Matiyu 3
3
Makolikɛba Yaya ya kawanili
Malɛkɛ 1.1-6; Luka 3.1-22; Yohana 1.19-34
1Wo waate lɔ, Makolikɛba Yaya k'i wuli Jude koovi fuwa lɔ, ka kawanili kɛ, a vɛɛ: 2#Matiyu 4.17; Malɛkɛ 1.15.«Ài y'ài dajoo mafalin, kamasɔlɔn haijɛnɛ masaya waate ma vɛ sulunya.» 3Yaya le ya ko fɔnin tɛɛ Nabi Ezayi bolo kɔlɔkɔlɔ le, a vɛɛ:
«Mɔɔ dɔ gbanɔkan yi bɔla fuwa lɔ, a vɛɛ:
‹Ài yi siya lɔbɛn mɔ Tii yɛ,
ka aa senmasiyalu latelen a yɛ.› »
4Faani min ladannin ɲɔɔmɛ si le, Yaya ka wo bila a kanna k'a tɛ sili gbolojulu dɔ le. A tɛɛ kono ni tuukɔlɔli le dɔnna. 5Mɔɔ siyama tɛɛ bɔla Jelusalɛmu so kɔnɔ, ani Jude koovi lɔ, ani Julidɛn kɔɔdafɛsolu la, ka taa Yaya fɛlɔ. 6Ai tɛɛ vɛ ai dalabɔla aiya julumbulu la, Yaya tɛɛ ai mako Julidɛn kɔɔ kɔlɔ.
7 #
Matiyu 12.34; 23.33. Yaya ka Falisi ni Sadusi siyama ye nala mingɛ a fɛlɔ ai makoko lɔ, a k'a fɔ ai yɛ, a vɛɛ: «Àilu fɔnfɔnnidennu! Jene n'ài lalila ko ài yi bɔli ka bɔ Ala ya mɔnɛya natɔ kɔlɔ? 8Ài kɛkolu y'a jiya ko ài vɛ ài dajoo mafalin. 9#Yohana 8.33.Ài k'ài mili ko ài bɛnyine kamasɔlɔn ài bema le Nabi Ibulahima le! Ǹ'a fɔ ài yɛ, Ala yi sene kawakulun minu jɛlɛmana k'ai kɛ Nabi Ibulahima bɔzɔnnu le. 10#Matiyu 7.19.Tandainɔ, tɛɛlan lɔ vɛ bɛn kɔlɔman tɛɛko lɔ. Kɔlɔman minu tɛ ai den kein kɛla, wolu bɛ yi tɛɛle k'ai lafili taa la. 11Ǹ'ài makola ji le le k'a jiya ko ài vɛ ài dajoo mafalin, kɛɛ mɔɔ dɔgbɛlɛ natɔ min fanga walanin ǹ ta le. Hali ka aa samala ta a yɛ, ǹe dɔɔyayine wo ma. Ale le kɛtɔ ài makola Nii Sɛnɛyanin ni taa le. 12Aa kɔndɛlɛ y'a bolo, a do kɛtɔ aa malogbasiya matɛla, ka malo kɛ kele la, ka ban k'a fofo lafili taa banbali lɔ.»
Yaya ka Isa mako teme
Malɛkɛ 1.9-11; Luka 3.21-22; Yohana 1.32-34
13Wo waate lɔ, Isa ka bɔ Galile koovi lɔ ka na Yaya fɛlɔ Julidɛn kɔɔ dala, fɔsa a yi makoli sɔlɔn Yaya bolo. 14Kɛɛ Yaya tɛɛ a fɛ k'i ban. A do vɛɛ a yɛ: «Ile min ka kan ka ǹe mako, ile yi na ǹe ma?» 15Isa k'a javi, a vɛɛ: «I yi diɲa wo ma butu, kamasɔlɔn a bɛnnin m'i wo kɛ fɔsa Ala sawo ma yi fa teme.» Wo fɔ, Yaya ka diɲa wo ma.
16Isa makonin ka bɔ kɔɔ kɔlɔ feeya, sangbolo da ka ka telemanin, a do ka Nii Sɛnɛyanin jiitɔla ye a kan iwo poponi. 17#Matiyu 12.18; 17.5; Malɛkɛ 1.11; Luka 9.35.Kumakan dɔ ka bɔ sangbolo lɔ, a vɛɛ: «Ǹ diyanan Denkɛ le ne. A do vɛ ǹ kɔnɔlɔdiya bubale.»
നിലവിൽ തിരഞ്ഞെടുത്തിരിക്കുന്നു:
Matiyu 3: MBT2023
ഹൈലൈറ്റ് ചെയ്യുക
പങ്ക് വെക്കു
പകർത്തുക
നിങ്ങളുടെ എല്ലാ ഉപകരണങ്ങളിലും ഹൈലൈറ്റുകൾ സംരക്ഷിക്കാൻ ആഗ്രഹിക്കുന്നുണ്ടോ? സൈൻ അപ്പ് ചെയ്യുക അല്ലെങ്കിൽ സൈൻ ഇൻ ചെയ്യുക
Manya Bible Translation, © SIM International, 2023