Yoana 21-ын алдартай Библийн эшлэлүүд

Хуваалцах

Mbe wejire bamara okurya, Yesu nabu:sya Simoni Petero ati, Simoni wa Yona, ?ounyenda kukira banu? Namubwira ati, Yee, Ratabugenyi, awe umenyere ati enikwenda. Namubwira ati, Ri:syaga aba:na ba jina:ma jani. Namubu:sya rindi ati, Simoni wa Yona, ounyenda? Namubwira ati, Yee, Ratabugenyi, awe umenyere ati enikwenda. Namubwira ati, Re:baga jina:ma jani. Namubu:sya orwa kasatu ati, ?Simoni wa Yona, ounyenda? Petero nasurumbara okuba amubu:sya orwa kasatu ati, ?Ounyenda? Namubwira ati, Ratabugenyi, awe umenyere byone. Umenyere ati enikwenda. Yesu namubwira ati, Ri:syaga jina:ma jani.

Ni cimari cimari enikubwira ati, Anu wariga ucari mumura, we:boyaga nugenda enu wendaga. Nawe ariba wakokora, urigorora amaboko gao, oundi arikuboya, nakusira enu utakwenda.

Nababwira ati, Mwese omujarifu orubara rwe buryo orwo bwato, omujo:kwita. Mbe nibe:sa, nibatamibwa okukurura kurwa jiswi okufura.

Simoni Petero nababwira ati, Naja okutega. Nibamubwira ati, Neswe one ecigenda na:we. Nibagenda nibasyabara mu bwato. Mu ngeta eyo bate:tire ci:nu.