2 कुरिन्थी 13
13
पौलुस आला आखरी चेतवन आउर जोहार
1 #
कन 17:6; 19:15 नोःआँ, पे खेप हेके जब ईङ आपे दुबाःड़े दराईङा। परमेसर आला वचन रे लिखा लअः एदनाआ, “बनहोंड़ चाहे पे-होड़ गोवाह कु आला आहा तरअः जामा कंहड़ी साबुत ठहराव कोआ।” 2जब ईङ दुसरी खेप आपे लोः ताही नेनिंग, ईङ आपे के चेतावन एमा थिलपेईङ आउर नहाअः जब ईङ आपे तरअः लंका रे एदानिया, ईङ आपे के फिन चेतावन एमाअ देपेईङ ची जदि ईङ दोबारा हिजोईंग दो जे पहिल रे पाप तदाकु, आउर एटाअकु जे पाप दाकु, हुंकू के होः ईरिंग बाई कुआ। 3एता लःअय ची आपे नोःआँ रेनअः साबुत नामेआपे ची ख्रीस्त ईङ रे कंहड़ीयाय, हुनी आपे लःअय कमजोर कनियाँ, बकिर सामरथी एदानिया। 4नोःआँ बात सच हेके ची हुनी आला दुर्बलता रअः चलते कुरूस रे राकाःब लियाकु, बकिर नहाअः परमेसर आला समरथ रअः चलते जिवीःड नेनाय। नोःआँ होः सचे एदनाआ ची आबु ख्रीस्त रे कमजोर एदानबुआ, बकिर आले आपे बारे परमेसर आला सकती रेनअः चलते आबु हुनी लोः जिवीःड कोआबु।
5अपन जीव के परीकछा केते नेलेपे ची आपे बिसवास रे एदान पेआ ची कोवान। आपे अपन के गी जाँचाय पे, एतान आपे अपन बारे रे नोःआँ कापे पाड़ीआ ची ईसु ख्रीस्त आपे रे एदानिया? कोवान दो आपे बेकामा आपे। 6बकिर ईङ आला आसरा नोःआँ एदनाआ ची आपे नोःआँ पाड़ीपे ची आबु बेकामा कनिबुआ। 7आउर आले अपन परमेसर तरअः बिनती याले, ची आपे जहान बुराई आलपे के। निआँ लःअय कोवान ची आबु खरा साबितोअ बु, हिना लःअय हिना कामीपे जे बेस एदनाआ। चाहे आबु बेकामा गी नेलोअ बु। 8एता लःअय ची आले सचाई रेनअः बिरोध रे ए-एतान होः ईरले दड़ीआ। आले दो जे कुछ कमीयाले सचाई लःअय गी कमीयाले 9जब आबु कमजोराआबु बकिर आपे सवांगिया आपे दो नोःआँ बारे रे आले खुसो आले। आले नोःआँ बिनती याले ची आपे पुरा सिध जुनोअपे। 10हिना लःअय आपे तरअः लंका ताहिनोअ रे होः ईङ नोःआँ बात के आपे के लिखाअ दाईङ, जब ईङ आपे ताला रे ताहिनोईङ दो ईङ के परभु तरअः एम लआ हक मोताबिक आपे लोः कठोर बे-बेवहार आलु पड़ाअ। एता लःअय ची ईङ लःअय नोःआँ हाक आपे के नसोअ लःअय कोवान बकिर आपे आला अतमिक जिनगी रे बढ़ाअः लःअय भेटाव ताना।
11नहाअः दो हे बोकोकु, ईङ आपे तरअः बिदा एदीअ दाईङ। आपे खुस ताहिन पे सिध बनाअः पे ढाढ़स दोहोय पे मि-मन ताहिन पे, सानती बनाव दोहोय पे। जेकर से ची सानती आउर पेरेम रिनी परमेसर आपे लोः ताहिनोय।
12पबितर मन तरअः हुनी-नुई के जोहार कुपे।
13-14जामे संत कु आला आपे के जोहार। आपे रे परभु ईसु ख्रीस्त आला दया, परमेसर आला पेरेम आउर पबितर आतमा आला संगति आपे जामाकु रे हुयाव एकानोअ।
നിലവിൽ തിരഞ്ഞെടുത്തിരിക്കുന്നു:
2 कुरिन्थी 13: ASR
ഹൈലൈറ്റ് ചെയ്യുക
പകർത്തുക
താരതമ്യം
പങ്ക് വെക്കു
നിങ്ങളുടെ എല്ലാ ഉപകരണങ്ങളിലും ഹൈലൈറ്റുകൾ സംരക്ഷിക്കാൻ ആഗ്രഹിക്കുന്നുണ്ടോ? സൈൻ അപ്പ് ചെയ്യുക അല്ലെങ്കിൽ സൈൻ ഇൻ ചെയ്യുക
© 2023 NLCI CC BY-NC-ND 4.0