मती 9
9
अपङ लेनि नपायोः
(मरकुस 2:1–12; लुका 5:17–26)
1फिन ईसु डोंगा रे दुड़ूः लेनय जोटोः समुदार परोम कोते अनेज् रआ सहार रे वेज्लेनय। 2होनाघनी खटिया रे अपङ लेनी होड़ काइएक झनते अलगाव केते हुँनि ठँवरे अगु लिदियाकु। ईसु हुँकू रआ सारीयोः ञेल कोते अपङ लेनी कथावा लअय, “ओय बाबु डीढेमी! पाप तम माफियना।”
3थोड़ेः एकेन धरम पोथी सि-सिखावकु अपन मन रे सोचाव लआकु, “नुई दो परमेसर रआ निंदा यतेअय!”
4ईसु हुँकू रआ बिचार ठुवा केते कथालअय, “आपे रआ मन रे बुरा बिचार चितान तआपे ओइहर यतेआ? 5सेबह चिताना हके? नोआँ कथाय चि ‘अमः रआ पाप माफ यना,’ चहे नोंका कथाय चि ‘बिरीड्मी जोटोः सेन बेढ़ायमी?’ 6बकिन आपे ठुवायपे चि ओत रे मनवाँ होपोन तआ पाप माफी तआ हाक इदानआँ।” तब ईसु अपङ लेनि कथावा लअय, “बिरीड्मी जोटोः खटिया अलगाव केते ओड़ाः सेनोःमी!”
7तब हुँनि बिरीड् कनते अनेज् ओड़ाः सेनोः यानय। 8हुँनि ञेल केते होड़कु बोरो यनाकु जोटोः परमेसर रआ बड़ाइ लआकु, जे मनवाँकु तआ नोंका हाक एम तदय।
मती रआ रागी
(मरकुस 2:13–17; लुका 5:27–32)
9ईसु होंडे एतेन मड़ाङ सेनोः लेनय दो मती ञुमुन मियड् होड़ मलगुजारी अँगावकु अवला ओड़ाः रे दुड़ुःगोः ञेल लिदियय, जोटोः कथावा लिदियय, “इञः रआ तयोम एला।” हुँनि बिरीड् कनते ईसु रआ तयोम सेनलअय।
10 #
लुका 15:1,2 मुसिञ हुँनि अनेज् चेलाकु सुधा लेवी रआ ओड़ाः रे मंडी जोमोः तआ दुड़ूः लेनाकु, दो होनाअडे अगम मलगुजारी अँगावकु, जोटोः पापीकु वेज् कोते ईसु सुधा मंडी जोम तआ दुड़ूः लेनाकु। 11फरीसीकु नोआँ ञेल केते हुँनि रेनकु चेला एडे कथा लआकु, “आपे रेनि गुरु दो मलगुजारी अँगावकु जोटोः पापी होड़कु सुधा चितान तआ जोमोः ञुयोःयनय?”
12ईसु नोआँ अयुम केते हुँकू कथावा लिड्कुअय, “बढ़ियाँ होड़कु तआ दवहा रआ दरकार कोनाआँ बकिन जंडिरा लेनकु तआ दवहा रआ दरकार होयावओ। 13#मती 12:7; होसे 6:6सेन कोते सिखावओपे चि परमेसर रआ बचन रे नोआँ रआ माने चिताना हके, ‘इञः बलिदान कोवन बकिन माया चहाव ओइञ।’ इञः धरमीकु कोवन पापीकु राअ् तआ वेज् तनाइञ।”
उपासे रआ बारे सवाल
(मरकुस 2:18–22; लुका 5:33–39)
14तब बतिसमा एम अवला जोहन रेनकु चेला ईसु ठँवरे वेज् कनते कथा लआकु, “आले जोटोः फरीसीकु अगम उपासेअले, बकिन अमः रेनकु चेला चितान तआ ककु उपासेए?”
15ईसु हुँकूइ उतारावा लआ, “जब तक बारबाबु संघे इदानियाँ, दो तइन तआ बरातियाकु सोक मनाव केएकु? बकिन होना बेरा वेजो गोना, जब बारबाबु हुँकू एतेन एटागियय होना बेरा उपासेअकु।”
16“ओके हों मारी गेंदराः रे नवाँ ककु पेवाँदेए, चितानतआचि नवाँ सुती गेंदराः पुठुज् कोते मारी गेंदराः जोटोः चीरा केए हेनते पहिल एतेन जोटोः बेसते चीरा कोओ। 17जोटोः होड़कु मारी छेवड़ा रआ थइलाः रे नवाँ अँगुर रास ककु दोहोया, कोवन दो मारी छेवड़ा रआ थइलाः चीरा एंडायय जोटोः अँगुर रआ रास बेकार कोओ, हिनाते होड़कु नवाँ अँगुर रास नवाँ थइलाः रे दोहोयाकु। नोंकय रे बनार बंचावओ।”
गोज् लेनी कुड़ी जोटोः जंडिरा लेनी लंञी
(मरकुस 5:21–43; लुका 8:40–56)
18ईसु हुँकू तुली दुखमा ही यते दोहोनय, चि मियड् हकिम होंडे सोदोरलेनय, जोटोः हुँनि ईसु रआ जँगा दुबा रे इकड़ुम कोते नोंका अरजी केते कथालअय, “नहाः-नहाः इञः रेनि कुड़ी होपोनिञ गोज् यनाय, एला हुँनि तेङ रे अती दोहोयमी जोटोः हुँनि जीवेड् दोहोन।”
19ईसु बिरीड् कनते अनेज् चेलाकु तुली हुँनि तयोम सेनलेनय।
20होनाघनी मियड् लंञी, जे बराह बरीस एतेन मयाम तुयोः अवला रोग ते परेसान लेनी लंञी दोहोलेना, हुँनि ईसु रआ तयोम एतेन सेन कनते हुँनि रआ जिलिङ चोगा रआ अँचड़ा रे छुवाँव लअय। 21चितानतआचि हुँनि मन ही मन सोचाव यते दोहोनय, “अगर इञः हुँनि रआ जिलिङ चोगा भाइर छुवाँव बेजा याइञ दो नपाय योओइञ।”
22ईसु घुमराव कनते हुँनि ञेल लिदियय जोटोः कथावा लिदियय, “मइयाँ, डीढेमी! अमः रआ सारीयोः ते अमः नपाय यनाम।” जोटोः हुँनि लंञी झटहेले हेनेन घनी नपाय यानय।
23ईसु जब हकिम रआ ओड़ाः रे सोदोर कनते मुरली स-सडी अवलाकु जोटोः होंडे मुरुक रौवा-बौवा इयाम जोटोः घो-घोल ञेल लिड्कुअय 24जोटोः कथावा लिड्कुअय, “सेनोःपे! कुड़ी ञीदो गोनय काय गोज् तना!” नोआँ अयुम केते होड़कु हुँनि लंदावा लिदियाकु। 25होड़ भीड़ जब बहरा उडुङ लिड्कुअय, तब ईसु भीतारे बोलो लेनय जोटोः कुड़ी रआ अती सब् लिदियय जोटोः बिरीड् तींगु यानय। 26नोआँ दुखमा रआ चरचा होना पहटा रे चइरो कोना फयलावयना।
बरिया अँधराकिन ञे-ञेल नकिन
27ईसु होंडे एतेन मड़ाङ सेनलेनय, दो बरिया अँधराकिन नोंका हकाव केते हुँनि रआ पीछा लआकिन, “ओय दाऊद रेनि बंसज, अलिङ तेङ रे मया योमी।”
28जब ईसु ओड़ाः सोदोरलेनय, दो हुकिन बनार अँधरा हुँनि ठँवरे वेज् लेनाकिन। ईसु हुकिन सोधव लअय, “चिताना अबन सारी योनाबन चि इञः नोंका कराव बुजा केएञ?”
हुकिन “आँ परभु!” मेनकेते कथा रुवाड़ लआकिन।
29ईसु हुकिन रआ मेड् छुवाँवेते कथालअय। “जे लेका अबन सारी योआबन, हेंका अबन तआ होयावओ!” 30हुकिन रआ मेड् नपाय यना जोटोः ईसु हुकिन चेताव केते कथावा लिड्किनय, “चँड़चित दोहोनबन ओके हों नोआँ दुखमा अलोकु ठुवाके।” 31बकिन हुकिन उडुङ कनते गोटा देस रे हुँनि रआ ञुमुन फयलाव केदाकिन।
मियड् कोंदा नपाय लअय
32जब हुँकू बहरा उडुङोन दोहोलेनाकु दो ञेलेपे होड़कु मियड् होड़ जेकर एडे मुवाँ आतमा दोहोलेना हुँनि ईसु ठँवरे अगु लिदियाकु। 33ईसु मुवाँ आतमा उडुङ लअय तब कोंदा होड़ दुखमा लेनय, होड़कु तजूक कनते कथा लआकु, “आले नोंका इस्राएल रे चिन-चमतकर कहियो कले ञेल दोहोलआ।”
34 #
मती 10:25; 12:24; मर 3:22; लुका 11:15 बकिन फरीसीकु कथायते दोहोलेना, “नुई मुवाँ आतमाकु रेनि नेता रआ सहाड़ा ते मुवाँ आतमाकु उडुङ कुआय।”
बन्हियार थोड़ेः केनाकु
35 #
मती 4:23; मर 1:39; लुका 4:44 ईसु होना पहटा रआ डीही-डीही जोटोः सहर-सहर दड़ाँ इञोः लेनय जहुदीकु रआ बिनती ओड़ाः रे सिछा एम यते दोहोलेनय, परमेसर रआ राइज रआ बढ़ियाँ दुखमा परचार यते दोहोनय, होड़कु रआ जंडिरा जोटोः गोटा लेकन कमजोड़ी नपाय याते दोहोनय। 36#लेखा 27:17; 1 राजा 22:17; 2 इति 18:16; हेज 34:5; मर 6:34ईसु भीड़ ञेल केते हुँकू तेङ रे सोगव लेनय, चितानतआचि हुँकू जेकर चरवाहा कुनीकुआ अड् भीडी लेका सताव लीड्कु जोटोः बे-सहारा दोहोलेनाकु। 37#लुका 10:2ईसु अनेज् चेलाकुइ कथावा लआ, “खेती दो अगम पकराव लेना इदानआँ बकिन इरोः अवला बन्हियारकु थोड़ेः केनाकु। 38हिना तआ खेत रेनि मुवार एतेन बिनतीपे चि हुँनि अपन रआ खेती ईर तआ बन्हियार बिदाकु।”
നിലവിൽ തിരഞ്ഞെടുത്തിരിക്കുന്നു:
मती 9: BIX
ഹൈലൈറ്റ് ചെയ്യുക
പകർത്തുക
താരതമ്യം
പങ്ക് വെക്കു
നിങ്ങളുടെ എല്ലാ ഉപകരണങ്ങളിലും ഹൈലൈറ്റുകൾ സംരക്ഷിക്കാൻ ആഗ്രഹിക്കുന്നുണ്ടോ? സൈൻ അപ്പ് ചെയ്യുക അല്ലെങ്കിൽ സൈൻ ഇൻ ചെയ്യുക
© 2023 NLCI CC BY-NC-ND 4.0
