मती 8
8
छेवड़ा रोग लेनि होड़ रआ नपायोः
(मरकुस 1:40–45; लुका 5:12–16)
1ईसु जब पहार एतेन अड़गु लेनय दो अगम होड़ भीड़ हुँनि तयोम सेन लेनाकु। 2हेनेन घनी मियड् छेवड़ा रोग लेनि होड़ हुँनि ठँवरे वेज्लेनय जोटोः हुँनि इकड़ुम कनते कथालअय, “ओय परभु अगर अमः चहाव ओनाम दो इञः सुध कराव सकाविञम।”
3ईसु हुँनि अपन अती ते छुवाँव केते कथालअय, “इञः चहाव ओनाइञ अमः सुध योमी,” हेनेन घनी हुँनि छेवड़ा रोग एतेन सुध यनाय। 4#लेबी 14:1–32ईसु हुँनि कथावा लअय, “चँड़चित दोहोनमी! ओके एडे हों चितानहों अलोम कथाके, बकिन सेन कोते पुरोहित एडे एर ञेलोःमी। नपायोः रआ बारे मुसा जे लेका नियम बनाव तड्अय हेंका भेंट राकाबेमी, ताकि होड़कु तआ गोवाही ठहरावओ चि अमः नपाय यानम।”
मियड् दारोगा रआ सारीयोः
(लुका 7:1–10; जोहन 4:43–54)
5फिन ईसु जब कफरनहूम रे वेज् दोहोलेनय चि मियड् दारोगा हुँनि ठँवरे सोदोरलेनय जोटोः हुँनि एडे नोंका गोहराव लेनय, 6“ओय परभु, इञः रेनि मियड् धँगड़ ओड़ाः रिया हुँनि पयहा तनय जोटोः हुँनि अगम दुख सहव यतेअय।”
7ईसु हुँनि कथावा लअय, “इञः वेज् कोते नपाय याइञ।”
8दारोगा कथा रुवाड़ लअय, “‘ओय परभु,’ इञः नोआँ लायक हों कुनीञा चि अमः इञः ओड़ाः रेम वेजोः। बकिन अमः मी सबद कथायमी हेनेना ते ही इञः रेनि धँगड़ नपाय योओय। 9इञः हों मियड् हकिम रआ ओतेत रे कामेअँइञ। जोटोः इञः रआ ओतेत रे सिपाहीकु कामेअकु जब मिहोंड़ कथा वाइयाइञ, ‘जू!’ दो हुँनि सेनोः अय जोटोः एटाः-ई कथा वाइयाइञ ‘एला!’ दो हुँनि वेजोअय अपन बन्धुवा कथा वाइयाइञ ‘नोआँ कामेमी!’ दो हुँनि करावेअय।”
10ईसु नोआँ अयुम केते तजूक यानय, जोटोः अनेज् तयोम वेजोः अवलाकु कथावा लअय, “इञः आपे सनारी कथावा यतपेअइञ चि इस्राएल रे हों नोंका मजगुत सारीयोःकु कइञ ञेल लिड्कुआ। 11#लुका 13:29इञः आपेञ कथावायना चि, अगम होड़ पुरुब जोटोः पछिम एतेन वेज् कोते अबराहम, इसहाक जोटोः जाकुब सुधा सिरमा राइज रआ भोज रे दुड़ूःअकु। 12#मती 22:13; 25:30; लुका 13:28बकिन राइज रेनकु परजाकु बहरा रआ ञोता रे ढोकलव कुआ। होंडे हुँकू होड़ इयामेआकु जोटोः डटा रेडेजेआकु।”
13ईसु दारोगा कथावा लअय, “अमः जू सेनोःमी जे लेका सारी लेनम हेंका होयावओ।”
जोटोः हेनेन घनी रे हुँनि रेनि धँगड़ नपाय यानय।
ईसु अगम जंडिरा लेनकु नपाय लअय
(मरकुस 1:29–34; लुका 4:38–41)
14ईसु जब पतरस रआ ओड़ाः रे वेज्लेनय दो हुँनि ञेल लिदियय चि पतरस हनहँरते जंडिरा ते गितिग् तनय। 15ईसु हुँनि रआ अती छुवाँव लअय जोटोः हुँनि रआ जंडिरा ञीरयना जोटोः हुँनि बिरीड् कनते हुँकूइ सेवा-सुसार लआ।
16जब बोंगा हसुरोः घनी मुवाँ आतमा ते झपाव लेनकु गोटे होड़ ईसु ठँवरे अगु लिड्कुअकु। ईसु अनेज् रआ बचन ते मुवाँ आतमाकु उडुङ लिड्कुअय जोटोः गोटे जंडिरा लेनकु नपाय लिड्कुअय। 17#जसा 53:4नोंका परमेसर पड़ा एतेन दुखमाय अवला जसायाह रआ नोआँ दुखमा पुराव लेना, “हुँनि अबुन रआ कमजोड़ी अँगाव केदय, जोटोः अबुन रआ गोटा रोग अनेज् तेङ रे गोअ केदय।”
ईसु रआ तयोम सेसेन रआ कीमत
(लुका 9:57–62)
18ईसु अनेज् रआ चइरो कोना होड़ भीड़ ञेल केते समुदार रआ होन होर सेनोः तआ हुकुम एम लअय। 19हिमेन रे मियड् परमेसर रआ बचन सि-सिखावी होंडे वेज् कनते ईसु कथावा लअय, “ओय गुरु, जे एडे अमः सेनाम, होंडे इञः हों अमः रआ तयोम-तयोम सेनाइञ।”
20ईसु हुँनि कथा रुवाड़वा लिदियय, “बुवाःकु तआ अपन लोपाः इदानआँ जोटोः आकास रेनकु ओड़े रआ हों अपन तुका इदानआँ, बकिन मनवाँ होपोन तआ जँगा तीका तआ ठँव हों कोनाआँ।”
21चेलाकु मे से जोटोः मिहोंड़ वेज् कोते हुँनि कथावा लअय, “ओय परभु! पहिल दो सेन कोते इञः बबातीञ इकाएर हार वाइञमी।”
22बकिन ईसु हुँनि कथा रुवाड़वा लिदियय, “इञः तयोम एला,” “गोज् लिनि अपन मुरदा इकाएर हार वाकुमी।”
ईसु अँधी थंभाव लअय
(मरकुस 4:35–41; लुका 8:22–25)
23ईसु सेन कनते डोंगा रे देज् यानय, जोटोः चेलाकु हुँनि तयोम वेज्लेनाकु, 24होना बेरा समुदार रे अगम जोड़ते अँधी बिरीड् लेना, जोटोः हल्फा दाअ् ते डोंगा तेपेड् दोन दोहोलेना। बकिन ईसु ञीदो गोन दोहोनय। 25चेलाकु ईसु एडे सेन कनते कथा लआकु जोटोः बिरीड् लिदियाकु जोटोः कथा लआकु, “ओय परभु! आले बंचाव लेमी!” “आले बुराः गोनाले।”
26ईसु हुँकूइ कथावा लआ, “ओय दरपुरा सारीयोःकु!” “तइन तआ बोरो योनापे?” तब हुँनि तींगु कनते होय जोटोः समुदार रआ दाअ् डपटाव लअय जोटोः झटहेले संत यना।
27नोआँ ञेल कोते हुँकू होड़ तजूक यनाकु, जोटोः कथा बिरीड्लेनाकु, “अखीर नुई चिलकान होड़ हके? होय जोटोः समुदार लहर हों नुई रआ हुकुम मनावओय!”
बारहोड़ मुवाँ आतमा ते जकड़ाव लेनी रआ नपायोः
(मरकुस 5:1–20; लुका 8:26–39)
28ईसु जब समुदार होनहोंर गिरासिनियाँ देस रे सोदोरलेनय, दो बारहोड़ मुवाँ आतमाकु ते झपाव लेनकिन होड़ मरघाट एतेन उडुङ कनते हुँनि ठँवरे वेज् लेनाकिन, हुकिन एतना तेजाव दोहोलेनाकिन चि होना होरा ते ओके हों ककु सेनो गोन दोहोलेना। 29हुकिन घोल बिरीड् लेनाकिन, “ओय परमेसर रेनि होपोन, इञः रआ अमः तुली चितान काम? तना बेरा एतेन पहिल अलिङ सताव तआ नोंडे वेज् तनाम?”
30होंडे एतेन थोड़े संगिञ रे अगम बगरा सुकरीकु रआ मी गोहडा चरावओन दोहोलेनाकु, 31मुवाँ आतमाकु गोहराव कोते ईसु एतेन नोंका कथा लआकु, “अगर अमः आले उडुङ यतलेअम दो सुकरीकु रआ गोहडा रे बिदा लेमी।”
32ईसु हुँकूइ कथावा लआ, “जू सेनोःपे,” तब मुवाँ आतमाकु हुकिन होड़ एतेन उडुङ कनते सुकरीकु एडे सेन समाव यनाकु। जोटोः सुकरीकु रआ गोटा गोहडा ढेरंगा एतेन दोन झपड़व कोते समुदार डहा रे डुबाः गोज्यनाकु। 33सुकरी चरवाहाकु गोटे सहार पड़ाते ञीर केदाकु जोटोः सहार रे सेन कनते होना गोटा दुखमा जे सुकरीकु सुधा जोटोः मुवाँ आतमाकु ते झपाव लेनकिन सुधा जे चिताना चिलकालेना रआ बारे कथा अयुमवा लिड्कुआकु। 34तब गोटा सहार रेनकु होड़ ईसु सुधा जुमावोः तआ बहरा रे उडुङ लेनाकु। जोटोः हुँनि ञेल केते गोहराव कोते कथावा लिदियाकु आले रआ सीमान एतेन सेनोःमी।
നിലവിൽ തിരഞ്ഞെടുത്തിരിക്കുന്നു:
मती 8: BIX
ഹൈലൈറ്റ് ചെയ്യുക
പകർത്തുക
താരതമ്യം
പങ്ക് വെക്കു
നിങ്ങളുടെ എല്ലാ ഉപകരണങ്ങളിലും ഹൈലൈറ്റുകൾ സംരക്ഷിക്കാൻ ആഗ്രഹിക്കുന്നുണ്ടോ? സൈൻ അപ്പ് ചെയ്യുക അല്ലെങ്കിൽ സൈൻ ഇൻ ചെയ്യുക
© 2023 NLCI CC BY-NC-ND 4.0
