Mark 16
16
1Naŋ o qoŋ mapsag me paso veta, wa i Meri o ta Magdala, tana i Meri raveven i James, ratol Salome, me tuvag moratol o gene punapuna ŋaŋ si ratol a mule a nonon ineia. 2Wa alo matava ran tape qoŋ tuwale talo wik, ratol we mule ma ape qaraŋ tamate, alo loa qara roworaka ti. 3Wa ratol we varvava vires iratol wa si, Isei te wilreag mun natol o vat ape mate qaraŋa? 4Naŋ ratol me ate kalo, we ilo si me wilreag veta o vat; ape we poa aneane. 5Wa ratol me kalo pata ilo qaraŋa, we ilo o lumagav we pute ape matua, me saru goroa mun o siopa aqaga we tole; wa ratol we malarowo apena. 6Naŋ ni me vet munratol wa, Nipea malarowo. Kamtol we sike i Jesus o ta Nasaret ilone, me woso teterpania ti; ni me tavaraka veta; ineia tagai iake. Ilo, o masaoi nake neira me saloa aia! 7Panava tol toa kel, tol gaganag munra tiŋqoro anana wa mun i Peter si ni we tira moai kamiu i Galilea; kam te iloa aia tama ni me vet ti mun kamiu. 8Naŋ ratol me rowolue gaplot me toa ran nan o qaraŋ tamate; ape o vararerere me ge ratol wa me tama munratol apena; wa ratol gate gaganag ilo munsei, ape ratol we gogogolo apena.
9Naŋ ineia gina me tavaraka veta alo matava tape qoŋ tuwale talo wik, wa ni me ŋaŋalue amoa mun i Meri ta Magdala ni me vure lue ti nania o vui we tatas lavearua. 10Wa o tavine ilone me mule mona at me gaganag munragai me togatoga ti amaia, neira we ruruŋtap wa we taŋtaŋ. 11Naŋ ragai me roŋotag si ni we esu, wa si ro gene ilone me iloa ti, pa neira gate nomtup ran apena. 12Naŋ o ine ŋaŋ me paso, ni me ŋaŋalue mulaŋ mun o tarapei we sea mun ragera pulrua tamaira alo we mulemule a matesala, we rowolue ilo utag. 13Wa iragera mulaŋ me kel, me gaganag munragai qale toga; pa neira gate nomtup mulaŋ irara.
14Paso nan ni me ŋaŋalue mun ra numei tuwale nane alo neira we risa ape ganagana, wa me gol vatanaura ape nor o nomqerqeret wa natoqara we wasvat, ape neira gate nomtup iragai me iloa ti me tavaraka veta. 15Naŋ ti vet muneira wa, Tur mule at ilo marama nol, tur maŋasag o lea we wia munra gene tiŋ nol. 16Isei qe nomtup, wa qe la o vasugroŋo, te vaesua; nava isei qe siriga te veveg qaloa. 17Wa iloke ŋaŋ o vaglala te tataga rasei we nomtup; neira te vure lue o vui we tatas ŋaŋ alo sasak; neira te gatgato mun o liŋai we garaqa ŋaŋ; 18neira te taur kalo o mata ŋaŋ; pa si neira qe ima o pei matemate tea tete ge manarasira; neira te taŋov ira gopae mun napanera wa neira te mauka apena. 19Naŋ tamaine i Lord me vava paso muneira, me lav kaloa ivunana, wa ni me pute ape matuan God. 20Wa neira me rowolue, we toretore avea avea; pa i Lord we gagapalag saratuwale amaira, wa we rapai nor o vavae mun o vaglala ŋaŋ we tataga apena. Amen.
നിലവിൽ തിരഞ്ഞെടുത്തിരിക്കുന്നു:
Mark 16: MOTA
ഹൈലൈറ്റ് ചെയ്യുക
പങ്ക് വെക്കു
പകർത്തുക
നിങ്ങളുടെ എല്ലാ ഉപകരണങ്ങളിലും ഹൈലൈറ്റുകൾ സംരക്ഷിക്കാൻ ആഗ്രഹിക്കുന്നുണ്ടോ? സൈൻ അപ്പ് ചെയ്യുക അല്ലെങ്കിൽ സൈൻ ഇൻ ചെയ്യുക
New Testament was published by the British and Foreign Bible Society in 1931.
Mark 16
16
1Naŋ o qoŋ mapsag me paso veta, wa i Meri o ta Magdala, tana i Meri raveven i James, ratol Salome, me tuvag moratol o gene punapuna ŋaŋ si ratol a mule a nonon ineia. 2Wa alo matava ran tape qoŋ tuwale talo wik, ratol we mule ma ape qaraŋ tamate, alo loa qara roworaka ti. 3Wa ratol we varvava vires iratol wa si, Isei te wilreag mun natol o vat ape mate qaraŋa? 4Naŋ ratol me ate kalo, we ilo si me wilreag veta o vat; ape we poa aneane. 5Wa ratol me kalo pata ilo qaraŋa, we ilo o lumagav we pute ape matua, me saru goroa mun o siopa aqaga we tole; wa ratol we malarowo apena. 6Naŋ ni me vet munratol wa, Nipea malarowo. Kamtol we sike i Jesus o ta Nasaret ilone, me woso teterpania ti; ni me tavaraka veta; ineia tagai iake. Ilo, o masaoi nake neira me saloa aia! 7Panava tol toa kel, tol gaganag munra tiŋqoro anana wa mun i Peter si ni we tira moai kamiu i Galilea; kam te iloa aia tama ni me vet ti mun kamiu. 8Naŋ ratol me rowolue gaplot me toa ran nan o qaraŋ tamate; ape o vararerere me ge ratol wa me tama munratol apena; wa ratol gate gaganag ilo munsei, ape ratol we gogogolo apena.
9Naŋ ineia gina me tavaraka veta alo matava tape qoŋ tuwale talo wik, wa ni me ŋaŋalue amoa mun i Meri ta Magdala ni me vure lue ti nania o vui we tatas lavearua. 10Wa o tavine ilone me mule mona at me gaganag munragai me togatoga ti amaia, neira we ruruŋtap wa we taŋtaŋ. 11Naŋ ragai me roŋotag si ni we esu, wa si ro gene ilone me iloa ti, pa neira gate nomtup ran apena. 12Naŋ o ine ŋaŋ me paso, ni me ŋaŋalue mulaŋ mun o tarapei we sea mun ragera pulrua tamaira alo we mulemule a matesala, we rowolue ilo utag. 13Wa iragera mulaŋ me kel, me gaganag munragai qale toga; pa neira gate nomtup mulaŋ irara.
14Paso nan ni me ŋaŋalue mun ra numei tuwale nane alo neira we risa ape ganagana, wa me gol vatanaura ape nor o nomqerqeret wa natoqara we wasvat, ape neira gate nomtup iragai me iloa ti me tavaraka veta. 15Naŋ ti vet muneira wa, Tur mule at ilo marama nol, tur maŋasag o lea we wia munra gene tiŋ nol. 16Isei qe nomtup, wa qe la o vasugroŋo, te vaesua; nava isei qe siriga te veveg qaloa. 17Wa iloke ŋaŋ o vaglala te tataga rasei we nomtup; neira te vure lue o vui we tatas ŋaŋ alo sasak; neira te gatgato mun o liŋai we garaqa ŋaŋ; 18neira te taur kalo o mata ŋaŋ; pa si neira qe ima o pei matemate tea tete ge manarasira; neira te taŋov ira gopae mun napanera wa neira te mauka apena. 19Naŋ tamaine i Lord me vava paso muneira, me lav kaloa ivunana, wa ni me pute ape matuan God. 20Wa neira me rowolue, we toretore avea avea; pa i Lord we gagapalag saratuwale amaira, wa we rapai nor o vavae mun o vaglala ŋaŋ we tataga apena. Amen.
നിലവിൽ തിരഞ്ഞെടുത്തിരിക്കുന്നു:
:
ഹൈലൈറ്റ് ചെയ്യുക
പങ്ക് വെക്കു
പകർത്തുക
നിങ്ങളുടെ എല്ലാ ഉപകരണങ്ങളിലും ഹൈലൈറ്റുകൾ സംരക്ഷിക്കാൻ ആഗ്രഹിക്കുന്നുണ്ടോ? സൈൻ അപ്പ് ചെയ്യുക അല്ലെങ്കിൽ സൈൻ ഇൻ ചെയ്യുക
New Testament was published by the British and Foreign Bible Society in 1931.