Luk 2
2
EMANA MA IDAHA UYEN YISỌS
Luk 2:1-7; Matio 1:18-25
1Ke mme usen ikoro imaikibei, ndien adaa ukara ke Rum Akwaa Ọbọọŋ Ọkọstus ọnọ ewuhọ ete, yak ebad mfifien owom ke odorobod. 2Eyem ekede apa ubad owom k'idaha Kwiriniọs eke adade ukara ke Siria. 3Ndien mfifien owom onyuŋ obio mmọ mbaak mmọ abad mmọ.
4Ndien Yosef esi ke obio Nasaded, ke idak ukara Kadidi aka idak ukara Yudia, emi ekedude ke Betrehem obio Defed sia enye ekeside ubon Defed. 5Akaa mmọ abad eme ma Mbedi emi enye ekekọbide ubọk ke ndọ ekesaaŋade ma akwaa nsa idibi. 6Ndien k'idaha Mbedi ma Yosef ekesuk odude kendo nkoro, usen uman Mbedi amaakem enye iman eyen.
7Ndien enye aman Apan ese, onyuŋ ada ọfọŋ awaŋ eme k'idem, onyuŋ esin eme k'usen ndia ufeene sia itie ikiduhe se mmọ onumde eme k'ufọk uduọhọ-udu.
MME EPEME UFEENE MA MME ENYERE
Luk 2:8-20
8Ndien mme epeme ufeene amaodu ke edem inwaŋ ikoro, ọsuk epeme mme ufeene mmọ k'itudoyo. 9Ndien enyere Idem-Mbubod ọbiọŋọde ọnọ epeme ufeene, ubọọŋ Idem-Mbubod onyuŋ ayaama akanade mmọ ọkuk, ndien mbọribọ ọkọọŋi mmọ, umim anam mmọ tutu. 10Enyere Idem-Mbubod ete mmọ, ikibaak sọ umim. Sia mben etiti mbuk akwaa idadesid eke eminyenede mfifien owom nsọk mfo. 11Sia Mfin nken andinyaaŋa amana ke obio Defed ọnọ mfo emi edede Krais, Ọbọọŋ. 12Ndien enyem akaide idiọọŋọ ọnọ mfo, mfika ikud nsek eyen eken ewaŋde ke ọfọŋ nte anaa k'itie usin-ndia ufeene.
13Idaha-idaha ikoro udim mme enyere esi edem-onyuŋ ebiọŋọde ma apa enyere ndien mmọ mfifien etọọŋọ etoro Idem-Mbubod.
14«Itoro enyene Idem-Mbubod k'edem-onyuŋ.
Emem onyuŋ odu k'isọŋ k'otu owom eken enye enende iso ma mmọ.»
15Ndien ekedikem mme enyere imaikidaha iyak mmọ, inyuŋ ke edem-onyuŋ, mme epeme edọŋ ete, «Iyak nnyin ikaa obio Betrehem ik'ise mpọ nken etibide, emi Ọbọọŋ ayaarade ọnọ nnyin.» 16Ndien mmọ ọsọp adaha akaa obio Betrehem, ekekud Mbedi ma Yosef, ma nsek eyen nte anaade k'usin ndia ufeene. 17Ndien sia mme epeme ufeene ekedikud nsek eyen eken, mmọ ọbuk se eketiŋde ọnọ mmọ abaaŋa eyen eken. 18Ndien idem apa mfifien mmọn se ekekopde se mme epeme edọŋ atiŋde abaaŋa eyen eken. 19Ede Mbedi odop onyuŋ ekere ke esid ese abaaŋa mfifien se mme epeme edọŋ odo eketiŋde. 20Ndien mme epeme edọŋ efiak enyuŋe, enọ Idem-Mbubod ubọọŋ ma itoro ke se mmọ okopde enyuŋ ekudde nsọ nte eketiŋde enọ mmọ.
NSEK-EYEN YISỌS KE EFE-UWA
Luk 2:21-40
21Ekedikem ọyọhọ usen itiaita anaade nte mmọ onum eyen mbobi, mmọ osio eme enyin Yisọs, nsọ ukem enyiŋ okoro enyere ekesiode eme idaha mmọ ika-iyoomoke eme kaŋa.
22Ndien usen edinam Mbedi asana ekedikem nte ibed Muses eketemede, Mbedi ma Yosef adaa nsek-eyen Yisọs ekaa efe-uwa ke obio Yedusedem, eyak eme enọ Idem-Mbubod. 23Nte ewedde ke ibed Idem-Mbubod, mfifien eyen ideeni edede apa eyen, asaana eme eyak enọ Ọbọọŋ. 24Ndien mmọ ada ibomo-nkuku ibaa ma iyen ibiom ibaa ewa uwa ekene nte ibed Idem-Mbubod edede.
SAIMỌN OKUD EDINYAAŊA IDEM-MBUBOD
25Ndien, akwaa owom keen amaodu ke obio Yedusedem emi ekerede Saimọn, enye ekede etiti owom, emi okonyuŋ abaakde Idem-Mbubod, onyuŋ eyem ubọhọ obio Isuel. Ndien Nsasana Sibidid eke odoro eme k'idem. 26Ndien Nsasana Sibidid ama ayaara ọnọ Saimọn ete, ke enye imihi'kud mpa, tutu enye okud Krais Ọbọọŋ emi Idem-Mbubod eke onwuŋọde inọ. 27Ndien enye asaŋa ke Sibidid edi ke itie efe-uwa Idem-Mbubod: ndien Ntaa ma Nne Yisọs eben nsek eyen Yisọs, mbaak mmọ anam eme nte ibed Muses ekedede. 28Ndien Saimọn eben Yisọs akama k'ubọk onyuŋ ọkọm Idem-Mbubod, ete,
29Ọbọọŋ, yak eyen-ufọk fo onyuŋ.
K'ifure nte Ofo eke'dọhọde.
30Sia enyin ni okud edinyaaŋa fo.
31Emi Ofo eketumde k'iso mfifien owom.
32Enye ede unwana eke ayaamade ọnọ mme Yental.
Amaana ede ubọọŋ ntitọọŋ fo, Isuel.
33Yosef ma Mbedi eduke mpaidem ke ntak se Saimọn eke etiŋde abaaŋa Yisọs. 34Saimọn ọdioŋ Yosef ma Mbedi onyuŋ ete Mbedi nne nse, «Idem-Mbubod ama emek eyen eken, mbaak uwak owom ke Isuel eduọŋọ emaana efiak emeene edaa, mbaak enye onyuŋ ede idiọŋọke emi itiŋde ikọọ idian, 35ede ikwaa akaikum upọŋ fo, mbaak ekikere esid uwak owom ayaara.»
IKỌỌ USIAK UDUAK AANA
Luk 2:36-37
36Asiak-uduak Idem-Mbubod keen ekedede ibaani, ekerede Aana, eyen Faneed eke eside ubon Ese, enye ama opon owom ke itua, emi eke ọduŋde ma ebe ese tọtọọŋọ ke ọdọde eme. 37Enye ekede ebepa ke mpọ nte itua anaaŋ ma inaaŋ, enye ikipọŋke iso efe-uwa Idem-Mbubod, ede opono Idem-Mbubod ke uture ndia ma akam k'uweme ma itudoyo. 38Ndien idaha Saimọn ọsuk etiŋde ikọọ ma Mbedi ma Yosef, Anna ọduk edi idaha-idaha ikoro, ọtọọŋọ ọkọm Idem-Mbubod, onyuŋ amaana etiŋ ikọọ abaaŋa eyen okoro ọnọ mfifien owom iken eketiede ebed ufak obio Yedusedem.
YOSEF MA MBEDI AMAANA ONYUŊ AKAA OBIO NASADED
39Ndien sia Yosef ma Mbedi eke-kwere mfifien mpọ nte ibed Idem-Mbubod etiŋde, mmọ afiak onyuŋ akaa idak ukara Kadidi ke obio mmọ ke Nasaded. 40Ndien Yisọs opon ke odudu sibidid, ọyọhọ ma ikike, ndien mfọn Idem-Mbubod onyuŋ ọyọhọ ma eme.
APARA YISỌS ANAM MME NTA IFIỌK ODU KE MPAIDEM
41Ndien ntaa ma nne nse akaa obio Yedusedem mfifien itua, k'idaha ibi uwọrọ ufun.#2:41 Usọrọ uwọrọ ufun 42Yisọs eke ọyọhọ itua duopebaa mmọ adika obio Yedusedem nte ibed ibi uwọrọ ufun ekedede. 43Ndien usen usọrọ eke ekwere, nte mmọ amaanade onyuŋ, apara Yisọs akanade etie ke obio Yedusedem, ndien Yosef ma Mbedi idiọŋọke. 44Ede mmọ ekekere ke Yisọs ekedu ma mmọnido ekekaade k'iso, mmọ onyuŋ asaŋa ofuri usen keen eyem eme k'otu mme imaan ma mme ọdiọŋọ mmọ. 45Sia mmọ ikwe eme, mmọ amaana adaha akaa obio Yedusedem ekeyeem eme. 46K'usen ita imaikibei, mmọ ekekud eme nte etiede k'itie efe-uwa ma mme epeebi-mbed, ọsuk apaŋ utọŋ okop se mmọ atiŋde, onyuŋ ebib mmọ mbiime. 47Idem apa mfifien mmọ se'kempaŋde utọŋ ọnọ apara Yisọs k'utọ ndiọŋọ idem ma nte enye ekekamade ọbọrọọ mme mbiime keen keen. 48Ndien ntaa ma nne nse okudde eme, idem apa mmọ, nne nse ete eme, «Eyen, neso ede ofo anamde nnyin ntee? Ọdiọŋọ ke emi ma ntaa fo ibọ ufen isaaŋa mfifien itie iyem fin.»
49Yisọs ọbọọrọ mmọ, «Nso ede mf'iyemide min? Mf'idiọọŋọke anante aminam utom ufọk Ntaa mmi?» 50Ede ik'nwaŋake mmọ se enye eketiŋde ọnọ mmọ ọwọrọde.
51Ndien enye ekene mmọ onyuŋ akaa Nasaded, onyuŋ osuuk idem ọnọ mmọ, ede nne nse ada mfifien mpọ nken esin ke esid ese. 52Ndien Yisọs akaaiso ọkọdi ke ikike ma idaha, amaana ọdiọdiọŋ ede eyen mfọniso k'iso Idem-Mbubod ma k'iso mmọn owom.
നിലവിൽ തിരഞ്ഞെടുത്തിരിക്കുന്നു:
Luk 2: NKZ
ഹൈലൈറ്റ് ചെയ്യുക
പങ്ക് വെക്കു
പകർത്തുക
നിങ്ങളുടെ എല്ലാ ഉപകരണങ്ങളിലും ഹൈലൈറ്റുകൾ സംരക്ഷിക്കാൻ ആഗ്രഹിക്കുന്നുണ്ടോ? സൈൻ അപ്പ് ചെയ്യുക അല്ലെങ്കിൽ സൈൻ ഇൻ ചെയ്യുക
Nkari Bible by Beyond Translation is licensed under Creative Commons Attribution-ShareAlike 4.0 License.
Luk 2
2
EMANA MA IDAHA UYEN YISỌS
Luk 2:1-7; Matio 1:18-25
1Ke mme usen ikoro imaikibei, ndien adaa ukara ke Rum Akwaa Ọbọọŋ Ọkọstus ọnọ ewuhọ ete, yak ebad mfifien owom ke odorobod. 2Eyem ekede apa ubad owom k'idaha Kwiriniọs eke adade ukara ke Siria. 3Ndien mfifien owom onyuŋ obio mmọ mbaak mmọ abad mmọ.
4Ndien Yosef esi ke obio Nasaded, ke idak ukara Kadidi aka idak ukara Yudia, emi ekedude ke Betrehem obio Defed sia enye ekeside ubon Defed. 5Akaa mmọ abad eme ma Mbedi emi enye ekekọbide ubọk ke ndọ ekesaaŋade ma akwaa nsa idibi. 6Ndien k'idaha Mbedi ma Yosef ekesuk odude kendo nkoro, usen uman Mbedi amaakem enye iman eyen.
7Ndien enye aman Apan ese, onyuŋ ada ọfọŋ awaŋ eme k'idem, onyuŋ esin eme k'usen ndia ufeene sia itie ikiduhe se mmọ onumde eme k'ufọk uduọhọ-udu.
MME EPEME UFEENE MA MME ENYERE
Luk 2:8-20
8Ndien mme epeme ufeene amaodu ke edem inwaŋ ikoro, ọsuk epeme mme ufeene mmọ k'itudoyo. 9Ndien enyere Idem-Mbubod ọbiọŋọde ọnọ epeme ufeene, ubọọŋ Idem-Mbubod onyuŋ ayaama akanade mmọ ọkuk, ndien mbọribọ ọkọọŋi mmọ, umim anam mmọ tutu. 10Enyere Idem-Mbubod ete mmọ, ikibaak sọ umim. Sia mben etiti mbuk akwaa idadesid eke eminyenede mfifien owom nsọk mfo. 11Sia Mfin nken andinyaaŋa amana ke obio Defed ọnọ mfo emi edede Krais, Ọbọọŋ. 12Ndien enyem akaide idiọọŋọ ọnọ mfo, mfika ikud nsek eyen eken ewaŋde ke ọfọŋ nte anaa k'itie usin-ndia ufeene.
13Idaha-idaha ikoro udim mme enyere esi edem-onyuŋ ebiọŋọde ma apa enyere ndien mmọ mfifien etọọŋọ etoro Idem-Mbubod.
14«Itoro enyene Idem-Mbubod k'edem-onyuŋ.
Emem onyuŋ odu k'isọŋ k'otu owom eken enye enende iso ma mmọ.»
15Ndien ekedikem mme enyere imaikidaha iyak mmọ, inyuŋ ke edem-onyuŋ, mme epeme edọŋ ete, «Iyak nnyin ikaa obio Betrehem ik'ise mpọ nken etibide, emi Ọbọọŋ ayaarade ọnọ nnyin.» 16Ndien mmọ ọsọp adaha akaa obio Betrehem, ekekud Mbedi ma Yosef, ma nsek eyen nte anaade k'usin ndia ufeene. 17Ndien sia mme epeme ufeene ekedikud nsek eyen eken, mmọ ọbuk se eketiŋde ọnọ mmọ abaaŋa eyen eken. 18Ndien idem apa mfifien mmọn se ekekopde se mme epeme edọŋ atiŋde abaaŋa eyen eken. 19Ede Mbedi odop onyuŋ ekere ke esid ese abaaŋa mfifien se mme epeme edọŋ odo eketiŋde. 20Ndien mme epeme edọŋ efiak enyuŋe, enọ Idem-Mbubod ubọọŋ ma itoro ke se mmọ okopde enyuŋ ekudde nsọ nte eketiŋde enọ mmọ.
NSEK-EYEN YISỌS KE EFE-UWA
Luk 2:21-40
21Ekedikem ọyọhọ usen itiaita anaade nte mmọ onum eyen mbobi, mmọ osio eme enyin Yisọs, nsọ ukem enyiŋ okoro enyere ekesiode eme idaha mmọ ika-iyoomoke eme kaŋa.
22Ndien usen edinam Mbedi asana ekedikem nte ibed Muses eketemede, Mbedi ma Yosef adaa nsek-eyen Yisọs ekaa efe-uwa ke obio Yedusedem, eyak eme enọ Idem-Mbubod. 23Nte ewedde ke ibed Idem-Mbubod, mfifien eyen ideeni edede apa eyen, asaana eme eyak enọ Ọbọọŋ. 24Ndien mmọ ada ibomo-nkuku ibaa ma iyen ibiom ibaa ewa uwa ekene nte ibed Idem-Mbubod edede.
SAIMỌN OKUD EDINYAAŊA IDEM-MBUBOD
25Ndien, akwaa owom keen amaodu ke obio Yedusedem emi ekerede Saimọn, enye ekede etiti owom, emi okonyuŋ abaakde Idem-Mbubod, onyuŋ eyem ubọhọ obio Isuel. Ndien Nsasana Sibidid eke odoro eme k'idem. 26Ndien Nsasana Sibidid ama ayaara ọnọ Saimọn ete, ke enye imihi'kud mpa, tutu enye okud Krais Ọbọọŋ emi Idem-Mbubod eke onwuŋọde inọ. 27Ndien enye asaŋa ke Sibidid edi ke itie efe-uwa Idem-Mbubod: ndien Ntaa ma Nne Yisọs eben nsek eyen Yisọs, mbaak mmọ anam eme nte ibed Muses ekedede. 28Ndien Saimọn eben Yisọs akama k'ubọk onyuŋ ọkọm Idem-Mbubod, ete,
29Ọbọọŋ, yak eyen-ufọk fo onyuŋ.
K'ifure nte Ofo eke'dọhọde.
30Sia enyin ni okud edinyaaŋa fo.
31Emi Ofo eketumde k'iso mfifien owom.
32Enye ede unwana eke ayaamade ọnọ mme Yental.
Amaana ede ubọọŋ ntitọọŋ fo, Isuel.
33Yosef ma Mbedi eduke mpaidem ke ntak se Saimọn eke etiŋde abaaŋa Yisọs. 34Saimọn ọdioŋ Yosef ma Mbedi onyuŋ ete Mbedi nne nse, «Idem-Mbubod ama emek eyen eken, mbaak uwak owom ke Isuel eduọŋọ emaana efiak emeene edaa, mbaak enye onyuŋ ede idiọŋọke emi itiŋde ikọọ idian, 35ede ikwaa akaikum upọŋ fo, mbaak ekikere esid uwak owom ayaara.»
IKỌỌ USIAK UDUAK AANA
Luk 2:36-37
36Asiak-uduak Idem-Mbubod keen ekedede ibaani, ekerede Aana, eyen Faneed eke eside ubon Ese, enye ama opon owom ke itua, emi eke ọduŋde ma ebe ese tọtọọŋọ ke ọdọde eme. 37Enye ekede ebepa ke mpọ nte itua anaaŋ ma inaaŋ, enye ikipọŋke iso efe-uwa Idem-Mbubod, ede opono Idem-Mbubod ke uture ndia ma akam k'uweme ma itudoyo. 38Ndien idaha Saimọn ọsuk etiŋde ikọọ ma Mbedi ma Yosef, Anna ọduk edi idaha-idaha ikoro, ọtọọŋọ ọkọm Idem-Mbubod, onyuŋ amaana etiŋ ikọọ abaaŋa eyen okoro ọnọ mfifien owom iken eketiede ebed ufak obio Yedusedem.
YOSEF MA MBEDI AMAANA ONYUŊ AKAA OBIO NASADED
39Ndien sia Yosef ma Mbedi eke-kwere mfifien mpọ nte ibed Idem-Mbubod etiŋde, mmọ afiak onyuŋ akaa idak ukara Kadidi ke obio mmọ ke Nasaded. 40Ndien Yisọs opon ke odudu sibidid, ọyọhọ ma ikike, ndien mfọn Idem-Mbubod onyuŋ ọyọhọ ma eme.
APARA YISỌS ANAM MME NTA IFIỌK ODU KE MPAIDEM
41Ndien ntaa ma nne nse akaa obio Yedusedem mfifien itua, k'idaha ibi uwọrọ ufun.#2:41 Usọrọ uwọrọ ufun 42Yisọs eke ọyọhọ itua duopebaa mmọ adika obio Yedusedem nte ibed ibi uwọrọ ufun ekedede. 43Ndien usen usọrọ eke ekwere, nte mmọ amaanade onyuŋ, apara Yisọs akanade etie ke obio Yedusedem, ndien Yosef ma Mbedi idiọŋọke. 44Ede mmọ ekekere ke Yisọs ekedu ma mmọnido ekekaade k'iso, mmọ onyuŋ asaŋa ofuri usen keen eyem eme k'otu mme imaan ma mme ọdiọŋọ mmọ. 45Sia mmọ ikwe eme, mmọ amaana adaha akaa obio Yedusedem ekeyeem eme. 46K'usen ita imaikibei, mmọ ekekud eme nte etiede k'itie efe-uwa ma mme epeebi-mbed, ọsuk apaŋ utọŋ okop se mmọ atiŋde, onyuŋ ebib mmọ mbiime. 47Idem apa mfifien mmọ se'kempaŋde utọŋ ọnọ apara Yisọs k'utọ ndiọŋọ idem ma nte enye ekekamade ọbọrọọ mme mbiime keen keen. 48Ndien ntaa ma nne nse okudde eme, idem apa mmọ, nne nse ete eme, «Eyen, neso ede ofo anamde nnyin ntee? Ọdiọŋọ ke emi ma ntaa fo ibọ ufen isaaŋa mfifien itie iyem fin.»
49Yisọs ọbọọrọ mmọ, «Nso ede mf'iyemide min? Mf'idiọọŋọke anante aminam utom ufọk Ntaa mmi?» 50Ede ik'nwaŋake mmọ se enye eketiŋde ọnọ mmọ ọwọrọde.
51Ndien enye ekene mmọ onyuŋ akaa Nasaded, onyuŋ osuuk idem ọnọ mmọ, ede nne nse ada mfifien mpọ nken esin ke esid ese. 52Ndien Yisọs akaaiso ọkọdi ke ikike ma idaha, amaana ọdiọdiọŋ ede eyen mfọniso k'iso Idem-Mbubod ma k'iso mmọn owom.
നിലവിൽ തിരഞ്ഞെടുത്തിരിക്കുന്നു:
:
ഹൈലൈറ്റ് ചെയ്യുക
പങ്ക് വെക്കു
പകർത്തുക
നിങ്ങളുടെ എല്ലാ ഉപകരണങ്ങളിലും ഹൈലൈറ്റുകൾ സംരക്ഷിക്കാൻ ആഗ്രഹിക്കുന്നുണ്ടോ? സൈൻ അപ്പ് ചെയ്യുക അല്ലെങ്കിൽ സൈൻ ഇൻ ചെയ്യുക
Nkari Bible by Beyond Translation is licensed under Creative Commons Attribution-ShareAlike 4.0 License.