A Kelekele 19
19
A KELEKELE 19.
1A maua i wapuanata a măramăra a nun Nara;
Ma ra lagit i weata a nun pinapam.
2Ra keke i wapua tau u rā keke kai,
Ma ra marum i weata a manana u ra marum kai.
3Pa ta wewapua, pa ta pirapira, pa di walogoro a igadiat.
4Ma ra pupua i diat i wan u ra rakrakan wanua rap,
Ma ra nudiat pirapira u ra kali na bual rap.
I a pakitai uni a ruma a nu ra make.
5Kuma i le ra muana a matakina tinaula, i wan tak u ra nuna ruma,
I kaia bulug le ra patuan a muana in kala u ra nuna akapi.
6I wan kabin pat u ra kabi na maua,
Ma ra nuna winawan i al u ra kalina:
Pa ta lig ma di burugbati ko ra uanina.
7I wakwakak akit a wawera a nun Ieova,
Kuma i wakadelpa a niodi;
A ligatuna akit a wewapua a nun Ieova,
I watinana diat a kum loglog.
8I takado a weputa a nun Ieova,
I pet a kaiapa a baladi:
A pirawebat a nun Ieova i maramarek,
I wakapakapa a matadi.
9A buruta Ieova i maramarek, ma i tana takum:
A nakakon a nun Ieova a ligtatuna, ma i takado rap.
10A lig kumi din lig kupi, ma pate a koula,
Pate ut kai ba magoro na koula mulu.
I nămian akit kai u ra oni, ma ra tatua i ra matamata na oni.
11Di wakinaptai kai a nun wetula u ra kum lig kumi:
Ma i gala na binabalu ba di taram uni.
12O oi te in manana liranpai u ra nuna pet rara?
Un pet a maramarek iau ko ra akaina lig i tana ino u ra balag.
13Un petbat a num wetula ko ra warapiam;
Koniku in pam lurāpa iau, kun ăg pet oduru,
Ma pa ag rara u ra gala na petakakai.
14Awakak ba a kum pirapira ko ra wag, ma ra nunuk i ra balag in wakwakak korom ui, Ieova,
A nug dekdek, ma ra nug Tenawalaun.
നിലവിൽ തിരഞ്ഞെടുത്തിരിക്കുന്നു:
A Kelekele 19: RAI
ഹൈലൈറ്റ് ചെയ്യുക
പങ്ക് വെക്കു
പകർത്തുക
നിങ്ങളുടെ എല്ലാ ഉപകരണങ്ങളിലും ഹൈലൈറ്റുകൾ സംരക്ഷിക്കാൻ ആഗ്രഹിക്കുന്നുണ്ടോ? സൈൻ അപ്പ് ചെയ്യുക അല്ലെങ്കിൽ സൈൻ ഇൻ ചെയ്യുക
Published by the British and Foreign Bible Society in 1896.