CHISƆSI 'A SƆ MƆƐ NU 1-ын алдартай Библийн эшлэлүүд

Хуваалцах

Chɛɛ wo e gbasaya ma sɔn‑da wan, ni Yataa Nyina chɛ bea‑a wo fɛ. A tima chɛ a, wo e a ɔ yian‑da wan mɔɛ n na, wo‑a min dɔ sɔn, a si n ma. Wo e a ɔ yian‑da wan mɔɛ n na Chuusaɛn duu ɔ, wo ni a ɔ yian Chudia chɛnyɛ tɔɛ gbu gbɛɛ ɔ, ni Samayia chɛnyɛ ɔ, a che kan kɔ kan dunya gbɛɛ ɔ.”

Mbɛ Chisɔsi ɔ te, “Fa Yataa dɔndɔ gbe an mbe kun a ni a ɔ bɛn, ni an koe chɛ n mbe ma tima miin na. A sin, wo ta ɔ ma chɛ a, a ɔ sɔn koe a, ni an mbe ma tena tima miin na.

An bɛ ni wan tima dɔndɔ a daun chɛ tena, mbɛ a‑a dasi be an ma, a ɔ, “Wo ma bɔ Chuusaɛn duu ɔ, chɛɛ wo fen chɛ ma kɔn, Fa Yataa‑a wo too ɔ dia min be koe a wo ma. N na‑a a wakoe ɔ yian fan wo a, mbɛ Chɔn ni yii an chɛ wo kunɛ ɔ, Yataa chia a. Chɛɛ tee kuunden tɛ ɔ, Yataa ɛ a ma‑a wan, a Nyina ni bea wo fɛ.”

A ka Chisɔsi fa tee ma, aan tee bi naanin tɛ, chia sɛsɛ a, a‑a a wandi yian fan a 'a sɔ mɔɛ chɛ n na, tima sɛsɛ ko a. Chɛ ni a ma, an ni dan a a, mbɛ a ɛ wan to fɔɛ ɔ. A‑a a ma wan, mbɛ an‑na a ma gbɛ gbadan, a sin to, an‑na chia ɔ bɔɛ chɛ wan, a si Yataa 'a mansaya ma.

Chɛ fɔenɛ gbakɔ, a 'a sɔ mɔɛ n ya to‑a wan a a, aan a ya‑a a sɛ banda bu ɔ. Mbɛ a don‑da dingbii ɔ, a tuin‑da an ya a.

An ya a sien fan ni tun banda chɛ a, a taen chɛ gbakɔ. Mbɛ a yen ko, mɔ kaima fea n mbe sɔ ɔ an baima, an ma chiienɛ ɛ doma gbɛ wa ɔ. Mbɛ mɔ fea chɛ n dɔ, “Kadidi mɔɛ nu, fen mu wo e sɔ ɔ banda a fɛn‑da tidan? Chisɔsi chɛ, Yataa sɛ‑a ka min na banda bu ɔ, ɛ na‑a wan to mɔya chɛ ɔ, yɔ wo‑a a yen ka buɛ min dɔ sɛ‑a banda bu ɔ.”