गलाती जान-चिनहार
जान-चिनहार
गलाती रअः नुमू पौलुस प्रेरित आला पत्री रेनअः गलाती रअः चिठी पौलुस प्रेरित दोवारा लिखा ताना (1:1 )। नोःआँ चिठी के पौलुस गलातिया रिनकु कलीसिया के ख्रीस्त आला जनम रअः लगभग 48-57 साल रअः ताला रे लिखा लःअय। गलातिया बंसिन्दा कु हुंकू होड़ थिनाकु जे रोमी उपनिवेस गलातिया रे ताहिनोअ केनाकु। बिद्दवान नोःआँ बात रेनअः प्रति निसचित कनिकुआ ची नोःआँ चिठी के लि-लिखा बेरा पौलुस ओकाःड़े ताही नेनाय, बकिर ढेर जादे हुयाव सकाआ इफिसुस आउर कुरिन्थ सहर रेनअः बनाआ। पौलुस गलातिया परदेस रिनकु कलीसिया रिनकु जाहुदी तेकर एटाअ जाईत बनार बरन रिनकु ख्रीस्तीयकु के लछ केते लिखा लःअय। पौलुस खास केते मियांड झुठा सिकछा रअः बि-बिरोध लःअय लिखा लःअय। जेकर रे नोःआँ सिखाव कु केनाकु ची ख्रीस्तीयकु के मारी कनहुन के मनाअ जरूरी एदनाआ, खास केते खतना चिनोअ। ख्रीस्तीयकु आला मियांड खुड़हा जे जुडाईजर्स कहलाअ केना, हुंकू एटाअ जाईत ख्रीस्तीयकु आला ख-खतना रेनअः जोर एमे केनाय। हुंकू पौलुस आला प्रेरिताई रअः हाक रे होः सवाल चिनहा तिंगु लःअय। पौलुस अपन प्रेरिताई रअः बचाव रे अपन खुद लोः घटाव उना घटना के हाटिंग लःअय (1:1—2:4), तेकर बेस खभाईर रअः बचाव रे हुनी बखान केते उदूः लःअय उधार सिरीफ ईसु ख्रीस्त रे बिसवास आगु रे भेटाव कोआ (2:16 )। नोःआँ परमेसर आला मुरुक जादे दया रअः जोअ हेके, ना कि मनवा आला कमी रेनअः।
रुपरेखा
1. पौलुस चिठी रेनअः सुरू गलातिया रअः कलीसिया रेनअः अभिवदन यआते याय।
2. पौलुस अपन सिकछा एमोअ रअः हाक रेनअः बचाव रे अपन पृस्टभूमि मेंसे थोड़ेक बात रअः बखान यआते उदूगेआय ची हुनी कनहुन रअः मोताबिक चलाअ रेनअः भरसाईक कुसिस लःअय, बकिर काय दाड़ी लआ (1:6—2:21)
3. फिन मड़ांग हुनी उधार रेनअः संदर्भ रे कनहुन आउर दया रअः भूमिका रेनअः बखान एमेआय।
4. होना तयोम हुनी मियांड बढ़ियाँ ख्रीस्तीय जिनगी लःअय थोड़ेक सधारन दिसा-निर्देस एमेआय।
5. आखरी रे पौलुस अपन अभिवदन एम यआते तेकर नोःआँ उईहार चीअः यआते ची परमेसर दोवारा मियांड नावाँ होड़ रे बदली योअ बाहरी रिती-रिवाज, जाइसन ची खतना चिनोअ तरअः जादे जरूरी हेके, अपन चिठी के चाबायाय (6:11–18)
നിലവിൽ തിരഞ്ഞെടുത്തിരിക്കുന്നു:
गलाती जान-चिनहार: ASR
ഹൈലൈറ്റ് ചെയ്യുക
പകർത്തുക
താരതമ്യം
പങ്ക് വെക്കു
നിങ്ങളുടെ എല്ലാ ഉപകരണങ്ങളിലും ഹൈലൈറ്റുകൾ സംരക്ഷിക്കാൻ ആഗ്രഹിക്കുന്നുണ്ടോ? സൈൻ അപ്പ് ചെയ്യുക അല്ലെങ്കിൽ സൈൻ ഇൻ ചെയ്യുക
© 2023 NLCI CC BY-NC-ND 4.0