য়হোশু 15
15
য়হুদাকো মুংচাওয়া জায়গাবি
1য়হুদাকো জিরিকো দিংঙাবিহা আকু জায়গাকো এক ভাগ মুংচায়ে।
আকু জায়গাহা ম্যাম্যা কাটুকো এদোমকো লুংবিতা নিওয়া জীনকো চিচ্চোওয়া জায়গা চোইপা নিমগা। 2আকো ম্যাম্যা কাটুকো লুংবিহা সিপুওয়া ঝাহাদিকো চেব্রেসো শুরু জিংমসা 3ম্যাম্যা কাটু অক্রব্বীমকো #15:3 অক্রব্বীম অক্রব্বীম তাওয়াহা নিহসো য়্যাগ্যইকো প্যাকোকো ওয়াংবোইকো সমান জায়গাহিং জাংমগা। ওয়াংবোইসোহা জীন চোইপা পরেমগা, আকুহা কাদেশ-বর্নকো ম্যাম্যা জিংপুমসা হেস্রোন হুইতেমসা অদ্দার চোইপা য়ুতা হোপুমগা, আউতা দেকামসা কর্কা কাটুসো হুরাপুমগা, 4আসা অজ্মোন দেকামগা আসা আউসোহা মিশ্রকো জোরাকো লুংবি জিংপুমসা ভুমধ্য ঝাহাদি চোইপা দেকামগা। আকো লুংবিহা আউতারাং ত্যইপুমগা, আকুরাং য়হুদাকো ম্যাম্যা কাটুকো লুংবি নিমগা। 5আবিকো নুব্যা কাটুকো লুংবিহা সিপুওয়া ঝাহাদিকো আরিসোহা আকু জায়গা চোইপা বেইপুওয়া নিমগা, হাংতা য়র্দন জোরা, সিপুওয়া ঝাহাদিতারাং বোসুমমে।
আবিকো দ্যাম্যা কাটুকো লুংবিহা আকু জায়গাসোরাং শুরু জিংপুওয়া নিমগা, হাংতা য়র্দন জোরা সিপুওয়া ঝাহাদিতারাং বোসুমমে। 6আকুহা বেথ-হোগ্লা জিংমসা, য়র্দন ওয়াংবোইকো তোইকো য়্যাগ্যইকো কাটুসো জিংপুমসা হোপুমি, আকু য়্যাগ্যইসোহা য়র্দন ওয়াংবোইহিং তিংমগা। আউসোহা আকু লুংবিহা বোহনকো লুংটুই চোইপা দেকামগা। (বোহনহা রুবেনকো ইচো চেংওয়া নিমগা।) 7বিপত্তিকো ওয়াংবোইসোহা দবির চোইপা দেকানুওয়া আকু লুংবিহা দ্যাম্যা গিলগাল কাটুসো হুরাপুমগা আসা গিলগালকো আবেইতা নিওয়া ওয়াংবোইকো ম্যাম্যা কাটুতা নিওয়া অটুম্মিমকো ওয়াংবোই চোইপা পরেমগা। আকো নোইতাহা আকুহা এন-শেমেশ তিকো পাটিং জিংপুমসা এন-রোগেল চোইপা পরেমগা, 8আসা আউসো য়ুতা হোমসা য়বুসিবিকো শহর য়রুশালেম নিওয়া য়্যাগ্যইকো ম্যাম্যা কাটুসো জিংপুমসা হিন্নোমকো ওয়াংবোইকো প্যাকো জিংপুমসা হোপুমগা। আকো নোইতাহা লুংবি হিন্নোম ওয়াংবোইকো দিব্যা ভাগ কাটুকো জুং জুং জিংপুমসা হোপুমগা, হানি রপাইবিকো ওয়াংবোইকো দ্যাম্যা কাটু পরেমমে। 9আউসোহা লুংবি নেপ্তোহকো তিকো পাটিং জিংপুমসা, এপ্রোন য়্যাগ্যইকো আবেইকো শহরবি জিংপুমসা হোপুমগা। আউতাহা আকু বালা (অর্থাৎ ক্রিয়াত-য়ারিম) কাটুসো হুরাপুমসা 10বালাকো দিব্যা কাটুকো ফেরো মারি সেইরকো য়্যাগ্যই কাটুতা হোপুমগা। আকো নোইতাহা দ্যাম্যা কাটুতা য়ারিম (অর্থাৎ কসালোন) লাগা দেকামসা আকুহা লেতা বেথ-শেমেশ কাটুতা দেকামগা আসা তিম্না পেংপুমসা হোপুমগা। 11আউসোহা লুংবিহা এক্রোনকো দ্যাম্যা য়্যাগ্যইতা দেকামগা আসা শিক্করোন কাটুতা হুরামসা বালা য়্যাগ্যইহিং পেংপুমসা য়ব্নেলতা দেকামগা। আকুহা ভুমধ্য ঝাহাদিতা দেকামসা ত্যইপুমগা। 12হানি আকো দিব্যা লুংবি নিমমে। ই লুংবিকো প্যাকোতাহা য়হুদাকো প্যাপ্যাম্যাম্যাবি য়ুংমগা।
কালেবহা দবির আসা হেব্রোনহিং জিয়োওয়া
13পরমপ্রভুহা য়হোশুহিং জাংমি ত্যাবাপা য়হুদাকো দেশকো ইচো ভাগ য়হুদাকো দিংঙাবি য়পুন্নেকো চেংওয়া কালেব মুংচায়ে। আকুহা অনাককো আপা অর্বাকো শহর হেব্রোন মুংচায়ে। 14আকু শহরসোহা অনাককো চেংওয়া শেশৌ, অহিমন আসা তল্মৈ চিমাবিহিং কালেবহা ঘীপুয়ে। 15আউসোহা আকুহা দবিরতা য়ুংওয়া দিংঙাবিকো তোইতা আক্রমন জোয়ে। (ই শহরহিংয়া কির্য়ত-সেপের তামগা।) 16কালেবহা জাংয়ে, “হাংসু কির্য়ত-সেপেরহিং কব্জা জো, আকুহিংয়া কা কুং চেমে অক্সাহিংপা বিয়ৌ জোপিরোওয়া।” 17কালেবকো এ কনজকো চেংওয়া অৗত্নিয়েলহা শহর কব্জা জোয়ে আসা কালেবহা আপনিকো চেমে অক্সাহিংপা বিয়ৌ জোপিয়ে। 18বিয়ৌকো দিনতাহা অৗত্নিয়েলহা আপনিকো মেহিং আপাকোতা আইংটি মোংটো য়াপায়ে। আকুহা আপনি বাইওয়া গাধাসো উইয়ে আসা কালেবহা আকুহিংয়া উইয়ে, “নাতিহা হাং য়াকোগা?” 19আকুহা জাংয়ে, “কাহিংয়া ইচো উপহার পিচা। নাতিহা কাহিং ম্যাম্যা কাটুকো আইংটি জায়গা পিচাওয়াকো সোতা কাহিংয়া নেহা তিকো পাটিংবিরে পিচা।” আত্রংহা আকুহা আকুহিংয়া তোইকো আসা লিকো তিকো পাটিংবি পিচায়ে।
য়হুদাকো জায়গা
20য়হুদাকো জিরিকো দিংঙাবিহা আপনিকো পুংজিকো রুপতা মুংচাওয়া জায়গাহা ইরাংগা। 21ম্যাম্যা কাটুতা তাংসারোমা তানাংতা এদোমকো লুংবিকো আবেইতা আকো শহরবিকো মিংবিহা ইরাংগা: কব্সেল, এদের, জাগুর, 22কিনা, দিমোনা, অদাদা, 23কেদেশ, হাসোর, য়িত্নান, 24জীপ, তেলেম, বালোত, 25হাসোর-হাদত্তা, ক্রিয়োত-হেস্রোন (অর্থাথ, হাসোর), 26অম্মাম, শেমা, মোলাদা, 27হসর-গদ্দা, হেস্মোন, বেথ-পালেত, 28হসর-শুয়াল, বের্শবা, বিজ্য়োত্য়া, 29বালা, ইম, এসেম, 30এল্তোলত, কসিল, হোর্মা, 31সিগ্লোগ, মদ্মন্না, সন্সন্না,
32লবাওত, শিল্হিম, এইন আসা রিম্মোন। জম্মা উনত্রিশ সোরা শহরবি আসা আকো হুরাপা লোইবিরে নিমগা।
33লাগাকো লিতা নিওয়া শহরবিহা এশ্তোল, সোরা, অশ্না, 34জানোহ, এন-গন্নিম, তপ্পুহ, এনাম, 35য়র্পুত, অদুল্লাম, সোকো, আজেকা, 36শারৈম, অদিতৈম, গদের আসা গেদোরেতেম, ই চৌদ্দ আসা ইহিংপাহা আকো হুরাপা শহরবিরে নিমি।
37সনান, হদাশা, মিদ্লাদ, 38দিলান, মিস্পা, য়োক্তেল, 39লাকিশ, বোস্কোত, এগ্লোন, 40কোব্বন, লহমাস, কিতলিশ, 41গদেরোত, বেথ-দাগোন, নামা আসা মক্কেদা – ই ষোল্লোরা শহরবিরে হুরাপা লোইবিহিংপা নিমি।
42লিব্না, এতের, আসান, 43য়িপ্তাহ, অস্না, নসিব, 44কিলাহ, অক্জিব আসা মারেশা, ই কুচো শহরবিরে হুরাপা লোইবিহিংপারাং নিমি।
45আকো শহরবি আসা লোইবিহিংপা এক্রোন 46আসা আউসোহা ভুমধ্য ঝাহাদি চোইপা অশ্দোদ আবেইকো তাংসা শহরবি আসা লোইবিরে নিমগা।
47অশ্দোদ আসা গাজা, লোই আসা শহরবিপারাং, হানি মিশ্রকো লুংবিতা নিওয়া মিশ্রকো হোক্রা আসা ভুমধ্য ঝাহাদিকো আরি চোইপা দেকামি নিমমে।
48লাগাকো লোইকো শহরবি শামির, য়ত্তির, সোকো, 49দন্না, কির্য়ত-সন্না (অর্থাৎ দবির), 50অনাব, এস্তোমহ, অনিম, 51গোসেন, হোলোন আসা গোলোহ, ই এগারো আসা হুরাপা নিওয়া লোইবিপারাং নিমি।
52অরব, দুমা, এশান, 53য়ানুম, বেথ-তপ্পুহ, অপেকা, 54হুম্তা, হেব্রোন আসা সিওর, ই কুচো শহর কাটুকো লোইবিপারাং নিমি।
55মাওন, কর্মল, জিব, য়ুত্তা, 56য়িজরেল, য়োক্দাম, জানোহ, 57কৈন, গিবা আসা তিম্না, ই ত্যাচো শহর কাটুকো লোইবিপারাং নিমি।
58হল্হুল, বেথ-সর, গদোর, 59মারাত, বেথ-আনোত আসা এল্তকোন, ই টুচো শহর কাটুকো লোইবিপারাং নিমি।
60ক্রিয়াত-বাল (অর্থাথ ক্রিয়াত-য়ারিম) আসা রব্বা, ই নিহসো শহররে ই তাংসা লোইবিহিংপারাং নিমি।
61চিচ্চোওয়া জায়গাতা বেথ-অরাবা, মিদ্দিন, সকাকা, 62নীকো শহর নিব্শন আসা এন-গদি, ই টুচো শহরকো হুরাপাহা লোইবিপারাং নিমি।
63আদো য়হুদাকো সন্তানহা য়রুশালেমতা য়ুংওয়া য়ুবুসিবিহিং ঘীকো মাছুতো। আকু য়বুসিবিহা হিনি চোইপা আউতারাং য়ুংদিংমি নিও।
നിലവിൽ തിരഞ്ഞെടുത്തിരിക്കുന്നു:
য়হোশু 15: TXO
ഹൈലൈറ്റ് ചെയ്യുക
പകർത്തുക
താരതമ്യം
പങ്ക് വെക്കു
നിങ്ങളുടെ എല്ലാ ഉപകരണങ്ങളിലും ഹൈലൈറ്റുകൾ സംരക്ഷിക്കാൻ ആഗ്രഹിക്കുന്നുണ്ടോ? സൈൻ അപ്പ് ചെയ്യുക അല്ലെങ്കിൽ സൈൻ ഇൻ ചെയ്യുക
2026 Bible Society of India in association with India Evangelical Mission