Salm 6

Urnaí in Am na Buartha

1Do stiúrthóir an chóir. Le gléasanna téad. Ar chláirseach na n‑ocht dtéad. [Salm le] Dáiví.

2A Thiarna, ná lochtaigh mé i dʼfhearg

agus ná cuir pionós orm is tú ar buile chugam.

3Déan trócaire orm, a Thiarna, óir is lagbhríoch mé; slánaigh mé,

óir tá mo chorp dá chiapadh,

4agus tá mʼanam dá chéasadh go géar,

ach tusa, a Thiarna, cá fhad...?

5Fill, a Thiarna, fuascail mʼanam

agus saor mé as ucht do bhuan-ghrá.

6Óir níl cuimhne ag aon neach ort i measc na marbh;

cé a thabharfaidh moladh duit san uaigh?

7Tá tuirse orm de dheasca mʼosnaíola,

ním mo leaba le mo dheora gach oíche;

fliuchaim mo tholg le huisce mo chinn.

8Tá mo shúil dá snoí le dobrón:

chuaigh sí in aois de dheasca mo naimhde go léir.

9Imígí uaim a lucht déanta na hurchóide,

óir tá éiste ag an Tiarna le glór mo ghoil.

10Thug an Tiarna aird ar mʼachainí;

tá glactha ag an Tiarna le mo ghuí.

11Beidh náire is mórbhuaireamh ar mo naimhde uile.

Cuirfear ar gcúl go tobann faoi náire iad.

നിലവിൽ തിരഞ്ഞെടുത്തിരിക്കുന്നു:

Salm 6: ABN2012

ഹൈലൈറ്റ് ചെയ്യുക

പങ്ക് വെക്കു

പകർത്തുക

നിങ്ങളുടെ എല്ലാ ഉപകരണങ്ങളിലും ഹൈലൈറ്റുകൾ സംരക്ഷിക്കാൻ ആഗ്രഹിക്കുന്നുണ്ടോ? സൈൻ അപ്പ് ചെയ്യുക അല്ലെങ്കിൽ സൈൻ ഇൻ ചെയ്യുക

Salm 6
-ൽ നിന്നുള്ള പ്രശസ്ത ബൈബിൾ വചനങ്ങൾ