej#2:23: pojniam…txivneej: Lolus Henplais uas siv rau “pojniam” thiab “txivneej” lub suab yuavluag hais ib yam nkaus. los.”
24Twb yog vimli no tus txivneej thiaj tso nws niam thiab nws txiv tseg, thiab mus nrog nws tus pojniam tsheejxeeb uake, thiab nkawd koom ua ib lub cev. #Math 19:5; Malak 10:7-8; 1Klt 1:16; Efex 5:31
25Txawm yog tus txivneej thiab tus pojniam puavleej liabqab, los nkawd yeej tsis txajmuag li.
നിലവിൽ തിരഞ്ഞെടുത്തിരിക്കുന്നു:
Chivkeeb 2: MWW2022
ഹൈലൈറ്റ് ചെയ്യുക
പങ്ക് വെക്കു
പകർത്തുക
നിങ്ങളുടെ എല്ലാ ഉപകരണങ്ങളിലും ഹൈലൈറ്റുകൾ സംരക്ഷിക്കാൻ ആഗ്രഹിക്കുന്നുണ്ടോ? സൈൻ അപ്പ് ചെയ്യുക അല്ലെങ്കിൽ സൈൻ ഇൻ ചെയ്യുക
© 2022 United Bible Societies. All rights reserved.