Ioane 9
9
U RA PULA.
Ioane 9.
1Ba Iesu i wan bolo kubai, i bobo ta muana ba di butapa i ma i a pula. 2Ma diat a nuna tara na wawera diat tiri lena, Tenawawera, o oi duk i pet akakai, a muana duk bi, ba tamana duk ma nana, kuma di butapa i ma i a pula? 3Iesu i wapua diat uni lena, Pa i pet akakai a muana bi, ba tamana ma nana; kuma ku in pua uni a pinapam a nun Nara 4I ka ba dat pam a pinapam a nun ia ba i tula iau urin, ba i keke utbai: kaduk in marum pat, te i kana papam uni. 5Ba iau ki kubai u na tudu ra maua a kapakapa iau u ra na tudu ra maua. 6Ba i piratai lenkumi, i kara u na pia, ma i weloto a pia ma ra koro‐na‐wana, ma i talu a mata ra pula ma ra pia. 7ma i piri tana, Un wan, un kikipa u ra nirariu a iana Siloama (a pipilaina, Di wetula). Ma i wan, i kikipa, i wan talili balet, ma i bobo. 8Ma diat a kum tepana, ma ra kum tara diat a bobota i narap, a ten‐arig ku ia, diat piri lena, Ia ba i ki ku ma i ararig kumi, ni? 9Ra tara diat piri lena, Ia ma kumi: ra tara bulug diat lena, Pate, i len ia ku. Ma i piri ta diat, Iau ku. 10Diat tiri uni, Di pet a bobo lelawai a matam? 11I wapua diat uni lena, A muana a iana Iesu i pampa a pia, i tālu a matag mai, ma i piri tag lena, Un wan u Siloama, un kikipa: ma iau wan, iau kikipa, ma di pet a bobopa a matag. 12Diat tiri uni, Kura wai ia? I piri ta diat, Pa iau nunurai. 13Ma diat benpa ia ba i pulapa korom diat a kum te Faresaio. 14A bug kuma ba Iesu i pam a pia uni, ma i pet a bobopa a matana a bug tabu ia. 15Ma ra kum te Faresaio kai diat tiri balet uni, lena, di pet a bobo lelawai a matana? I piri ta diat, I talu a matag ma ra pia, iau kikipa, ma iau bobo. 16Ma rā magan a te Faresaio diat piri, lena, A muana kumi pa i wan kon Nara, kuma pa i ururu u ra bug tabu. Ma rā magan bulug diat lena, Ba a tenapetakakai ia, i pampai lelawai a kum waikinilag lenkumi? ma diat wepul uni.
17Diat piri balet ta ra pula, Awa u piri un i, kuma i pet a bobopa a matam? I piri lena, A parofita ia.
18Ma ra Iudaia pa diat nuru un i, kuma i pulapa ma di pet a bobo ia, ma diat benpa diara mun a tamana ma nana: 19ma diat tiri diara lena, Ka, na tu muru bi, muru lena, di butapa i ma i a pula? I bobo lelawai ma kumi? 20Diara tamana ma nana diara piri ta diat, Mira nunurai ut, na tu mira bi, ma di butapa i ma i a pula. 21ma pa mira nunurai ba i bobo lelawai duk kumi; ba, o oi duk i pet a bobopa a matana, pa mira nunurai: a patuan a muana ut ia; muat tiri uni: in wapua un ia ku. 22Diara tamana ma nana diara piri lenkumi, kuma diara buruta diat a Iudaia: kuma a Iudaia diat wepakpa lena, ba te i pirapuana i lena a Karisito ia, din lu‐ua i ko ra ruma na lotu. 23A lig kumi diara tamana ma nana diara piri uni lena, A patuan a muana ia; muat tiri un i.
24Ma diat ben talili balet a muana i pulapa, ma diat piri tana, Un pirawalaua Nara: dat nunurai, a muana kuma a tenapetakakai ku. 25I piri ta diat, Pa iau nunurai ba a tenapetakakai duk ia ba pate: ra lig ku iau nunurai, kuma iau pulapa ma kumari iau bobo. 26Diat tiri balet un i, Awa i peti un ui? Ka, i pet a bobo lelawai a matam? 27I piri ta diat, Na bări ku iau wapuata muat uni, ma pa muat walogoropai, muat ligna walogoroi balet lelawai? Muat nemi duk ba a nuna kum disaipeli muat? 28Ma diat pira ululi korom i, ma diat piri tana, A nuna disaipeli ui; a kum disaipeli a nun Mosese miat. 29Miat nunurai ut, Nara i piri tan Mosese; ma ra muana kumi pa miat nunurai ba takawai duk ia. 30A muana i piri ta diat, A lig na kakaian kumi, i pet a bobopa a matag, ma pa muat nunurai ba takawai duk ia! 31Dat nunurai, Nara pa i walogoro diat a kum tenapetakakai: ba te i lotu korom Nara, ma i taram tana, in walogoro a muana kuma. 32Tak u ra kabina pa di walogoropai lena, te i pet a bobopa a muana di butapa i ma i a pula. 33A muana kumi, ba pa i wan kon Nara, i kana pampa ta lig. 34Diat piri tana, Di a butata ui u ra petakakai, ma u wera miat bakai, ni? Ma diat lurua i.
35Iesu i walogoroi lena, diat a lurua i; ma ba i bobo i, i tiri un i lena, U nurutau ut u na Tun Nara, ni? 36I tiri un i, O oi duk ia, Tadaru, ba ăg nurutau un i? 37Iesu i piri tana, U ā bobota i, ia ut muru pirapira ugai ma i. 38I piri tana, Tadaru, iau nurutau un i. Ma i tutudug korom i.
39Iesu i piri tana, A nakakon ku iau wan pat uni u ra na tudu ra maua, lena, a tara pa diat bobo, din pet a bobopa diat; ma ra tara diat bobo, din pet a pulapa diat.
40Diat a Faresaio diat weuru ma i, diat walogoro a kum lig kumi, ma diat tiri uni, A kum pula miat kai ni? 41Iesu i piri ta diat, Ba muat pula, pa numuat ta petakakai: ma muat piri lena, miat bobo: i tana ku uni a numuat petakakai.
നിലവിൽ തിരഞ്ഞെടുത്തിരിക്കുന്നു:
Ioane 9: RAI
ഹൈലൈറ്റ് ചെയ്യുക
പങ്ക് വെക്കു
പകർത്തുക
നിങ്ങളുടെ എല്ലാ ഉപകരണങ്ങളിലും ഹൈലൈറ്റുകൾ സംരക്ഷിക്കാൻ ആഗ്രഹിക്കുന്നുണ്ടോ? സൈൻ അപ്പ് ചെയ്യുക അല്ലെങ്കിൽ സൈൻ ഇൻ ചെയ്യുക
Published by the British and Foreign Bible Society in 1896.