KEUJADIAN PEU INTAT HABA
PEU INTAT HABA
Kitab Keujadian na kheueh meututoe keuhai pakriban teupeujeuet álam nyoe, asai usui umat manusia, awai desya dan deurita udeb lam donya, meunan cit pakriban Po teu Allah geupeuhubong ngon manusia. Kitab keujadian nyoe jeuet teubagi lam dua boh bagian nyang peunteng:
1. Pasai 1-11. Teucebta álam raya dan asai usui umat manusia. Lam bagian nyoe kheueh teucalitra keuhai Nabi Adam ngon Siti Hawa, Kain dan Habel, Nabi Nuh dan ié raya teuka, meunan cit deungon Meunara Babel.
2. Pasai 12-50. Asai usui indatu bansa Israel. Indatu nyang phon na kheueh Nabi Ibrahim. Gobnyan meusyeuhu sabab iman dan taát gobnyan ubak Po teu Allah. Óh lheueh nyan laju trok ubak seujarah Nabi Ishaq aneuëk Nabi Ibrahim, dan Nabi Yakub bin Nabi Ishaq (Nabi Yakub nyan teupeugah cit deungon nan Israel). Óh lheueh nyan seujarah ban dua blaih droe aneuëk agam Nabi Yakub. Awaknyan kheueh nyang peudong ban dua blaih sukée nyang na di Israel. Nyang teumuléh geubri ngon geupeurati khusos ubak sidroe aneuëk Nabi Yakub nyang nan jih Nabi Yusuf dan peuristiwa-peuristiwa nyang jeuet keusabab Nabi Yakub meusajan ngon mandum aneuëk-aneuëk gobnyan meunan cit deungon keuluwarga awaknyan maséng-maséng geuminah u nanggroe Meusé.
Bahpi kitab nyoe teukisah ureuëng-ureuëng jamén ilée, teuma nyang jeuet keuhai nyang khusos lam kitab nyoe na kheueh buet-buet Po teu Allah. Kitab nyoe teupeuphon bahwa Po teu Allah ka geucebta alam seumeusta, dan teutôb ngon janji bahwa Po teu Allah teuma teutab geupeurati umat Gobnyan. Nyang mat peuranan nyang paleng lumboi sa lam kitab nyoe na kheueh Allah nyang hakém dan nyang huköm soe mantong ureuëng nyang jipeubuet salah. Gobnyan teuma nyang bimbeng dan nyang tulông umat Geuh dan geupeugét seujarah awaknyan. Kitab nyang kuno nyoe teutuléh keu teucetet kisah keuhai iman saboh bansa meunan cit keu teutulông mangat iman nyan teutab udeb lam até manusia.
Asoe jih
Nyang cebta álam seumeusta dan manusia 1:1–2:25
Awai desya dan deurita 3:1-24
Nibak Nabi Adam troh ubak Nabi Nuh 4:1–5:32
Nabi Nuh dan ié raya 6:1–10:32
Meunara Babel 11:1-9
Nibak Sem sampoe ubak Brahim 11:10-32
Ulée rumoh tangga: Nabi Ibrahim, Nabi Ishaq, Nabi Yakub 12:1–35:29
Keuturonan Esau 36:1-43
Nabi Yusuf dan syedara-syedara gobnyan 37:1–45:28
Ureuëng Israel di nanggroe Meusé 46:1–50:26
നിലവിൽ തിരഞ്ഞെടുത്തിരിക്കുന്നു:
KEUJADIAN PEU INTAT HABA: LAIACE
ഹൈലൈറ്റ് ചെയ്യുക
പങ്ക് വെക്കു
പകർത്തുക
നിങ്ങളുടെ എല്ലാ ഉപകരണങ്ങളിലും ഹൈലൈറ്റുകൾ സംരക്ഷിക്കാൻ ആഗ്രഹിക്കുന്നുണ്ടോ? സൈൻ അപ്പ് ചെയ്യുക അല്ലെങ്കിൽ സൈൻ ഇൻ ചെയ്യുക
Old and New Testament in Today's Aceh Language @ LAI, 1997.