'Olic 20
20
O Sakihongti a Tolon
O 'olic ni Tafiti. Mapatorod i kakridan no paradiway.
1Nanay maharateng no Tapang kiso i kapadesan iso a romi'ad.
Nanay dipoten no Kawas ni Yakop kiso.
2Nanay masadak Cingra nai Fangcalay Pita'ongan a padama i tisowanan,
nanay masadak Cingra nai Cion a lotok a padama i tisowanan.
3Nanay layapen Ningra ko nipacakatan iso a sapatafang,
nanay rahker Cingra a milayap to nisakimoodan a mitodoh a sapato'aya iso.
4Nanay palahcien Ningra ko nisafaloco'an iso,
nanay palahcien Ningra ko nisahalakaan iso a ma^min.
5Ta milkal kami a mahmek to nika pakalowid iso,
pakaynien niyam i pipahmek to Kawas ko nika lipahak niyam to nipipakalowid iso.
Nanay palahcien no Tapang ko nilongocan iso a ma^min.
6Mafana'to kako i matini to nika o nipaflian no Tapang ko sakapakalowid no nipatirengan Ningra a hongti,
paca'ofen Ningra cingra nai fangcalay takaraway a kakarayan, pakaynien Ningra i tadamaanay a 'icel Ningra ko sapakalowid ningra.
7O roma a tamdaw i, miti'er to sapilood a paliding,
o roma a tamdaw i, miti'er to ^fa,
nikawrira, miti'er kami to Tapang a Kawas niyam.
8O mamastay cangra a mapolin,
nikawrira, o tatomireng kami a tatanektek.
9 Tapangaw, nanay papipakalowiden Iso ko hongti,
ano milongoc kami i, nanay paca'ofen Iso ko pilongoc niyam.
നിലവിൽ തിരഞ്ഞെടുത്തിരിക്കുന്നു:
'Olic 20: AMIS2019
ഹൈലൈറ്റ് ചെയ്യുക
പങ്ക് വെക്കു
പകർത്തുക
നിങ്ങളുടെ എല്ലാ ഉപകരണങ്ങളിലും ഹൈലൈറ്റുകൾ സംരക്ഷിക്കാൻ ആഗ്രഹിക്കുന്നുണ്ടോ? സൈൻ അപ്പ് ചെയ്യുക അല്ലെങ്കിൽ സൈൻ ഇൻ ചെയ്യുക
© The Bible Society in Taiwan, 2019