Mark 15
15
1Wa gaplot alo matava ira oloolo liwoa tara tamtamatua wa ira vatogo wa o vavtig veveg nol me nit saratuwale naliŋara, wa me rot i Jesus, we lavia at, qara ukegia mun Pilat. 2Naŋ i Pilat me varusia wa, Alova, iniko o Maranaga nora ta Judea? Naŋ ni me valui goroa ti vet wa, Ko me vava. 3Naŋ ira oloolo liwoa me tila ineia ape gene we qoqo. 4Naŋ i Pilat me varus mulaŋ ineia we vet wa, Ko tete valui goro ran? Ilo si neira we tila iniko ape savasava we qoqo. 5Pa i Jesus gate valui ilo mulaŋ, o manigiu si i Pilat me mamakei apena.
6Wa alo val lakalaka ni me ukeukeg mun neira i gene rot tuwale, isei neira qe paere. 7Wa tuara tanun nasasana i Barabas, me rot tuwale neia tara ragai me rowovatur, pa alo we rowovatur me vus nawono. 8Wa o sul qara awoawo raka, we paepaere munia ni ge tama vagae muneira. 9Pa i Pilat me valui gorora, we vet wa, Kamiu we maros si na ukeg mun kamiu i Maranaga nora ta Judea? 10Ape ni we gilala si ra oloolo liwoa me ukegia ma o manigiu o mata wolowolo. 11Naŋ ira oloolo liwoa me vasurat o sul, si a ukeg raka sage i Barabas muneira. 12Wa i Pilat me valui gorora mulaŋ, me vet wa, Pa kamiu we maros na ge o sava mun i gene kam we log si i Maranaga nora ta Judea? 13Naŋ neira me log raka mulaŋ wa, Woso teterpania. 14Pa i Pilat me vet muneira wa, Pa avea o gene kiskislag ni me ge? Naŋ neira me log gagarakae nan amoa wa, Woso teterpania. 15Wa i Pilat we maros we ge lolowia o sul; wa ni me ukeg mamasa i Barabas mun neira, pa me towos paso i Jesus qara ukegia si a woso teterpania.
16Wa ira soldier me vantakia ilo masao ima, naiman i governor nane, qara suware tuwale ma o vavtigiu nol. 17Wa neira me saru goroa mun o siopa we sorsoroga, wa we vir o vilvilqat wolakaukau, wa me vil naqatuna nia. 18Wa me qeteg wievavae ineia wa, We wia gai, Maranaga nora ta Judea! 19Wa me vus naqatuna mun o togo, wa me anus avunana, wa me vatieqau we taqaloŋ goroa. 20Wa me poroporosag paso neia, neira me sarusavrag o siopa sorsoroga nania, wa me saru goro kelua mun non o siopa. Naŋ neira we vavtak luea at si a woso teterpania.
21Wa o tuara me sur sala aia, i Simon ta Kurene, we van ma nan o utag, ineia taman i Aleksander tana i Rufus; wa neira me ge vavakae munia ni rig non o wolowolo. 22Wa neira me takia at ilo vatine a Golgotha, we vava leas si, O tano qat tamate. 23Wa neira me la munia o wine me kal tuwale mun o mur sin un, pa ni gate la. 24Wa me woso teterpan paso neia, neira me aseg non o siopa, we map nor o vaglala apena, isei ni le o sava, wa isei ni le o sava. 25Wa o masao qoŋ ni tol me wesu; naŋ neira we woso teterpania. 26Wa me rave o rave vaglala neira me tila neia ti apena avunana, si, I MARANAGA NORA TA JUDEA. 27Wa neira me woso teterpan tuwale amaia o vuspal pulrua, tuwale ape matuana, wa o varuei ape galaona. 28Pa qara ge tira o raverave we vet si, Me vasogo tuwale neia amen ra ganganor. 29Wa irasei we sur sala we liŋasapuria, we gagamail naqatura, we vet wa, Ewe, i sese wora ima we roŋo, wa i tape kel alo qoŋ nitol! 30Ka vaesuko, ka siwo sur ma nan o wolowolo. 31Tamaine mulaŋ ira oloolo liwoa me poroporosag, we varvava amen ra vatogo wa, Ni me vaesu ragai we sea, pa ni tete vaesu kelua lai. 32I Christ i Maranaga nora Israel ni siwo ilokenake nan o wolowolo, si nina a ilo a nomtup. Wa rara ilone me wosoteterpan tuwale rara ti amaia, rara we vasvasir ineia.
33Wa o masao qoŋ laveteai me wesu, wa o siliga me gara goro o vanua nol gai niŋa ape masao qoŋ lavevatiu. 34Wa ape masaoi lavevatiu i Jesus me awo raka mun o liŋai we poa, we vava wa, Eloi, Eloi, lama sabakthani? pa we vava leas si, God inau, God inau, ape sava ko me toavtag inau? 35Wa o tuanira we tira rivtag we roŋotag we vet wa, Ilo, ni we loglog i Elia. 36Wa i tuara me valago me ge ura o maŋmaŋ pul mun o vinegar, me sisgag ape au, me sigag kalo munia sin un, we vet wa, Tiqa, nina ilo monina si i Elia te van ma te la sur neia si tagai. 37Naŋ i Jesus me log mun o liŋai we poa, qara mapsag mot.
38Wa o siopa nin goro ima we roŋo me masare maworarua, me sage me niŋa siwo. 39Wa i liwoa goro soldier melnol we tira rivtag we sar taniniga neia, me ilo si me awo raka wa me mapsag mot tamaine, me vet wa, We nun o tanun iloke Natun God. 40Naŋ o tuan tavine mulaŋ we sagsagarag aras, wa amaira i Meri o ta Magdala, tana i Meri raveven i James mantagai tana i Joses, wa i Salome; 41wa neira me tatataga neia ti ni we togatoga a Galilea wa me gagapalag suria; wa o retavine we sea mulaŋ we qoqo me sage tuwale amaia ti i Jerusalem.
42Naŋ me ravrav veta, wa o masao qoŋ gismamate, we moai nan o qoŋ mapsag, 43wa o manigiu ilone i Joseph o ta Arimathea we van ma, ineia iloke o tanun we liwoa tape vavtig veveg, wa ni me toga narnare o marana non God; ni me sov naapena, me kalo pata sur i Pilat, wa me paere naturian i Jesus. 44Naŋ i Pilat me mamakei si ni me mate veta; wa ni me log ma suria i liwoa goro soldier melnol, we varusia si ni me mate we tuai veta; 45pa i liwoa goro soldier melnol me ge lolomarania apena, wa ni qara la mamasa o tamate mun i Joseph. 46Naŋ ni me tuvag o siopa we aqaga, wa we la sur siwo ineia, we lolos goroa mun o siopa ilone, we saloa alo qaraŋ tamate, me tit raka ti alo nua; wa we tiwila o vat ape mate qaraŋ tamate. 47Wa i Meri ta Magdala tana i Meri raveven i Joses me iloilo monrara si me saloa avea.
നിലവിൽ തിരഞ്ഞെടുത്തിരിക്കുന്നു:
Mark 15: MOTA
ഹൈലൈറ്റ് ചെയ്യുക
പങ്ക് വെക്കു
പകർത്തുക
നിങ്ങളുടെ എല്ലാ ഉപകരണങ്ങളിലും ഹൈലൈറ്റുകൾ സംരക്ഷിക്കാൻ ആഗ്രഹിക്കുന്നുണ്ടോ? സൈൻ അപ്പ് ചെയ്യുക അല്ലെങ്കിൽ സൈൻ ഇൻ ചെയ്യുക
New Testament was published by the British and Foreign Bible Society in 1931.
Mark 15
15
1Wa gaplot alo matava ira oloolo liwoa tara tamtamatua wa ira vatogo wa o vavtig veveg nol me nit saratuwale naliŋara, wa me rot i Jesus, we lavia at, qara ukegia mun Pilat. 2Naŋ i Pilat me varusia wa, Alova, iniko o Maranaga nora ta Judea? Naŋ ni me valui goroa ti vet wa, Ko me vava. 3Naŋ ira oloolo liwoa me tila ineia ape gene we qoqo. 4Naŋ i Pilat me varus mulaŋ ineia we vet wa, Ko tete valui goro ran? Ilo si neira we tila iniko ape savasava we qoqo. 5Pa i Jesus gate valui ilo mulaŋ, o manigiu si i Pilat me mamakei apena.
6Wa alo val lakalaka ni me ukeukeg mun neira i gene rot tuwale, isei neira qe paere. 7Wa tuara tanun nasasana i Barabas, me rot tuwale neia tara ragai me rowovatur, pa alo we rowovatur me vus nawono. 8Wa o sul qara awoawo raka, we paepaere munia ni ge tama vagae muneira. 9Pa i Pilat me valui gorora, we vet wa, Kamiu we maros si na ukeg mun kamiu i Maranaga nora ta Judea? 10Ape ni we gilala si ra oloolo liwoa me ukegia ma o manigiu o mata wolowolo. 11Naŋ ira oloolo liwoa me vasurat o sul, si a ukeg raka sage i Barabas muneira. 12Wa i Pilat me valui gorora mulaŋ, me vet wa, Pa kamiu we maros na ge o sava mun i gene kam we log si i Maranaga nora ta Judea? 13Naŋ neira me log raka mulaŋ wa, Woso teterpania. 14Pa i Pilat me vet muneira wa, Pa avea o gene kiskislag ni me ge? Naŋ neira me log gagarakae nan amoa wa, Woso teterpania. 15Wa i Pilat we maros we ge lolowia o sul; wa ni me ukeg mamasa i Barabas mun neira, pa me towos paso i Jesus qara ukegia si a woso teterpania.
16Wa ira soldier me vantakia ilo masao ima, naiman i governor nane, qara suware tuwale ma o vavtigiu nol. 17Wa neira me saru goroa mun o siopa we sorsoroga, wa we vir o vilvilqat wolakaukau, wa me vil naqatuna nia. 18Wa me qeteg wievavae ineia wa, We wia gai, Maranaga nora ta Judea! 19Wa me vus naqatuna mun o togo, wa me anus avunana, wa me vatieqau we taqaloŋ goroa. 20Wa me poroporosag paso neia, neira me sarusavrag o siopa sorsoroga nania, wa me saru goro kelua mun non o siopa. Naŋ neira we vavtak luea at si a woso teterpania.
21Wa o tuara me sur sala aia, i Simon ta Kurene, we van ma nan o utag, ineia taman i Aleksander tana i Rufus; wa neira me ge vavakae munia ni rig non o wolowolo. 22Wa neira me takia at ilo vatine a Golgotha, we vava leas si, O tano qat tamate. 23Wa neira me la munia o wine me kal tuwale mun o mur sin un, pa ni gate la. 24Wa me woso teterpan paso neia, neira me aseg non o siopa, we map nor o vaglala apena, isei ni le o sava, wa isei ni le o sava. 25Wa o masao qoŋ ni tol me wesu; naŋ neira we woso teterpania. 26Wa me rave o rave vaglala neira me tila neia ti apena avunana, si, I MARANAGA NORA TA JUDEA. 27Wa neira me woso teterpan tuwale amaia o vuspal pulrua, tuwale ape matuana, wa o varuei ape galaona. 28Pa qara ge tira o raverave we vet si, Me vasogo tuwale neia amen ra ganganor. 29Wa irasei we sur sala we liŋasapuria, we gagamail naqatura, we vet wa, Ewe, i sese wora ima we roŋo, wa i tape kel alo qoŋ nitol! 30Ka vaesuko, ka siwo sur ma nan o wolowolo. 31Tamaine mulaŋ ira oloolo liwoa me poroporosag, we varvava amen ra vatogo wa, Ni me vaesu ragai we sea, pa ni tete vaesu kelua lai. 32I Christ i Maranaga nora Israel ni siwo ilokenake nan o wolowolo, si nina a ilo a nomtup. Wa rara ilone me wosoteterpan tuwale rara ti amaia, rara we vasvasir ineia.
33Wa o masao qoŋ laveteai me wesu, wa o siliga me gara goro o vanua nol gai niŋa ape masao qoŋ lavevatiu. 34Wa ape masaoi lavevatiu i Jesus me awo raka mun o liŋai we poa, we vava wa, Eloi, Eloi, lama sabakthani? pa we vava leas si, God inau, God inau, ape sava ko me toavtag inau? 35Wa o tuanira we tira rivtag we roŋotag we vet wa, Ilo, ni we loglog i Elia. 36Wa i tuara me valago me ge ura o maŋmaŋ pul mun o vinegar, me sisgag ape au, me sigag kalo munia sin un, we vet wa, Tiqa, nina ilo monina si i Elia te van ma te la sur neia si tagai. 37Naŋ i Jesus me log mun o liŋai we poa, qara mapsag mot.
38Wa o siopa nin goro ima we roŋo me masare maworarua, me sage me niŋa siwo. 39Wa i liwoa goro soldier melnol we tira rivtag we sar taniniga neia, me ilo si me awo raka wa me mapsag mot tamaine, me vet wa, We nun o tanun iloke Natun God. 40Naŋ o tuan tavine mulaŋ we sagsagarag aras, wa amaira i Meri o ta Magdala, tana i Meri raveven i James mantagai tana i Joses, wa i Salome; 41wa neira me tatataga neia ti ni we togatoga a Galilea wa me gagapalag suria; wa o retavine we sea mulaŋ we qoqo me sage tuwale amaia ti i Jerusalem.
42Naŋ me ravrav veta, wa o masao qoŋ gismamate, we moai nan o qoŋ mapsag, 43wa o manigiu ilone i Joseph o ta Arimathea we van ma, ineia iloke o tanun we liwoa tape vavtig veveg, wa ni me toga narnare o marana non God; ni me sov naapena, me kalo pata sur i Pilat, wa me paere naturian i Jesus. 44Naŋ i Pilat me mamakei si ni me mate veta; wa ni me log ma suria i liwoa goro soldier melnol, we varusia si ni me mate we tuai veta; 45pa i liwoa goro soldier melnol me ge lolomarania apena, wa ni qara la mamasa o tamate mun i Joseph. 46Naŋ ni me tuvag o siopa we aqaga, wa we la sur siwo ineia, we lolos goroa mun o siopa ilone, we saloa alo qaraŋ tamate, me tit raka ti alo nua; wa we tiwila o vat ape mate qaraŋ tamate. 47Wa i Meri ta Magdala tana i Meri raveven i Joses me iloilo monrara si me saloa avea.
നിലവിൽ തിരഞ്ഞെടുത്തിരിക്കുന്നു:
:
ഹൈലൈറ്റ് ചെയ്യുക
പങ്ക് വെക്കു
പകർത്തുക
നിങ്ങളുടെ എല്ലാ ഉപകരണങ്ങളിലും ഹൈലൈറ്റുകൾ സംരക്ഷിക്കാൻ ആഗ്രഹിക്കുന്നുണ്ടോ? സൈൻ അപ്പ് ചെയ്യുക അല്ലെങ്കിൽ സൈൻ ഇൻ ചെയ്യുക
New Testament was published by the British and Foreign Bible Society in 1931.