സങ്കീർത്തനങ്ങൾ 127

127

സങ്കീർത്തനം 127

ശലോമോന്റെ ആരോഹണഗീതം.

1യഹോവ വീട് പണിയുന്നില്ലെങ്കിൽ,

നിർമാതാക്കളുടെ അധ്വാനം വ്യർഥം.

യഹോവ പട്ടണം കാക്കുന്നില്ലെങ്കിൽ,

കാവൽക്കാർ ഉണർന്നിരിക്കുന്നതും വ്യർഥംതന്നെ.

2നിങ്ങൾ അതിരാവിലെ എഴുന്നേൽക്കുന്നതും

വൈകി ഉറങ്ങാൻപോകുന്നതും വ്യർഥം,

ഉപജീവനാർഥം കഠിനാധ്വാനംചെയ്യുന്നതും വൃഥായത്നം.

കാരണം, യഹോവ തനിക്കു പ്രിയപ്പെട്ടവർക്ക്, അവർ ഉറങ്ങുമ്പോൾത്തന്നെ നൽകുന്നു.

3മക്കൾ യഹോവയിൽനിന്നുള്ള പൈതൃകാവകാശം.

ഉദരഫലം അവിടന്നു നൽകുന്ന പ്രതിഫലവുമാണ്.

4ഒരാൾക്കു തന്റെ യൗവനത്തിൽ പിറക്കുന്ന മക്കൾ

ഒരു യോദ്ധാവിന്റെ കൈയിലെ അസ്ത്രങ്ങൾപോലെയാണ്.

5അവരെക്കൊണ്ട് തന്റെ ആവനാഴി നിറച്ചിട്ടുള്ള

പുരുഷൻ അനുഗൃഹീതൻ.

നഗരകവാടത്തിൽവെച്ച് തങ്ങളുടെ ശത്രുക്കളുമായി ഏറ്റുമുട്ടുമ്പോൾ

അവർ ലജ്ജിതരാകുകയില്ല.

നിലവിൽ തിരഞ്ഞെടുത്തിരിക്കുന്നു:

സങ്കീർത്തനങ്ങൾ 127: MCV

ഹൈലൈറ്റ് ചെയ്യുക

പങ്ക് വെക്കു

പകർത്തുക

നിങ്ങളുടെ എല്ലാ ഉപകരണങ്ങളിലും ഹൈലൈറ്റുകൾ സംരക്ഷിക്കാൻ ആഗ്രഹിക്കുന്നുണ്ടോ? സൈൻ അപ്പ് ചെയ്യുക അല്ലെങ്കിൽ സൈൻ ഇൻ ചെയ്യുക

വിശുദ്ധ ബൈബിൾ, സമകാലിക മലയാളവിവർത്തനം™

അനുമതിയോടുകൂടി ഉപയോഗിച്ചിരിക്കുന്നു. എല്ലാ പകർപ്പവകാശങ്ങളും ആഗോളവ്യാപകമായി സംരക്ഷിതമാണ്.

Holy Bible, Malayalam Contemporary Version™

സങ്കീർത്തനങ്ങൾ 127
-ൽ നിന്നുള്ള പ്രശസ്ത ബൈബിൾ വചനങ്ങൾ