Pianciilna 6
6
Mihing Seksolna
1Leitung theampo ah mihing kizel a, tanumeite hong piang hi, 2Van mite #6:2-4 van mite; ahibuale pathiante tapate; ahibuale Pathian tapate. pawlkhat in tua tanumeite phasa ahikom a dei po teenpui hi. 3Tuasia ciang Topa in, “Mihingte sia a nuntak tawntung tu ka oai bua hi; amate cii le sa hi. Tu a kipan kum za le kul kaanin nungta ngawl tu hi,” ci hi. 4Tua hun sung le tua zawkciang zonghin mihing tanumeite le van mite ii suan le paal mihing thatang lian namte leitung ah om hi. Amate sia taanghlai a ngalhangte le mihing minthangte ahi uh hi. #Job 1:6; 2:1; Mi 13:33
5Leitung ah mihing theampo bangzata seksol a, khua ngaisut a sia bebek a nei tawntungna thu Topa in a mu ciang, 6amate vawt a leitung ah a koisia khuangai hi. Ama hee mama a, 7“Hi ka bitphua sa mihingte, tuaciang nganhingte le vacimte zongh ka bosak siat tu hi, banghang ziam cile amate ka piansak sia ka khuangai hi,” ci hi. 8Ahizong Noah tungah Topa lungkim hi. #Mt 24:37; Lk 17:26; 1 Pe 3:20
Noah
9-10Hi sia Noah taanghthu ahi hi. Ama in tapa thum nei a, Shem, Ham le Japheth te ahi hi. Noah in khialna nei ngawl a, ama ii hun lai in ama bekma mipha om hi. Pathian taw kithawlin nungta a, #2 Pe 2:5 11ahizong mi theampo Pathian muna ah a sia hi a, koima po ah ngoltol ngamtatna kizel hi. 12Pathian in leitung en a, a sia in mu hi, banghang ziam cile mihing theampo siatna taw kidim in nungta hi.
13Pathian in Noah tungah, “Mihing theampo bosak tu in ka khensat zo hi. Leitung sia amate ngoltolna taw kidim ahikom amate ka mon siat tu hi. 14Nang atu in thingpha taw teambaw khat vawt in a; a sungah inndoite vawtin, a sung a pua thingnaai taw zut in. 15Tuasia metre 133 a sau, metre 22 a zai, le metre 13 a saangin vawt in. 16Teambaw khuvum vawt in a, a khuvum le a pangh te kilaklaw centimetre 44 vangsak in. Dawl thum in vawt in a, a pangh ah kongkha khat koi in. 17Nuntakna a nei theampo a lalcip tu in leitung ah tuipi ka liimsak tu hi. Leitung a om theampo thi siat tu a, 18ahizong nang taw thuciamna khat ka vawt tu hi. Teambaw sungah na zi, na tapate le a zite taw tum vun. 19-20Amate a nuntak natu in, nganhing namcinte le vacim namcinte sung pan anu khat le apa khat veu la in teambaw sungah khum in. 21Noma le tua teng atu in an namcinte zongh la in khol in,” ci hi. 22Pathian thupiak bangin Noah in na theampo vawt siat hi. #Heb 11:7
നിലവിൽ തിരഞ്ഞെടുത്തിരിക്കുന്നു:
Pianciilna 6: SCB2
ഹൈലൈറ്റ് ചെയ്യുക
പങ്ക് വെക്കു
പകർത്തുക
നിങ്ങളുടെ എല്ലാ ഉപകരണങ്ങളിലും ഹൈലൈറ്റുകൾ സംരക്ഷിക്കാൻ ആഗ്രഹിക്കുന്നുണ്ടോ? സൈൻ അപ്പ് ചെയ്യുക അല്ലെങ്കിൽ സൈൻ ഇൻ ചെയ്യുക
Siyin Chin Bible © Bible Society of Myanmar, 2016