انجیلِ مَتی 8
8
شفای پیا جُذامی
1هِه کِه عیسی دِ كُوء اُوما وِ هار، جماعت‌یا زیادی دِ دُمِ او رائی بییِن. 2دِ ایی موقَع پیا جُذامیئی اُوما وِ تِه‌ش و دِ بِرُووَرِش زُونی زَه وَ گُت: «اِ آقا، اَر باحای تُونی مِه نِه شفا بِئی.» 3عیسی دَسِ خُوشِه دراز کِرد، وَ وِش دَس نِئا وَ گُت: «می‌حام، شفا بِئیر!» آزِعی، دِ جُذام شفا گِرِت. 4اوسِه عیسی وِش گُـت: «وِ تو مُوئِم دِ ایی بارَه وِ کَسی چیئی نُوئی، رُو وَ خُوتِه وِ كاهن نِشُو بِه وَ او پیشکَشیئی کِه موسی تعیین کِردَه، تقدیم کُو تا سی وِنُو شاهادَتی بوئَه.»
اِیمُونِ یِه نظامی رومی
5هِه کِه عیسی واردِ شهرِ كَفَرناحوم بی، یِه افسرِ رومی اُوما وِ تِه‌ش وَ وا لالکِه‌حاس 6وِ او گُت:«اِ آقا، پاکارِم اِفلیج دِ حُونَه حُفتییَه وَ خیلی درد می‌کَشَه.» 7عیسی وِش گُـت: «مِه میام وُ او نِه شفا مِی‌ئِم.» 8اما افسر جُئُو دَه: «آقا، مِه قابل نیسِم كِه بیای وِ زیرِ سقفِ مِه . تَنیا کلُومی بُو کِه پاکارِم شفا مِئی‌رَه، 9سی یَکه مِه خُوم پیائی هیسِم زیرِ امرِ کَسُونی. سَروازیائی هَم زیرِ دَسِ خُوم دارِم. وِ یَكی مُوئِم ”رُو،“ مِی‌رَه، وَ وِ یَکی هَنی مُوئِم ”بیا،“ میایَه. وِ غُلِمِ خُوم مُوئِم ”یَه نِه وِ جا بیار،“ وِ جا میارَه.» 10عیسی هِه کِه قِصَه‌یا او نِه اِشنَفت، بِلاجیش اُوما وَ وِ کَسُونی كِه دِ دُمِش مِی‌مان، گُت: «وِ راسی وِ شِما مُوئِم، چِنی ایمُونی حتی دِ اسرائیل هَم نِئیمَه. 11وِ شِما مُوئِم كِه خیلی‌یا دِ شرق وَ غرب میایَن وَ دِ پاتشائی آسمُو، وا ابراهیم وَ اسحق وَ یعقوب وِ سَرِ یِه سِفرَه می‌نشینَن، 12اما بَچُونِ ایی پاتشائی وِ تاریکی وِ دَر وَنَه موئَن، جائی کِه گِریوَه وَ دِنُوریچَه‌آ.» 13اوسِه وِ او افسر گُت: «رُو! طبقِ ایمُونِت وِ تو دِئَه بوئَه.» هِه دِ او دَم پاکارِ او شفا گِرِت.
شفا هُسیرَه پِطرُس وَ بُری‌وُشُری هَنی
14هِه کِه عیسی رَت وِ حُونَه پطرس، داآ زِئنَه او نِه دی کِه تُوء كِردَه وَ ها تو جا. 15عیسی دَسِ او نِه گِرِت وَ تُوء‌ش قطع بی. او زَ وِریسا وَ نِئا وِ پذیرائی کِردِه دِ عیسی.
16دَمِ اِیوارَه، بُری‌وُشُری دِ دیوزِئَه‌یا نِه اُوِردِن وِ تِه‌ش وَ او وا كلُومِ خُوش روح‌یا نِه دِ وِنُو کِرد وِ دَر وَ گِردِ مریض‌یا نِه شفا دَه، 17وِ ایی ترتیب، پیشگوئی اِشعَیا نبی وِ اَنجُوم رَسِس کِه:
«او دَردیا اِیما نِه وِرداشت
وَ مِرَض‌یا اِیما نِه گِرِت وِ خُوش.»
باها مُریدی دِ عیسی
18هِه کِه عیسی دی جیناتی جمع بینَه وِ دُورِش، اَمر کِرد: «رُوئیم وِ اولانِ دریا.» 19اوسِه یَكی دِ معلم‌یا تورات اُوما وِ تِه‌ش وَ گُت: «اِ استاد، هَر جا رُوئی، میام دِ دُمِت.» 20عیسی جُئُو دَه: «روآیا لُونَه دارَن وَ مرغ‌یا هوا آشُونَه، اما کُرِ انسان جائی سی سَر نِئایِه نارَه.» 21شاگردی هَنی وِش گُت: «اِ آقا، اول اِجازَه بِه رُوئِم وَ بُوَه خُومِه اِیوَت بَکِم وَ او نِه وِ خاک بَسپارِم.» 22اما عیسی وِش گُت: «دِ دُمِ مِه بیا وَ بِئیل مُردَه‌یا، مُردَه‌یا خُوشُو نِه وِ خاک بَسپارَن.»
آرِم کِردِه‌نِ تیفُونِ دریا
23اوسِه عیسی سُوارِ قایقی بی وَ شاگردیاش هَم دِ دُمِش رَتِن. 24یِگِلی دِ دریا تیفُونِ گَپی بی، چِنُو کِه نِزیک بی موج‌یا، قایقِ نِه غرق بَکَه. اما عیسی دِ خُو بی. 25شاگردیا اُومان بیارِش کِردِن وَ گُتِن: «اِ آقا، داریم غرق موئیم؛ نِجاتِمُو بِه!» 26عیسی جُئُو دَه: «اِ كم اِیمُونیا، سی چی زَلَه‌تُو مِی‌رَه؟» اوسِه وِریسا وَ توپِس وِ بای وُ موج‌یا دریا، وَ آرامِشِ کامل حاکم بی. 27وِنُو بِلاجیشُو اُوما دِ یَک می‌پُرسیئِن: «یَه چطور شخصی اَ؟ حتی بای وَ موج‌یا هَم دِش فِرمُو مُورَن.»
شفا دو پیا دیوزِئَه
28هِه کِه عیسی رَسِس وِ وِلاتِ جَدَریان، دِ اولانِ دریا، وا دو پیا دیوزِئَه ری‌وِری بی کِه دِ قُورِسُو می‌کِردِن وِ دَر. او دوتا ایقَه خطرناک بییِن كِه هیشکَه نِمی‌تُونِس دِ او رَه رَد بوئَه. 29وِنُو قارَنِن: «تو وامُو چاری، اِ کُرِ خدا؟ یعنی اُوماییَه وِ ایچِه تا وِرَز وَخت اِیما نِه عَذُو بِئی؟» 30کَمی اولاتِر دِ وِنُو گلَه گَپی دِ خوک‌یا داشتِن خوراک می‌حَردِن. 31دیویا وا لالکِه‌حاس وِ عیسی گُتِن: «اَر مُونیمُو وِ دَر، وِ مینِ گلَه خوک‌یا کِلِمُو کُو.» 32عیسی وِشُو گُت: «رُوئیت!» دیویا اُومان وِ دَر وَ رَتِن وِ مینِ خوک‌یا وَ گِردِ گلَه دِ سَرِ تَپَه رِمال بُردِن وِ دریا وَ دِ اُو هِلاک بییِن. 33خوکبان‌یا جِیستِن، وَ رَتِن وِ شهر وَ گِردِ ایی اتفاق‌یا، وَ بِخصوص اوچیئی کِه سی او دیوزِئَه‌یا اتفاق اُفتائی نِه، سی مردِم تعریف کِردِن. 34اوسِه تمُومِ مردِمِ شهر سی دیئِه‌نِ عیسی اُومان، وَ هِه کِه او نِه دیئِن، لالکِسِن وِش كِه دیارِ وِنُو نِه ترک بَکَه.
നിലവിൽ തിരഞ്ഞെടുത്തിരിക്കുന്നു:
انجیلِ مَتی 8: NLB
ഹൈലൈറ്റ് ചെയ്യുക
പങ്ക് വെക്കു
പകർത്തുക
നിങ്ങളുടെ എല്ലാ ഉപകരണങ്ങളിലും ഹൈലൈറ്റുകൾ സംരക്ഷിക്കാൻ ആഗ്രഹിക്കുന്നുണ്ടോ? സൈൻ അപ്പ് ചെയ്യുക അല്ലെങ്കിൽ സൈൻ ഇൻ ചെയ്യുക
@ 2024 Korpu Company
انجیلِ مَتی 8
8
شفای پیا جُذامی
1هِه کِه عیسی دِ كُوء اُوما وِ هار، جماعت‌یا زیادی دِ دُمِ او رائی بییِن. 2دِ ایی موقَع پیا جُذامیئی اُوما وِ تِه‌ش و دِ بِرُووَرِش زُونی زَه وَ گُت: «اِ آقا، اَر باحای تُونی مِه نِه شفا بِئی.» 3عیسی دَسِ خُوشِه دراز کِرد، وَ وِش دَس نِئا وَ گُت: «می‌حام، شفا بِئیر!» آزِعی، دِ جُذام شفا گِرِت. 4اوسِه عیسی وِش گُـت: «وِ تو مُوئِم دِ ایی بارَه وِ کَسی چیئی نُوئی، رُو وَ خُوتِه وِ كاهن نِشُو بِه وَ او پیشکَشیئی کِه موسی تعیین کِردَه، تقدیم کُو تا سی وِنُو شاهادَتی بوئَه.»
اِیمُونِ یِه نظامی رومی
5هِه کِه عیسی واردِ شهرِ كَفَرناحوم بی، یِه افسرِ رومی اُوما وِ تِه‌ش وَ وا لالکِه‌حاس 6وِ او گُت:«اِ آقا، پاکارِم اِفلیج دِ حُونَه حُفتییَه وَ خیلی درد می‌کَشَه.» 7عیسی وِش گُـت: «مِه میام وُ او نِه شفا مِی‌ئِم.» 8اما افسر جُئُو دَه: «آقا، مِه قابل نیسِم كِه بیای وِ زیرِ سقفِ مِه . تَنیا کلُومی بُو کِه پاکارِم شفا مِئی‌رَه، 9سی یَکه مِه خُوم پیائی هیسِم زیرِ امرِ کَسُونی. سَروازیائی هَم زیرِ دَسِ خُوم دارِم. وِ یَكی مُوئِم ”رُو،“ مِی‌رَه، وَ وِ یَکی هَنی مُوئِم ”بیا،“ میایَه. وِ غُلِمِ خُوم مُوئِم ”یَه نِه وِ جا بیار،“ وِ جا میارَه.» 10عیسی هِه کِه قِصَه‌یا او نِه اِشنَفت، بِلاجیش اُوما وَ وِ کَسُونی كِه دِ دُمِش مِی‌مان، گُت: «وِ راسی وِ شِما مُوئِم، چِنی ایمُونی حتی دِ اسرائیل هَم نِئیمَه. 11وِ شِما مُوئِم كِه خیلی‌یا دِ شرق وَ غرب میایَن وَ دِ پاتشائی آسمُو، وا ابراهیم وَ اسحق وَ یعقوب وِ سَرِ یِه سِفرَه می‌نشینَن، 12اما بَچُونِ ایی پاتشائی وِ تاریکی وِ دَر وَنَه موئَن، جائی کِه گِریوَه وَ دِنُوریچَه‌آ.» 13اوسِه وِ او افسر گُت: «رُو! طبقِ ایمُونِت وِ تو دِئَه بوئَه.» هِه دِ او دَم پاکارِ او شفا گِرِت.
شفا هُسیرَه پِطرُس وَ بُری‌وُشُری هَنی
14هِه کِه عیسی رَت وِ حُونَه پطرس، داآ زِئنَه او نِه دی کِه تُوء كِردَه وَ ها تو جا. 15عیسی دَسِ او نِه گِرِت وَ تُوء‌ش قطع بی. او زَ وِریسا وَ نِئا وِ پذیرائی کِردِه دِ عیسی.
16دَمِ اِیوارَه، بُری‌وُشُری دِ دیوزِئَه‌یا نِه اُوِردِن وِ تِه‌ش وَ او وا كلُومِ خُوش روح‌یا نِه دِ وِنُو کِرد وِ دَر وَ گِردِ مریض‌یا نِه شفا دَه، 17وِ ایی ترتیب، پیشگوئی اِشعَیا نبی وِ اَنجُوم رَسِس کِه:
«او دَردیا اِیما نِه وِرداشت
وَ مِرَض‌یا اِیما نِه گِرِت وِ خُوش.»
باها مُریدی دِ عیسی
18هِه کِه عیسی دی جیناتی جمع بینَه وِ دُورِش، اَمر کِرد: «رُوئیم وِ اولانِ دریا.» 19اوسِه یَكی دِ معلم‌یا تورات اُوما وِ تِه‌ش وَ گُت: «اِ استاد، هَر جا رُوئی، میام دِ دُمِت.» 20عیسی جُئُو دَه: «روآیا لُونَه دارَن وَ مرغ‌یا هوا آشُونَه، اما کُرِ انسان جائی سی سَر نِئایِه نارَه.» 21شاگردی هَنی وِش گُت: «اِ آقا، اول اِجازَه بِه رُوئِم وَ بُوَه خُومِه اِیوَت بَکِم وَ او نِه وِ خاک بَسپارِم.» 22اما عیسی وِش گُت: «دِ دُمِ مِه بیا وَ بِئیل مُردَه‌یا، مُردَه‌یا خُوشُو نِه وِ خاک بَسپارَن.»
آرِم کِردِه‌نِ تیفُونِ دریا
23اوسِه عیسی سُوارِ قایقی بی وَ شاگردیاش هَم دِ دُمِش رَتِن. 24یِگِلی دِ دریا تیفُونِ گَپی بی، چِنُو کِه نِزیک بی موج‌یا، قایقِ نِه غرق بَکَه. اما عیسی دِ خُو بی. 25شاگردیا اُومان بیارِش کِردِن وَ گُتِن: «اِ آقا، داریم غرق موئیم؛ نِجاتِمُو بِه!» 26عیسی جُئُو دَه: «اِ كم اِیمُونیا، سی چی زَلَه‌تُو مِی‌رَه؟» اوسِه وِریسا وَ توپِس وِ بای وُ موج‌یا دریا، وَ آرامِشِ کامل حاکم بی. 27وِنُو بِلاجیشُو اُوما دِ یَک می‌پُرسیئِن: «یَه چطور شخصی اَ؟ حتی بای وَ موج‌یا هَم دِش فِرمُو مُورَن.»
شفا دو پیا دیوزِئَه
28هِه کِه عیسی رَسِس وِ وِلاتِ جَدَریان، دِ اولانِ دریا، وا دو پیا دیوزِئَه ری‌وِری بی کِه دِ قُورِسُو می‌کِردِن وِ دَر. او دوتا ایقَه خطرناک بییِن كِه هیشکَه نِمی‌تُونِس دِ او رَه رَد بوئَه. 29وِنُو قارَنِن: «تو وامُو چاری، اِ کُرِ خدا؟ یعنی اُوماییَه وِ ایچِه تا وِرَز وَخت اِیما نِه عَذُو بِئی؟» 30کَمی اولاتِر دِ وِنُو گلَه گَپی دِ خوک‌یا داشتِن خوراک می‌حَردِن. 31دیویا وا لالکِه‌حاس وِ عیسی گُتِن: «اَر مُونیمُو وِ دَر، وِ مینِ گلَه خوک‌یا کِلِمُو کُو.» 32عیسی وِشُو گُت: «رُوئیت!» دیویا اُومان وِ دَر وَ رَتِن وِ مینِ خوک‌یا وَ گِردِ گلَه دِ سَرِ تَپَه رِمال بُردِن وِ دریا وَ دِ اُو هِلاک بییِن. 33خوکبان‌یا جِیستِن، وَ رَتِن وِ شهر وَ گِردِ ایی اتفاق‌یا، وَ بِخصوص اوچیئی کِه سی او دیوزِئَه‌یا اتفاق اُفتائی نِه، سی مردِم تعریف کِردِن. 34اوسِه تمُومِ مردِمِ شهر سی دیئِه‌نِ عیسی اُومان، وَ هِه کِه او نِه دیئِن، لالکِسِن وِش كِه دیارِ وِنُو نِه ترک بَکَه.
നിലവിൽ തിരഞ്ഞെടുത്തിരിക്കുന്നു:
:
ഹൈലൈറ്റ് ചെയ്യുക
പങ്ക് വെക്കു
പകർത്തുക
നിങ്ങളുടെ എല്ലാ ഉപകരണങ്ങളിലും ഹൈലൈറ്റുകൾ സംരക്ഷിക്കാൻ ആഗ്രഹിക്കുന്നുണ്ടോ? സൈൻ അപ്പ് ചെയ്യുക അല്ലെങ്കിൽ സൈൻ ഇൻ ചെയ്യുക
@ 2024 Korpu Company