Mothi 12
12
Jiruʹaʹdin bisoite Jisuoaʹ upodes
(Mark 2:23-28; Luk 6:1-5)
1Miʹdin Jisu miṭiʹ fosolnaʹ khet talate caʹsane. Ana dindo jiruʹaʹ din tahalena. Âniren celako rangeleʹkoaʹ bole angko gele tokaʹketeʹ jomla lagonako. 2Ana lelketeʹ Forisikote Jisu metakidiako, "Dhormonaʹ niom laka jiruʹaʹ dinre ja rikia bang ucit, lel amren celako inâgi rikâdako."
3Jisute angko metakeʹkoe, "Dâud ar âniren gateko jâkhni rangeleʹkoaʹ tâkhni âni itâʹ rikâlede ana ki ape bang paṛhokanape? 4Ânito Issoraʹ pobitro tâmbure boloketeʹ ana pobitro piṭhâ jomlede. Dâud ar âniren gatekoaʹ obossoi ana jom ucit bang tahalena, kebol purohitko ana jom dareʹkohote.#Lebiopustok 24:5-9; 1 Samuel 21:6 5Ar ape ki Mosiaʹ ân bang paṛhokanape je, jiruʹaʹ dinre mundirniʹ purohitko jiruʹaʹ dinnaʹ niom râput lekheʹho angkodo nirdos tahanako. 6Kheʹ Ingte ape metapekâning mundir khoiʹho naṛe marang miʹhor miniâ. 7'Ingdo mayagi koing, janoar utsorgodo bang' Sastrore niâ kathanaʹ ortho judi ape baṛeyapehoteʹ tahale nirdosuniʹ bang dusikoapehoteʹ.#Hoseo 6:6
8"Baṛe dohepe, Âdmi Hopongi jiruʹaʹ dinren mâlikkane."
Lohor tiuniʹ âdmi manjane
(Mark 3:1-6; Luk 6:6-11)
9Tayomte ana jaga bâgiketeʹ Jisu ana somaj oraʹre cane. 10Aṛe miṭiʹ âdmi tahalene jeyaʹ miṭiʹ ti lohorge lentaya. Jisu dusi udugilaʹ uddessote Forisikote âni kuli kidiako, "Dhormonaʹ niom laka jiruʹaʹ din reki ekeho manjakoaʹ ucit?"
11Jisute angko metakeʹkoe, "Sabpe, ape talare jaheren miṭiʹ bheṛa miniâ. Âni bheṛa judi jiruʹaʹ dinre gaṛhare ujuʹgene tahale ki ânite âni sabketeʹ bang rakabiheʹ? 12Ar bheṛa khoiʹ âdmiaʹ dam aima bisi. Tahale lelnamoʹa, jiruʹaʹ dinre manja kâmi rikiaʹ ucit."
13Inâtayom ânite âni âdmi metakidie, "Ama ti laheten." Anate âni lahakeʹ tene, ar ana eṭaʹonaʹ ti laka manja gentaya. 14Tâkhni Forisiko barhe canako ar Jisu goiʹ giri laʹte ânia biruddhe loporlaʹ lagonako.
Issorren bachouniʹ das
15Jisu ana lopornaʹ bisoi baṛe dareketeʹ aṛe khoiʹ cagene. Tâkhni aima âdmi ânia tayom tayom canako. Angko talare jeko ruâ tahalenako ânite angko sanamkhoiʹ manjakeʹkoe, 16ar sabdhankeʹkoe jate ânia bisoite bang menbereyako. 17Jeno Nâbi Jisaio talate menaʹ niâ katha purnoʹa,
18"Lelei, Ingren kâmi âdmi je,
Ingte bachoʹ engekâdiying.
Nigi Ingren dulârniʹ âdmi,
jeya cetanre Ing sontusṭogiying.
Ing âni cetanre Ingâʹ atta maihuʹ,
Ar âni Ojihudikoṭheʹ neibicâr pocarhe.
19Âni jhagṛa se bang cillue,
Ḍaharre ekeho ânia galanaʹ saṛe bang aten namtayako.
20Âni thetlo ona pap bang râpute,
Ar miṭ miṭketeʹ jol onaʹ bartan bang irige.
Tiniʹdin bang neiniti jituʹe.
21Ar Ânia cetanrigi Ojihudiko asa dohekoha."
Probhu Jisu ar kharap attaren raja
(Mark 3:20-30; Luk 11:14-23; 12:10)
22Tayomte âdmikote kharap attate namiʹ miṭiʹ âdmi Jisuṭheʹ âgukidiako. Âni âdmi andhra ar bobagi tahalene. Jisute âni manjakidie. 23Anate âni âdmi katha menla lagone ar lelnam kede. Tâkhni sanam âdmi asarjoketeʹ menkedako, "Ni ki Dâudren âni bongsodhorkane?"
24Forisiko niâ katha atenketeʹ menkedako, "Ânito kebol kharap attakoren raja Belsbulaʹ goṛote kharap atta coṭaʹkoe."
25Angkoaʹ cinto bujhu dareketeʹ Jisute angko metakeʹkoe, "Je rajjo nijeyaʹ talare hâṭingena ana rajjo dhongso gena. Ar je sohor se poribar nijeyaʹ talare hâṭingena ana sohor se poribar bang ṭikuʹa. 26Soitante judi Soitan oroʹgirie tahale ânito nijeyaʹ talare hâṭingene. Tahale ânia rajjo kalkate ṭikuʹhaʹ? 27Ar judi Ingte Belsbulaʹ gorote kharap atta coṭaʹkoing, tahale aperen celakote ekeyaʹ khomotate kharap atta coṭaʹkoako? Aperen celakogi promankohaʹ je apedo bhulgiâpe. 28Kheʹ Ingte judi Issorren attaoa goṛote kharap atta coṭaʹkoing tahale Issoraʹ rajjoto apeṭheʹ hiʹge kâniʹ. 29"Je âdmiaʹ hormore sukti menaʹa palhere âni bang tolei lekheʹ ki ânia oraʹ boloketeʹ jahe ki âniaʹ jinispotro luṭ dareʹkohaʹ. Tol tayom ânite âniaʹ oraʹ luṭ dareʹheʹ. 30"Judi jahe Ing hate bang tahene tahale ânido Ingâʹ bipokkhore miniâ. Eke Ing saote fosol bang halange, ânido merseye.
31"Niâlaʹte Ingte ape metapekâning, âdmiaʹ sanam pap ar Issoraʹ biruddhe opomannaʹ kathako khoma hoʹhaʹ, kheʹ Attaoaʹ biruddhe opomannaʹ kathako bang khoma hoʹa. 32Âdmi Hopon biruddhe jahegi katha mene âni khoma namheʹ, kheʹ pobitro attaya biruddhe katha men lekheʹ âni khoma bang name, niâ jugreho bang, laha jugreho bang.
Jotigi dare cinhuʹa
(Luk 6:43-45)
33"Niâ katha sikârpe je, dare manjoʹ lekheʹ ananaʹ joho manjoʹhaʹ, arho dare kharap lekheʹ joho kharap hoʹhaʹ, karon jotigi dare cinhuʹa. 34He bingren bongsoko, ape kharapketeʹho kalkate manja katha men dareʹape? Karon ontorre ja menaʹa, mocaho inâgi mene. 35Manja âdmi âniaʹ ontor pereʹ manja khoiʹ manja kathagi oṛoge, ar kharap âdmi âniaʹ ontor pereʹ kharap khoiʹ kharap kathagi oṛoge. 36Kheʹ Ingte ape metapekâning, âdmiko jeko sanam lakanaʹ kharap katha menako, bicârnaʹ dinre âniaʹ sanam kathanaʹ hisâb mailaʹ hoʹtaihaʹ. 37Amaʹ kathanaʹ talatigi am nirdos men hoʹhaʹ ar amaʹ kathanaʹ talatigi am dusi men hoʹhaʹ."
Jisuṭheʹ Jihudikodo proman koikedako
(Mark 8:11-12; Luk 11:29-32)
38Niâ tayom koekṭeʹ dhormo masṭar ar Forisikote Jisu metakidiako, "Guru, ale proman lellaʹ namdale je amgiâm Mosiho."
39Ânite uttorketeʹ angko metakeʹkoe, "Niâ jugre dusṭu ar bebhicâri âdmiko cinhâtʹnaʹ khojako, kheʹ nâbi Jonaoa cinhâtʹ bâgiketeʹ ar itâʹ cinhâtgi angko uduʹ bang jutuʹa. 40Jona alka marang hakoaʹ laiʹre pedin penindo tahalene Âdmi Hoponho engkagi pedin penindo dhârti latarre tahanheʹ. 41Bicârna dinre Ninâbi sohorren âdmiko beretʹketeʹ niâ jugniʹ âdmikoaʹ dos uduk koha, karon Ninobiniʹ âdmiko Jonaya procar laʹte pap khoiʹ mon âcurleʹtenako. Ar lelpe, naṛe Jona khoiʹ arho marang miʹhor miniâ.
42"Bicârnaʹ dinre dâkhin disâmren râni beretʹketeʹ niâ jugren âdmikoaʹ dos udukheʹ, karon Solomon rajaoa genna katha aten laʹte âni dhârtinaʹ ses simâna khoiʹ hiʹlene. Ar lelpe, naṛe Solomon khoiʹ arho marang miʹhor miniâ.#Jona 2:1-2; 3:5; 1 Rajako 10:1-10
Niâ jugren âdmikodo kharapte pereʹgiâko
(Luk 11:24-26)
43"Jâkhni jahe kharap atta jahe âdmi tala khoiʹ oṛoʹ cagene tâkhni âni lohoronaʹ jaga tora âcurberaketeʹ jiruʹaʹ sendreye, kheʹ ana bang name. 44Tâkhni âni mene, 'Jeṭheʹ khoiʹ oṛoʹ hiʹkâning Ingâʹ ana oraʹrigi Ing âcur caʹhuʹ.' Âni âcur hiʹketeʹ ana oraʹ khâli, sâfâ ar sajogi lelname. 45Tayomte âni kharap atta caketeʹ âni khoiʹho kharap arho satṭeʹ kharap atta saote agukeʹ koe ar aṛe boloketeʹ basoʹtigi tahanako. Anate âni âdmiaʹ palhena dasa khoiʹ tayomnaʹ dasa arho kharapketeʹ rakaboʹtaya. Niâ jugniʹ dusṭo âdmikoaʹ obostha engkagi hoʹhaʹ."
Probhu Jisureʹ engat ar boihako ekekanako?
(Mark 3:31-35; Luk 8:19-21)
46Jisu jâkhni âdmiko suliʹ katha mensane tâkhni âniren engat ar boihako âni saote katha menlaʹte barhere tengo tahalenako. 47Ekeṭaʹ miṭiʹ âdmite âni metakidie, "Lelme, amren engam ar boihako am suliʹ katha menlaʹte barhere tengo menaʹkoaʹ."
48Tâkhni Jisute âni metakidie, "Ingren âyâ ekekane, ar Ingren boihagi bang ekekanako?" 49Tâkhni ânite aiʹren celako uduʹketeʹ metakeʹkoe, "Neko lelkope, Ingren âyâ ar boihako. 50Karon jeko Ingren sorgoren Babaya icchâ palonako angkogi ingren boihakora, mesra ar âyâ."
നിലവിൽ തിരഞ്ഞെടുത്തിരിക്കുന്നു:
Mothi 12: EKL
ഹൈലൈറ്റ് ചെയ്യുക
പങ്ക് വെക്കു
പകർത്തുക
നിങ്ങളുടെ എല്ലാ ഉപകരണങ്ങളിലും ഹൈലൈറ്റുകൾ സംരക്ഷിക്കാൻ ആഗ്രഹിക്കുന്നുണ്ടോ? സൈൻ അപ്പ് ചെയ്യുക അല്ലെങ്കിൽ സൈൻ ഇൻ ചെയ്യുക
©️2025 Bible Students Fellowship of Bangladesh
Mothi 12
12
Jiruʹaʹdin bisoite Jisuoaʹ upodes
(Mark 2:23-28; Luk 6:1-5)
1Miʹdin Jisu miṭiʹ fosolnaʹ khet talate caʹsane. Ana dindo jiruʹaʹ din tahalena. Âniren celako rangeleʹkoaʹ bole angko gele tokaʹketeʹ jomla lagonako. 2Ana lelketeʹ Forisikote Jisu metakidiako, "Dhormonaʹ niom laka jiruʹaʹ dinre ja rikia bang ucit, lel amren celako inâgi rikâdako."
3Jisute angko metakeʹkoe, "Dâud ar âniren gateko jâkhni rangeleʹkoaʹ tâkhni âni itâʹ rikâlede ana ki ape bang paṛhokanape? 4Ânito Issoraʹ pobitro tâmbure boloketeʹ ana pobitro piṭhâ jomlede. Dâud ar âniren gatekoaʹ obossoi ana jom ucit bang tahalena, kebol purohitko ana jom dareʹkohote.#Lebiopustok 24:5-9; 1 Samuel 21:6 5Ar ape ki Mosiaʹ ân bang paṛhokanape je, jiruʹaʹ dinre mundirniʹ purohitko jiruʹaʹ dinnaʹ niom râput lekheʹho angkodo nirdos tahanako. 6Kheʹ Ingte ape metapekâning mundir khoiʹho naṛe marang miʹhor miniâ. 7'Ingdo mayagi koing, janoar utsorgodo bang' Sastrore niâ kathanaʹ ortho judi ape baṛeyapehoteʹ tahale nirdosuniʹ bang dusikoapehoteʹ.#Hoseo 6:6
8"Baṛe dohepe, Âdmi Hopongi jiruʹaʹ dinren mâlikkane."
Lohor tiuniʹ âdmi manjane
(Mark 3:1-6; Luk 6:6-11)
9Tayomte ana jaga bâgiketeʹ Jisu ana somaj oraʹre cane. 10Aṛe miṭiʹ âdmi tahalene jeyaʹ miṭiʹ ti lohorge lentaya. Jisu dusi udugilaʹ uddessote Forisikote âni kuli kidiako, "Dhormonaʹ niom laka jiruʹaʹ din reki ekeho manjakoaʹ ucit?"
11Jisute angko metakeʹkoe, "Sabpe, ape talare jaheren miṭiʹ bheṛa miniâ. Âni bheṛa judi jiruʹaʹ dinre gaṛhare ujuʹgene tahale ki ânite âni sabketeʹ bang rakabiheʹ? 12Ar bheṛa khoiʹ âdmiaʹ dam aima bisi. Tahale lelnamoʹa, jiruʹaʹ dinre manja kâmi rikiaʹ ucit."
13Inâtayom ânite âni âdmi metakidie, "Ama ti laheten." Anate âni lahakeʹ tene, ar ana eṭaʹonaʹ ti laka manja gentaya. 14Tâkhni Forisiko barhe canako ar Jisu goiʹ giri laʹte ânia biruddhe loporlaʹ lagonako.
Issorren bachouniʹ das
15Jisu ana lopornaʹ bisoi baṛe dareketeʹ aṛe khoiʹ cagene. Tâkhni aima âdmi ânia tayom tayom canako. Angko talare jeko ruâ tahalenako ânite angko sanamkhoiʹ manjakeʹkoe, 16ar sabdhankeʹkoe jate ânia bisoite bang menbereyako. 17Jeno Nâbi Jisaio talate menaʹ niâ katha purnoʹa,
18"Lelei, Ingren kâmi âdmi je,
Ingte bachoʹ engekâdiying.
Nigi Ingren dulârniʹ âdmi,
jeya cetanre Ing sontusṭogiying.
Ing âni cetanre Ingâʹ atta maihuʹ,
Ar âni Ojihudikoṭheʹ neibicâr pocarhe.
19Âni jhagṛa se bang cillue,
Ḍaharre ekeho ânia galanaʹ saṛe bang aten namtayako.
20Âni thetlo ona pap bang râpute,
Ar miṭ miṭketeʹ jol onaʹ bartan bang irige.
Tiniʹdin bang neiniti jituʹe.
21Ar Ânia cetanrigi Ojihudiko asa dohekoha."
Probhu Jisu ar kharap attaren raja
(Mark 3:20-30; Luk 11:14-23; 12:10)
22Tayomte âdmikote kharap attate namiʹ miṭiʹ âdmi Jisuṭheʹ âgukidiako. Âni âdmi andhra ar bobagi tahalene. Jisute âni manjakidie. 23Anate âni âdmi katha menla lagone ar lelnam kede. Tâkhni sanam âdmi asarjoketeʹ menkedako, "Ni ki Dâudren âni bongsodhorkane?"
24Forisiko niâ katha atenketeʹ menkedako, "Ânito kebol kharap attakoren raja Belsbulaʹ goṛote kharap atta coṭaʹkoe."
25Angkoaʹ cinto bujhu dareketeʹ Jisute angko metakeʹkoe, "Je rajjo nijeyaʹ talare hâṭingena ana rajjo dhongso gena. Ar je sohor se poribar nijeyaʹ talare hâṭingena ana sohor se poribar bang ṭikuʹa. 26Soitante judi Soitan oroʹgirie tahale ânito nijeyaʹ talare hâṭingene. Tahale ânia rajjo kalkate ṭikuʹhaʹ? 27Ar judi Ingte Belsbulaʹ gorote kharap atta coṭaʹkoing, tahale aperen celakote ekeyaʹ khomotate kharap atta coṭaʹkoako? Aperen celakogi promankohaʹ je apedo bhulgiâpe. 28Kheʹ Ingte judi Issorren attaoa goṛote kharap atta coṭaʹkoing tahale Issoraʹ rajjoto apeṭheʹ hiʹge kâniʹ. 29"Je âdmiaʹ hormore sukti menaʹa palhere âni bang tolei lekheʹ ki ânia oraʹ boloketeʹ jahe ki âniaʹ jinispotro luṭ dareʹkohaʹ. Tol tayom ânite âniaʹ oraʹ luṭ dareʹheʹ. 30"Judi jahe Ing hate bang tahene tahale ânido Ingâʹ bipokkhore miniâ. Eke Ing saote fosol bang halange, ânido merseye.
31"Niâlaʹte Ingte ape metapekâning, âdmiaʹ sanam pap ar Issoraʹ biruddhe opomannaʹ kathako khoma hoʹhaʹ, kheʹ Attaoaʹ biruddhe opomannaʹ kathako bang khoma hoʹa. 32Âdmi Hopon biruddhe jahegi katha mene âni khoma namheʹ, kheʹ pobitro attaya biruddhe katha men lekheʹ âni khoma bang name, niâ jugreho bang, laha jugreho bang.
Jotigi dare cinhuʹa
(Luk 6:43-45)
33"Niâ katha sikârpe je, dare manjoʹ lekheʹ ananaʹ joho manjoʹhaʹ, arho dare kharap lekheʹ joho kharap hoʹhaʹ, karon jotigi dare cinhuʹa. 34He bingren bongsoko, ape kharapketeʹho kalkate manja katha men dareʹape? Karon ontorre ja menaʹa, mocaho inâgi mene. 35Manja âdmi âniaʹ ontor pereʹ manja khoiʹ manja kathagi oṛoge, ar kharap âdmi âniaʹ ontor pereʹ kharap khoiʹ kharap kathagi oṛoge. 36Kheʹ Ingte ape metapekâning, âdmiko jeko sanam lakanaʹ kharap katha menako, bicârnaʹ dinre âniaʹ sanam kathanaʹ hisâb mailaʹ hoʹtaihaʹ. 37Amaʹ kathanaʹ talatigi am nirdos men hoʹhaʹ ar amaʹ kathanaʹ talatigi am dusi men hoʹhaʹ."
Jisuṭheʹ Jihudikodo proman koikedako
(Mark 8:11-12; Luk 11:29-32)
38Niâ tayom koekṭeʹ dhormo masṭar ar Forisikote Jisu metakidiako, "Guru, ale proman lellaʹ namdale je amgiâm Mosiho."
39Ânite uttorketeʹ angko metakeʹkoe, "Niâ jugre dusṭu ar bebhicâri âdmiko cinhâtʹnaʹ khojako, kheʹ nâbi Jonaoa cinhâtʹ bâgiketeʹ ar itâʹ cinhâtgi angko uduʹ bang jutuʹa. 40Jona alka marang hakoaʹ laiʹre pedin penindo tahalene Âdmi Hoponho engkagi pedin penindo dhârti latarre tahanheʹ. 41Bicârna dinre Ninâbi sohorren âdmiko beretʹketeʹ niâ jugniʹ âdmikoaʹ dos uduk koha, karon Ninobiniʹ âdmiko Jonaya procar laʹte pap khoiʹ mon âcurleʹtenako. Ar lelpe, naṛe Jona khoiʹ arho marang miʹhor miniâ.
42"Bicârnaʹ dinre dâkhin disâmren râni beretʹketeʹ niâ jugren âdmikoaʹ dos udukheʹ, karon Solomon rajaoa genna katha aten laʹte âni dhârtinaʹ ses simâna khoiʹ hiʹlene. Ar lelpe, naṛe Solomon khoiʹ arho marang miʹhor miniâ.#Jona 2:1-2; 3:5; 1 Rajako 10:1-10
Niâ jugren âdmikodo kharapte pereʹgiâko
(Luk 11:24-26)
43"Jâkhni jahe kharap atta jahe âdmi tala khoiʹ oṛoʹ cagene tâkhni âni lohoronaʹ jaga tora âcurberaketeʹ jiruʹaʹ sendreye, kheʹ ana bang name. 44Tâkhni âni mene, 'Jeṭheʹ khoiʹ oṛoʹ hiʹkâning Ingâʹ ana oraʹrigi Ing âcur caʹhuʹ.' Âni âcur hiʹketeʹ ana oraʹ khâli, sâfâ ar sajogi lelname. 45Tayomte âni kharap atta caketeʹ âni khoiʹho kharap arho satṭeʹ kharap atta saote agukeʹ koe ar aṛe boloketeʹ basoʹtigi tahanako. Anate âni âdmiaʹ palhena dasa khoiʹ tayomnaʹ dasa arho kharapketeʹ rakaboʹtaya. Niâ jugniʹ dusṭo âdmikoaʹ obostha engkagi hoʹhaʹ."
Probhu Jisureʹ engat ar boihako ekekanako?
(Mark 3:31-35; Luk 8:19-21)
46Jisu jâkhni âdmiko suliʹ katha mensane tâkhni âniren engat ar boihako âni saote katha menlaʹte barhere tengo tahalenako. 47Ekeṭaʹ miṭiʹ âdmite âni metakidie, "Lelme, amren engam ar boihako am suliʹ katha menlaʹte barhere tengo menaʹkoaʹ."
48Tâkhni Jisute âni metakidie, "Ingren âyâ ekekane, ar Ingren boihagi bang ekekanako?" 49Tâkhni ânite aiʹren celako uduʹketeʹ metakeʹkoe, "Neko lelkope, Ingren âyâ ar boihako. 50Karon jeko Ingren sorgoren Babaya icchâ palonako angkogi ingren boihakora, mesra ar âyâ."
നിലവിൽ തിരഞ്ഞെടുത്തിരിക്കുന്നു:
:
ഹൈലൈറ്റ് ചെയ്യുക
പങ്ക് വെക്കു
പകർത്തുക
നിങ്ങളുടെ എല്ലാ ഉപകരണങ്ങളിലും ഹൈലൈറ്റുകൾ സംരക്ഷിക്കാൻ ആഗ്രഹിക്കുന്നുണ്ടോ? സൈൻ അപ്പ് ചെയ്യുക അല്ലെങ്കിൽ സൈൻ ഇൻ ചെയ്യുക
©️2025 Bible Students Fellowship of Bangladesh