Mothi 10
10
Baroṭeʹ cela kol
(Mark 3:13-19; 6:7-13)
1Jisute aiʹren baroṭeʹ celako ṭâhukeʹkoe ar kharap atta coṭaʹkoaʹ ar sanam lakanaʹ ruâ manja dareʹaʹ khomota maketeʹ angko kolkeʹkoe. 2Angko baroṭeʹ preritaʹ nutumdo hoʹkana,
palheiʹdo Simon (Ekedo Pitor menhoʹa),
ana tayom âniren boiha Andrio,
Sibdioren hopon Jakob
ar âniren boiha Johon,
3Filip
ar Bortholomoi,
Thoma
ar khajna engeiʹ Mothi,
Alferen hopon Jakob
ar Thoddeo,
4Moulobâdi
Simon ar jete Jisu sotrukoaʹ tire sabsolidie âni Jihuda Iskariot.
5Jisute angko baroṭeʹ niâko hukum maketeʹ kolkeʹkoe, "Apedo Ojihudikoṭheʹ se Somoriâkoaʹ jahan ṭolare alo caʹape, 6Ape Israyelren âdmikoṭheʹ caʹpe ekedo ad bhiṛi lakanako. 7Ape caʹte caʹte niâ katha procarpe, 'Sorgo rajjo sorre hiʹngekana.' 8Na bâgiketeʹ apetedo ruâonkhoiʹ manjakope, goiʹonkhoiʹ jiui makope, kusṭo rugiko manjakope ar kharap atta coṭaʹkoape. Apedo bin damte namkadape, bin damtigi makoape. 9Apeyaʹ ḍaṛare apedo sona, rupâ se tama paisa alo engeyape. 10Ḍahar laʹte jahan lakanaʹ beg, barya anga, bâṛti jutâ se hapaho alo engeyape, karon ânido kâmiketeʹ jom nu namiʹ joggokane.
11"Ar ape aka nogorre se ṭolare bolonpehaʹ, aṛe miṭiʹ joggo âdmi sendraiape, ar tin dhâbiʹ eṭaʹ jaga bang caʹape, aṛegi tahenape. 12Ar âniaʹ oraʹre bolon somai subheccha maketeʹ menape 'Apeyaʹ sânti hoʹman.' 13Anate judi ana oraʹ joggo hoʹa, tahale apeyaʹ sânti âni cetanre hijuʹman, judi joggo bang hoʹa, tahale apeyaʹ sânti ape cetanre âcur hijuʹman. 14Ar jahetigi ape bang atangpeyako, ar apeyaʹ katha bang atenako, ana oraʹ se ana nogor khoiʹ oṛogoʹ somai ape nijeyaʹ janganaʹ dhurâ giṛiape. 15Ingte ape sârigi metapekâning, bicârnaʹ dinre ana nogornaʹ dasa khoiʹ borong Sodom ar Ghomora disâmnaʹ dasa saho laka hoʹhaʹ.
Celakolaʹte upodes
(Mark 13:9-13; Luk 21:12-17)
16"Lelpe, ghenga târup talare alka bhiṛi, engkagi Ingte ape kolpekâning, niâlaʹte apedo bing laka sotorkoʹpe ar paroa laka soroloʹpe. 17Kheʹ âdmiko khoiʹ sabdhan tahenape, cekelaʹbang angkote ape bicâr sobharen âdmikoṭheʹ sabsopekohaʹ, ar angkote ape somaj oraʹre idiketeʹ hapate dalpekohaʹ. 18Emonki, Inglaʹte ape disâm sasoniʹ ar rajaoaʹ samnere idipekohaʹ jate angkoṭheʹ ar Ojihudikoṭheʹ sakkho ma dareʹape. 19Kheʹ jâkhni âdmikote ape sabsopekohaʹ, tâkhni alkaketeʹ itâʹ menpehaʹ analaʹtedo alo cintuʹape, karon itâʹ menlaʹ hoʹhaʹ anado ana somaigi ape lâi hoʹhaʹ. 20Cekelaʹbang ape katha menpehaʹ, nangkado bang, kheʹ aperen Baba Issoraʹ ekeṭaʹ Atta ânido apeyaʹ ontorre katha mene, ânigi menheʹ.
21"Boihate boiha ar botte gidrâ gojeilaʹte sabsoiheʹ. Gidrâko engat botaʹ biruddhe tengoketeʹ goiʹsoko kohaʹ. 22Ingâʹ nutum laʹte ape sanamkhoiʹ ghrinâpekohaʹ, kheʹ eke mucit dhâbiʹ thir tahenheʹ, ânigi bacoʹheʹ. 23Angkote jâkhni ape miʹ nogor khoiʹ tâṛyupekohaʹ, tâkhni eṭaʹ nogorre niruʹape, karon Ingte ape sârigi metapekâning, Israyelnaʹ sanam nogorredo apeyaʹ kâmi bang caboʹtapeya, aka dhâbiʹ Âdmi Hopon bang hijuʹe.
24"Celado guru khoiʹdo bang marangako, ar kâmi âdmido mâlik khoiʹdo bang marangako. 25Celado guru lakagi ar kâmi âdmi judi aiʹren mâlik laka hoketeʹ rakap darene tahalegi jothesṭo. Angko kâmi âdmite jâkhni oraʹren mâlik mane Ing Belsbul#10:25 Belsbul Naṛe Soitando Belsbul meta hokâniʹ. Belsbuldo hoʹkana miṭiʹ debotaoaʹ nutum tahalena, âdmitedo niâ nutum mente soitan bujhuisanako. metakâdingako tâkhni oraʹniʹ âdmite tinâʹgi bang metangkohaʹ!
Âdmido bang kheʹ Issorgi botoroipe
(Luk 12:2-7)
26"Niâlaʹte apetedo angkodo alo botorokoape, karon nangka baido itâʹgi bânuʹa, akaṭaʹdo bang lelnamoʹhaʹ, ar nangka baido itâʹgi bânuʹa, akaṭaʹdo bang baṛeʹhaʹ. 27Ing apeṭheʹ akako nutre mending ana apedo marsalre menpe. Ape akaṭaʹ lutur luturre atendape anado ape chadre caketeʹ procarpe akare âdmikote lelnampekohaʹ ar aten namkohaʹ.
28"Ekekodo hormo goiʹ dareʹako kheʹ attado bang goiʹ dareʹako angkodo alo botorokoape. Ekedo hormo ar atta barangi norokre dhongso dareʹe borong ânigi botoroipe. 29Barya bagroki miʹ paisate bang âkringoʹako? Ar Babaoaʹ begor baṛete ekeho otre bang gojoʹako. 30Nangka je apeyaʹ bohoʹnaʹ ubkoho lekha menaʹa. 31Niâlaʹte alo botoroʹape. Aima bagro khoiʹho apeyaʹ dam aima bisigitapeya.
Apeyaʹ pâtyu bisoite âdmiko lâiokope
(Luk 12:8-9)
32"Jahetigi Ing âdmi samnere atangingâko, Ingteho sorgoren Babaoaʹ samnere Âni ataiyinghâʹ 33Kheʹ jahetigi âdmi samnere Ing bang atangingâko, Ingteho Ingren sorgoren Babaoaʹ samnere âni bang atangiying.
Jisure pâtyuʹ laʹte apedo bipodre paṛoʹpehaʹ
(Luk 12:51-53; 14:26-27)
34"Alo moneyape je, dhârtire Ing sânti emoʹlaʹ hiʹkâning, sânti emoʹlaʹtedo bang hiʹkâning borong âdmioaʹ birudhore âdmi tengokolaʹte hiʹkâning. 35Cekelaʹbang
'Ingtedo bot salaʹ hoponaʹ,
engat salaʹ hoporaoaʹ,
ar anhar salaʹ kiminaʹ bicched sirjilaʹ hiʹkâning.
36Miʹṭiʹ âdmiren aiʹren oraʹren âdmikogi âniren dusmân hoʹkohaʹ.' #Mikha 7:6
37"Jahetigi bot se engat Ing khoiʹ bisi dulârkoako, ânido Ingren joggodo bangkane, ar jahetigi hopon se hopora Ing khoiʹ bisi dulârkoako ânido Ingren joggo bangkane. 38Ar ekedo aiaʹ kurus goʹketeʹ Ingâʹ tayomte bang hijuʹe ânido Ingren joggodo bangkane. 39Jahegi aiaʹ jiui bacetenlaʹte Ing osikâringe tahale âni ana adheʹ, ar ekedo Inglaʹte aiaʹ nijeoaʹ jiui ade, ânido ana baceheʹ.
Ekekote ape atangpeyako Issorte angko âsirbadkoe
(Mark 9:41)
40"Ekekote ape atangpeyako, angkotedo Inggi atangingâko, ar eketeʹ Ing atanginge, ânitedo Ingren koleiʹho atangie. 41Ekete nâbiaʹ nutumte miṭiʹ nâbi atangie, ânido nâbiaʹ puroskar namheʹ, ar eketeʹ dhârmikdo dhârmik mente atangie, ânido dhârmikaʹ puroskar namheʹ. 42Ar jahetigi neko kâṭiʹko talaren jahegi miʹhor cela mente kebol miʹ mog leyar daʹ nuilaʹ maye, Ingte ape sârigi metapekâning, ânido jahanlakatigi aiaʹ puroskar bang ade."
നിലവിൽ തിരഞ്ഞെടുത്തിരിക്കുന്നു:
Mothi 10: EKL
ഹൈലൈറ്റ് ചെയ്യുക
പങ്ക് വെക്കു
പകർത്തുക
നിങ്ങളുടെ എല്ലാ ഉപകരണങ്ങളിലും ഹൈലൈറ്റുകൾ സംരക്ഷിക്കാൻ ആഗ്രഹിക്കുന്നുണ്ടോ? സൈൻ അപ്പ് ചെയ്യുക അല്ലെങ്കിൽ സൈൻ ഇൻ ചെയ്യുക
©️2025 Bible Students Fellowship of Bangladesh
Mothi 10
10
Baroṭeʹ cela kol
(Mark 3:13-19; 6:7-13)
1Jisute aiʹren baroṭeʹ celako ṭâhukeʹkoe ar kharap atta coṭaʹkoaʹ ar sanam lakanaʹ ruâ manja dareʹaʹ khomota maketeʹ angko kolkeʹkoe. 2Angko baroṭeʹ preritaʹ nutumdo hoʹkana,
palheiʹdo Simon (Ekedo Pitor menhoʹa),
ana tayom âniren boiha Andrio,
Sibdioren hopon Jakob
ar âniren boiha Johon,
3Filip
ar Bortholomoi,
Thoma
ar khajna engeiʹ Mothi,
Alferen hopon Jakob
ar Thoddeo,
4Moulobâdi
Simon ar jete Jisu sotrukoaʹ tire sabsolidie âni Jihuda Iskariot.
5Jisute angko baroṭeʹ niâko hukum maketeʹ kolkeʹkoe, "Apedo Ojihudikoṭheʹ se Somoriâkoaʹ jahan ṭolare alo caʹape, 6Ape Israyelren âdmikoṭheʹ caʹpe ekedo ad bhiṛi lakanako. 7Ape caʹte caʹte niâ katha procarpe, 'Sorgo rajjo sorre hiʹngekana.' 8Na bâgiketeʹ apetedo ruâonkhoiʹ manjakope, goiʹonkhoiʹ jiui makope, kusṭo rugiko manjakope ar kharap atta coṭaʹkoape. Apedo bin damte namkadape, bin damtigi makoape. 9Apeyaʹ ḍaṛare apedo sona, rupâ se tama paisa alo engeyape. 10Ḍahar laʹte jahan lakanaʹ beg, barya anga, bâṛti jutâ se hapaho alo engeyape, karon ânido kâmiketeʹ jom nu namiʹ joggokane.
11"Ar ape aka nogorre se ṭolare bolonpehaʹ, aṛe miṭiʹ joggo âdmi sendraiape, ar tin dhâbiʹ eṭaʹ jaga bang caʹape, aṛegi tahenape. 12Ar âniaʹ oraʹre bolon somai subheccha maketeʹ menape 'Apeyaʹ sânti hoʹman.' 13Anate judi ana oraʹ joggo hoʹa, tahale apeyaʹ sânti âni cetanre hijuʹman, judi joggo bang hoʹa, tahale apeyaʹ sânti ape cetanre âcur hijuʹman. 14Ar jahetigi ape bang atangpeyako, ar apeyaʹ katha bang atenako, ana oraʹ se ana nogor khoiʹ oṛogoʹ somai ape nijeyaʹ janganaʹ dhurâ giṛiape. 15Ingte ape sârigi metapekâning, bicârnaʹ dinre ana nogornaʹ dasa khoiʹ borong Sodom ar Ghomora disâmnaʹ dasa saho laka hoʹhaʹ.
Celakolaʹte upodes
(Mark 13:9-13; Luk 21:12-17)
16"Lelpe, ghenga târup talare alka bhiṛi, engkagi Ingte ape kolpekâning, niâlaʹte apedo bing laka sotorkoʹpe ar paroa laka soroloʹpe. 17Kheʹ âdmiko khoiʹ sabdhan tahenape, cekelaʹbang angkote ape bicâr sobharen âdmikoṭheʹ sabsopekohaʹ, ar angkote ape somaj oraʹre idiketeʹ hapate dalpekohaʹ. 18Emonki, Inglaʹte ape disâm sasoniʹ ar rajaoaʹ samnere idipekohaʹ jate angkoṭheʹ ar Ojihudikoṭheʹ sakkho ma dareʹape. 19Kheʹ jâkhni âdmikote ape sabsopekohaʹ, tâkhni alkaketeʹ itâʹ menpehaʹ analaʹtedo alo cintuʹape, karon itâʹ menlaʹ hoʹhaʹ anado ana somaigi ape lâi hoʹhaʹ. 20Cekelaʹbang ape katha menpehaʹ, nangkado bang, kheʹ aperen Baba Issoraʹ ekeṭaʹ Atta ânido apeyaʹ ontorre katha mene, ânigi menheʹ.
21"Boihate boiha ar botte gidrâ gojeilaʹte sabsoiheʹ. Gidrâko engat botaʹ biruddhe tengoketeʹ goiʹsoko kohaʹ. 22Ingâʹ nutum laʹte ape sanamkhoiʹ ghrinâpekohaʹ, kheʹ eke mucit dhâbiʹ thir tahenheʹ, ânigi bacoʹheʹ. 23Angkote jâkhni ape miʹ nogor khoiʹ tâṛyupekohaʹ, tâkhni eṭaʹ nogorre niruʹape, karon Ingte ape sârigi metapekâning, Israyelnaʹ sanam nogorredo apeyaʹ kâmi bang caboʹtapeya, aka dhâbiʹ Âdmi Hopon bang hijuʹe.
24"Celado guru khoiʹdo bang marangako, ar kâmi âdmido mâlik khoiʹdo bang marangako. 25Celado guru lakagi ar kâmi âdmi judi aiʹren mâlik laka hoketeʹ rakap darene tahalegi jothesṭo. Angko kâmi âdmite jâkhni oraʹren mâlik mane Ing Belsbul#10:25 Belsbul Naṛe Soitando Belsbul meta hokâniʹ. Belsbuldo hoʹkana miṭiʹ debotaoaʹ nutum tahalena, âdmitedo niâ nutum mente soitan bujhuisanako. metakâdingako tâkhni oraʹniʹ âdmite tinâʹgi bang metangkohaʹ!
Âdmido bang kheʹ Issorgi botoroipe
(Luk 12:2-7)
26"Niâlaʹte apetedo angkodo alo botorokoape, karon nangka baido itâʹgi bânuʹa, akaṭaʹdo bang lelnamoʹhaʹ, ar nangka baido itâʹgi bânuʹa, akaṭaʹdo bang baṛeʹhaʹ. 27Ing apeṭheʹ akako nutre mending ana apedo marsalre menpe. Ape akaṭaʹ lutur luturre atendape anado ape chadre caketeʹ procarpe akare âdmikote lelnampekohaʹ ar aten namkohaʹ.
28"Ekekodo hormo goiʹ dareʹako kheʹ attado bang goiʹ dareʹako angkodo alo botorokoape. Ekedo hormo ar atta barangi norokre dhongso dareʹe borong ânigi botoroipe. 29Barya bagroki miʹ paisate bang âkringoʹako? Ar Babaoaʹ begor baṛete ekeho otre bang gojoʹako. 30Nangka je apeyaʹ bohoʹnaʹ ubkoho lekha menaʹa. 31Niâlaʹte alo botoroʹape. Aima bagro khoiʹho apeyaʹ dam aima bisigitapeya.
Apeyaʹ pâtyu bisoite âdmiko lâiokope
(Luk 12:8-9)
32"Jahetigi Ing âdmi samnere atangingâko, Ingteho sorgoren Babaoaʹ samnere Âni ataiyinghâʹ 33Kheʹ jahetigi âdmi samnere Ing bang atangingâko, Ingteho Ingren sorgoren Babaoaʹ samnere âni bang atangiying.
Jisure pâtyuʹ laʹte apedo bipodre paṛoʹpehaʹ
(Luk 12:51-53; 14:26-27)
34"Alo moneyape je, dhârtire Ing sânti emoʹlaʹ hiʹkâning, sânti emoʹlaʹtedo bang hiʹkâning borong âdmioaʹ birudhore âdmi tengokolaʹte hiʹkâning. 35Cekelaʹbang
'Ingtedo bot salaʹ hoponaʹ,
engat salaʹ hoporaoaʹ,
ar anhar salaʹ kiminaʹ bicched sirjilaʹ hiʹkâning.
36Miʹṭiʹ âdmiren aiʹren oraʹren âdmikogi âniren dusmân hoʹkohaʹ.' #Mikha 7:6
37"Jahetigi bot se engat Ing khoiʹ bisi dulârkoako, ânido Ingren joggodo bangkane, ar jahetigi hopon se hopora Ing khoiʹ bisi dulârkoako ânido Ingren joggo bangkane. 38Ar ekedo aiaʹ kurus goʹketeʹ Ingâʹ tayomte bang hijuʹe ânido Ingren joggodo bangkane. 39Jahegi aiaʹ jiui bacetenlaʹte Ing osikâringe tahale âni ana adheʹ, ar ekedo Inglaʹte aiaʹ nijeoaʹ jiui ade, ânido ana baceheʹ.
Ekekote ape atangpeyako Issorte angko âsirbadkoe
(Mark 9:41)
40"Ekekote ape atangpeyako, angkotedo Inggi atangingâko, ar eketeʹ Ing atanginge, ânitedo Ingren koleiʹho atangie. 41Ekete nâbiaʹ nutumte miṭiʹ nâbi atangie, ânido nâbiaʹ puroskar namheʹ, ar eketeʹ dhârmikdo dhârmik mente atangie, ânido dhârmikaʹ puroskar namheʹ. 42Ar jahetigi neko kâṭiʹko talaren jahegi miʹhor cela mente kebol miʹ mog leyar daʹ nuilaʹ maye, Ingte ape sârigi metapekâning, ânido jahanlakatigi aiaʹ puroskar bang ade."
നിലവിൽ തിരഞ്ഞെടുത്തിരിക്കുന്നു:
:
ഹൈലൈറ്റ് ചെയ്യുക
പങ്ക് വെക്കു
പകർത്തുക
നിങ്ങളുടെ എല്ലാ ഉപകരണങ്ങളിലും ഹൈലൈറ്റുകൾ സംരക്ഷിക്കാൻ ആഗ്രഹിക്കുന്നുണ്ടോ? സൈൻ അപ്പ് ചെയ്യുക അല്ലെങ്കിൽ സൈൻ ഇൻ ചെയ്യുക
©️2025 Bible Students Fellowship of Bangladesh