Marc 4
4
1Jésus tél ao tòdjou tar dooudjé kare tokou man té. Dooudjé tokou baya ke dousou loou mbòna sa, tokou ban nè nao mè to té, nisi né mè man té. Dooudjé ke tokou baya disi ta kongo té.
2Nè ntòdjoudè né baya ke tar gousou, mè tar té ke nè mpa naredè, nè mpana,
3Woidjé, doou kada ao ta doubou kandé ko.
4Tokou nè nao ndoubou ko mare kandé ko gaï mbòr deo té, eldjé dé dèdè dön ko.
5Ke marè oso do err té, loou ke nange ourou ke té nya ang, loshénè loshénè ntéh mbata nange ourou nya ang.
6Tokou kade òsou boui a noungè, ntoutou mbata ngirè ourou nya ang, nè noei.
7Marè oso horo konn té, konn lé dé tokou nya siri dè té, nè nan ang.
8Marè oso nange té ke madji, dèdè ntéh ndou tokou madji, kada kada an dòmouta, marè an dòmisä, marè an dòdòkou.
9Jésus pana, Nè ke néh ke mbi ke ka ko, ase kare nè no.
10Tokou Jésus éh ke kadèba, dèdè ke disi sa ngosiba ke dèdè dòkou gérè djo, dèdè ndoudjè mbata tar gousou.
11Nè mpa naredè, Daresè ta kare egeridjé tar béh kö lo Allah ke yarè, mbata lo dèdè ke déh daka mpa né ke tar gousou daredè.
12Mbata dèdè do dase ta geré gelè ang, tokou dèdè do dase ta ko ba, dèdè ngeré gelè ang, mbata mare ndò dèdè mbeté deo lodè baa ta kare dïya né ke madjang lodè.
13Jésus pa aredè, Sésè egeridjé tar gousou nèn ang wa? Tokou ban sésè asidjé ta geré tar gousou toï da wa?
14Doou ke doubou kandé ko ndoubou tar lo Allah.
15Dèdè ke mbòr deo té, loou ke ndoubou tar ke madji kendé, tokou dèdè do tar, loshénè loshénè Satan dé òrou tar ke madji ke ndoubou mèdè té.
16Tokou ban dèdè ke ndouboudè do err té, tokou dèdè do tar ke madji, loshénè loshénè doun ke koukou.
17Mbata gòl tar lé to mèdè té ang dèdè ngem ndò nya ang, gè té tokou né ongou aséh ngätar dé mbata tar nèn, loshénè loshénè dèdè doso.
18Maredjé to to dèdè ke ndouboudè horo konn té, to to dèdè ke do tar ke madji,
19Goukoudang koula lodè ke ta da né lodè nange nèn, ke kere ka né kinga, ke boo mare né dé mè té siri tar lé a an ang.
20Yèn to dèdè ke ndouboudè nange té ke madji, dèdè ke do tar ke madji doun mèdè té a an, kada kada an dòmouta, marè an dòmisä, marè an dòdòkou.
21Jésus pa aredè, Doou oun lampe dé ta kiyaa kò karè té aséh kò twa té wa? Doun ta kounda do kake té ke tarr ang wa?
22Mbata né toï ke iyaa mbä ase ta téh daka, ke né ke yarè a téh daka lokarè té.
23Tokou doou éh ke mbi ke ka ko, ase kare nè no.
24Jésus pa aredè, Ngemidjé madji né ke woidjé, dèdè da kòdjousè deo kadaba tokou mare ke òdjidjédè to, dèdè da karesè wota.
25Mbata nè ke néh ke né da karè marè dè té, nè ke néh ke né ang, lé né ke to dja té ka da taa.
26Nè mpana, Béh ko lo Allah to tokou ban, tokou doou ao ta doubou kandé ko nange,
27Nè nao nto tilti, nè nï kade, kandé ko téh ndou tòkou, doou geré deoè ang.
28Nange an ke mèa ndja, dongor kam, gè té kaadè, goukoudang kandé ndakiri téh kaadè té.
29Tokou kandè tòkou mbä, loshénè loshénè doou ao ke kiaa mbata ndò koudja kandé ko ase.
30Jésus pana, Djèdjè ngeré béh ko lo Allah to tokou di wa, aséh djèdjè dja geré tòdjou tar la ke tar gousou di wa?
31Nè nto tokou kandé sénevé kada, tokou ndoubè nange nto së ba, mare kandé kodjé toï ke nange nèn wotè.
32Gè té ndoubè nange mbä, nè ntéh nè ndou boui wota mare kandé kodjé toï, nto barkem nya, tokou ban eldjé ke ao tarr ase kisi ndilè té.
33Nè mpa naredè ke tar gousou ban nya, tokou dèdè dase ta ko.
34Nè mpa tar naredè ang tokou nè mpa tar gousou ang, tokou nè nisi ke ndjè kao gè tédjé ke kadèba, nè ntòdjoudè gel tar gousou tesèrè.
35Ndè té ke nou tokou kade woei mbä, Jésus pa aredè, Aredjè djao toura man té.
36Gè té dèdè dïya dooudjé ke baya baya, dèdè dwèè ke mè to té tokou nè néh ke tén. Mare to éh ke tén to.
37Lél ke tokou boui dé oula, man ï ongou mè to té tokou ban man ao dousou to.
38Jésus to koutou to té, ntibi do koubou té, dèdè ndolè mpa darè, Ndjè tòdjou tar, mei tooi ang tokou djèdjè djoei wa?
39Nè nï tarr ndange lél lé, mpa nare tòkou man. Eo, ïya. Lél gange, ke loou to dèkèkè.
40Jésus pa aredè, To di baa isidjé ke bel tokou ban wa? Ko mè té losè goto wa?
41Bel dadè ngeng wota, dèdè mpa horodè té, Yèn to doou di wa ke lél ke man wo tar la tokou ban?
നിലവിൽ തിരഞ്ഞെടുത്തിരിക്കുന്നു:
Marc 4: KL1960
ഹൈലൈറ്റ് ചെയ്യുക
പങ്ക് വെക്കു
പകർത്തുക
നിങ്ങളുടെ എല്ലാ ഉപകരണങ്ങളിലും ഹൈലൈറ്റുകൾ സംരക്ഷിക്കാൻ ആഗ്രഹിക്കുന്നുണ്ടോ? സൈൻ അപ്പ് ചെയ്യുക അല്ലെങ്കിൽ സൈൻ ഇൻ ചെയ്യുക
© 1960, 2018.
To learn more or sign up for email updates about the mission of BFBS, click here: