য়হোশু 16
16
এফ্রাইমহা দিব্যা কাটুকো মনশ্শেহিংপা জায়গা মুংচাওয়া
1য়োসেফকো সন্তানকো মুংচাওয়া মোংটোকো লুংবিহা ম্যাম্যা কাটুকো য়রিহোকো আবেই, আকো তি নুইওয়াকো আবেইতা নিওয়া, য়র্দনসো শুরু জিংমসা চিচ্চোওয়া জায়গা চোইপা দেকামগা। আকুহা য়রিহোসো য়ুতা লাগাকো দেশতা বেথেল চোইপা দেকামগা। 2বেথেলসোহা লুজ জিংমসা অরকিবিকো যুংওয়া অতারথ-অদ্দার চোইপা দেকায়ে। 3আকো নোইতাহা দিব্যা কাটু য়ল্পেতিবিকো জায়গা লেতা বেথ-হোরোন চোইপা দেকামগা। আকুসোহা গেজের চোইপা দেকামসা আকুহা ভুমধ্য ঝাহাদিতারাং ত্যইপুয়ে। 4য়োসেফকো সন্তান এফ্রাইম আসা দিব্যা মনশ্শেকো জিরিবিহা ই জায়গাহা সম্পত্তিকো মিংতা মুংচায়ে। 5এফ্রাইম তাওয়া প্যাপাম্যামাবিকো জায়গাহা আবিকো অতারোত-অদ্দারকোসো নুব্যা কাটুকো তোইতা বেথ-হোরোন জিংমসা 6ভুমধ্য ঝাহাদি চোইপা হ্যাচাংমি। দ্যাম্যা কাটুহা মিক্মতাত, আকো নুব্যা কাটুকো লুংবি তানত-শীলো কাটুসো হুরাপুমসা, আকুহিং পেংপুমসা য়ানোহকো নুব্যা কাটু দেকামগা। 7আসা আকু য়ানোহসো আকুহা লেতা অতারোত আসা নারা কাটুসো লেতা জিংমপুমসা য়রিহো দেকামগা আসা য়র্দনতারাং ত্যইপুমগা। 8লুংবি তপ্পুহসোহা দিব্যা কাটুকো কনাকো হোক্রা চোইপা দেকামসা ভুমধ্য ঝাহাদিতা দেকামসা ত্যইপুমগা। এফ্রাইম জিরিকো প্যাপ্যাম্যাম্যাবিহিংয়া আবিকো পুংজি তামসা পিচাওয়া জায়গাহা ইরাংগা। 9আকুহিংপাহা মনশ্শেকো লুংবিকো নাপো পরেওয়া ইচো নিহসো শহরবি আসা লোইবিরে এফ্রাইমিবিহিং পিচাওয়া নিমগা। 10আদো গেজেরতা য়ুংওয়া কনানীবিহিংয়া আবিহা মাঘিইতো আসা হিনি চোইপা কনানীবিহা এফ্রাইমিবিহিংপা য়ুংদিংমি নিও, আদো আবিহিংয়া ডেইয়া ডেইয়ামেবি জিংমসা করসো কাম জোনেমি নিও।
നിലവിൽ തിരഞ്ഞെടുത്തിരിക്കുന്നു:
য়হোশু 16: TXO
ഹൈലൈറ്റ് ചെയ്യുക
പകർത്തുക
താരതമ്യം
പങ്ക് വെക്കു
നിങ്ങളുടെ എല്ലാ ഉപകരണങ്ങളിലും ഹൈലൈറ്റുകൾ സംരക്ഷിക്കാൻ ആഗ്രഹിക്കുന്നുണ്ടോ? സൈൻ അപ്പ് ചെയ്യുക അല്ലെങ്കിൽ സൈൻ ഇൻ ചെയ്യുക
2026 Bible Society of India in association with India Evangelical Mission