ലക്ഷ്യം നിറഞ്ഞ ഒരു ജീവിതം നയിക്കുക!ഉദാഹരണം

"വിജയകരമായ ബന്ധങ്ങളുടെ താക്കോലുകൾ"

ഒരു സുഹൃത്തിനോടോ, കുടുംബാംഗത്തോടോ, ജീവിതപങ്കാളിയോടോ, അല്ലെങ്കിൽ ദൈവത്തോടുപോലുമുള്ള ബന്ധത്തെ വിജയത്തിലെത്തിക്കുന്നതിന് രണ്ട് അടിസ്ഥാന ഘടകങ്ങളുണ്ട്: അവ വ്യക്തികൾക്കിടയിൽ പങ്കിടുന്ന സ്നേഹവും വാത്സല്യവും, പിന്നെ ആ സ്നേഹത്തെ പ്രവൃത്തിയിൽ കൊണ്ടുവരുന്നതും ആണ്.

യഥാർത്ഥ സ്നേഹത്തോടുകൂടെ എപ്പോഴും പ്രവൃത്തിയുമുണ്ടാകുന്നു എന്നതാണ് സത്യം; ഒരു യഥാർത്ഥ സുഹൃത്ത് മറ്റൊരാൾ ആവശ്യത്തിൽ ആയിരിക്കുന്നുവെന്ന് കണ്ടാൽ സഹായിക്കും. ദൈവത്തോടുള്ള നമ്മുടെ ബന്ധത്തിലും ഇത് സത്യമാണ്. ദൈവത്തോടുള്ള യഥാർത്ഥ സ്നേഹത്തിൽ പ്രവൃത്തിയുമുണ്ടാകുന്നു; നമുക്ക് ചുറ്റുമുള്ളവരുടെ ജീവിതത്തെ സ്പർശിച്ചുകൊണ്ട് ദൈവത്തിന്റെ ഹൃദയത്തെ സ്പർശിക്കുന്നു.

മറ്റുള്ളവരുമായുള്ള നമ്മുടെ ബന്ധം പരമാവധി പ്രയോജനപ്പെടുത്തുന്നത് ദൈവവുമായുള്ള നമ്മുടെ ബന്ധത്തിൽ നിന്നാണ്. വാസ്‌തവത്തിൽ, മറ്റുള്ളവരുമായുള്ള നമ്മുടെ ബന്ധങ്ങൾ ദൈവവുമായുള്ള നമ്മുടെ ബന്ധത്തിന്റെ വിപുലീകരണമായിരിക്കണം എന്ന് ദൈവം ആവശ്യപ്പെടുന്നു. യേശു പ്രകടിപ്പിച്ച ബൈബിളിലെ ഏറ്റവും വലിയ രണ്ട് കൽപ്പനകൾ പരിഗണിക്കുക:

“നിന്റെ ദൈവമായ കർത്താവിനെ നീ പൂർണ്ണഹൃദയത്തോടും പൂർണ്ണാത്മാവോടും പൂർണ്ണമനസ്സോടും പൂർണ്ണശക്തിയോടും കൂടെ സ്നേഹിക്കേണം, എന്നു ആകുന്നു. രണ്ടാമത്തേതോ: “കൂട്ടുകാരനെ നിന്നെപ്പോലെ തന്നേ സ്നേഹിക്കേണം” എന്നത്രേ; ഇവയിൽ വലുതായിട്ടു മറ്റൊരു കല്പനയും എല്ല എന്നു ഉത്തരം പറഞ്ഞു.” മർക്കൊസ് 12:30-31

വിശ്വാസികൾ എന്ന നിലയിൽ, ദൈവത്തോടുള്ള നമ്മുടെ ലംബമായ ബന്ധവും പരസ്‌പരമുള്ള നമ്മുടെ തിരശ്ചീന ബന്ധവുമാണ് ദൈവത്തെ സംബന്ധിച്ചിടത്തോളം ഏറ്റവും പ്രധാനപ്പെട്ടവ – അതായത് ദൈവത്തെ സ്നേഹിക്കുകയും മറ്റുള്ളവരെ സ്നേഹിക്കുകയും ചെയ്യുക.