Mataio 3
3
1Kurua pani ai Ioane Bapatiso anenave omoro kurumakei’inave Iudea eiei inu kekepere mako ai,
2Erau voa kurumakei’inave, Lai urukine noro e: uku pani muku unu eiei pani va’au ai arekamu ai anena.
3Uku ei a’a eiai Isaia laikorava a’a erau voa kurunave, A’a monou unu voa araro laealimakina kekepere ai, Iehova anu aki‐kapea pono‐li’ine, Una are‐rokoa kapea anana‐ene ane.
4Kamela kimari a’a kape ei Ioane miaka, awre una mako ai piriakei’inave; una pei kira’a, venoko ane.
5Ierusalema mere, Iudea eiei iki mere, Ioridana aiara eiei mere, a’a aruru uriria elenave Ioane ai kekepere ai;
6I u oro bapatiso‐ekavakei’inave Ioridana aiara ai, omo namea oro iki‐e’emakei’?-?inave.
7U inamu‐eimakei’inave Parisea a’a aila, Sadukea a’a ane, u ai anemakei’inave bapatiso eiai, u erau voa kuruenave, Paiko ukua e, koama naki’e area‐enavai kurua ia’ia mere aneliviai anelia?
8Lai urukia anu uru merine:
9Nomo lai laru ai pa kuruai, Aberahamo ene mai?-?vaki; nai kurunaina Eloi iva mi’ina ei rawre mere kiri a’a la‐ekavai Aberahamo eiai.
10Eai ira‐mai iri inu neva ai keimakina, iri kavakava uru ima meriape u areakeina, iau laru ai ruawkavakeina ane.
11Nomo namea mere noro lai urukiane ere nai bapatiso‐nakana; a U ane U nai neko mere ai aneliviai anelia U na amua keina; Una are‐rawre vakaruai nai imakeiapea; Avaea Iaa, iau ane, U bapatiso‐nakavakana.
12Una aiou Una eve mokono ai keina, i Una moai awku U urupu lauakana: Una kawni uru Una pei marea laru ai U roikiakana, a mami iau iara laru ai U ruawkavakana.
13Ei pani ai Galilaia mere Iesu anenave Ioridana ai uku Ioane bapatiso‐awkava’?-?ane‐iai.
14Ioane Una voa ei’inave, erau voa kurunave ane, Nai oea‐rokona Ni bapatiso‐ika?-?vai; uku bapatiso eiai nai ai Ni ama’ane’i?
15Iesu erau voa kurunave Evere’enamoki ei pani ai; uku opara anana kavakava enere evere’eai limakina. U evere’enave.
16Iesu ere bapatiso‐awkavakei’inave ane, ere mere U emoki inanave. Ou pani ai kaia auakei’inave, Eloi inu Avaea naku orau lilimakei’inave U inamu‐oinave, U upa mere pa’amakei’inave ane:
17Kaia mere voa anenave erau voa kurumakei’inave, Na naumuki Mere ei aku, uku U eiai Nai kopaili’ina.
നിലവിൽ തിരഞ്ഞെടുത്തിരിക്കുന്നു:
Mataio 3: IAR1920
ഹൈലൈറ്റ് ചെയ്യുക
പങ്ക് വെക്കു
പകർത്തുക
നിങ്ങളുടെ എല്ലാ ഉപകരണങ്ങളിലും ഹൈലൈറ്റുകൾ സംരക്ഷിക്കാൻ ആഗ്രഹിക്കുന്നുണ്ടോ? സൈൻ അപ്പ് ചെയ്യുക അല്ലെങ്കിൽ സൈൻ ഇൻ ചെയ്യുക
Published by the British and Foreign Bible Society in 1920.