CHISƆSI 'A SƆ MƆƐ NU 2-ын алдартай Библийн эшлэлүүд

Хуваалцах

Mbɛ Pita ɔ, “Wo gbɛɛ wo wo kan kɔ sɔ wo 'a ko yama n na, mbɛ nn‑na yii chɛ wo kunɛ ɔ, Chisɔsi Chasi tɔɛ ɔ, min mbe a ma, Yataa ni a boo bɔ wo 'a ko yama n dɔ. Ni wo‑a chɛ ma, Yataa ɛ a ma‑a wan, a Nyina ni bea wo fɛ.

Chɛ gbakɔ, mɔɛ chɛ n‑na an too ma sɔ wan kanɛ ma, Chisɔsi 'a sɔ mɔɛ chɛ n ni min chɛ, a si Yataa wakoe ma. Kuiɛ a kanɛ ni wan to an gbɛɛ tɛ ɔ, a sin, an ni daunɛ chɛ wan kaina dɔndɔɛ tima ɔ tima ko a. An ni bɛn fan to tima ɔ tima ko a, samun chɛ koe a. An‑na an 'na tima gbɛɛ be wan, koe chɛ n gbɛɛ ma koe a.

Yataa Nyina ni wan gbɛ an gbɛɛ fɛ gban, mbɛ an‑na a kuu sɔ koɔ‑a chɛnyɛ koɛ dɔ mende n dɔ. Yataa Nyina chɛ an ni gbasaya chɛ be an ma, an bai chɛ n sa koe a.

A ya kɔɔɛ a, an‑na sɔnkɔ sɔnkɔ chɛ kuiɛ a min fan banda a, yɔ fia ɛ ma bɔ‑a. An sɔnkɔ sɔnkɔ kuiɛ chɛ, a‑a chenɛ gbu gbɛɛ ya wan, an ni ka kaina. Mbɛ an‑na fenɛ n yen yɔ ta man mɛsɛ nu, an fasandenɛ ɛ a ɔ. Mbɛ an fɛn gbɛɛ ni ka nɔ, an fen chɛ n tu‑a wan an na dɔndɔ dɔndɔɛ a. Yataa Nyina ni wan gbɛ an gbɛɛ fɛ gban, mbɛ an‑na a kuu sɔ koɔ‑a chɛnyɛ koɛ dɔ mende n dɔ. Yataa Nyina chɛ an ni gbasaya chɛ be an ma, an bai chɛ n sa koe a.

Tee ɔ tee a, an ni bɛn fan kaina dɔndɔ Yataa 'a kata ɔ. An sin ni daunɛ chɛ wan an nyɔn tɛ ɔ an 'na chenɛ n na. An ni daun chɛ n chɛ faaɔgbɛ an dɔ, ni buɔdia ɔ, an mbe ta‑a Yataa tando‑a. A sin, mɔɛ n gbɛɛ‑a an yii na chii wan an na, mbɛ mɔ chɛndɛ mu an na. Tee ɔ tee sin na, Mansa Chisɔsi‑a an ma munda mɔɛ n na, miin ni gbɛ bauncha chia ma.

‘Yataa ɔ te, “N mbe koe chɛ an ma‑a, tee dankama chɛ n kɔɔ, dunya e na to ban‑da.” A ɔ, “N mbe a ma‑a wan n Nyina ni bea mɔ ɔ mɔ fɛ. Chɛ ɛ a ma‑a wan wo 'a denɛ kaima nu, an bɛ a musuma n na, an ni n 'na sakana bai chɛndɛ chɛ ɔ yian mɔɛ n na. Wo 'a kamin tɔngbɔɛ n mbe kamaya koe n dɔ yen‑da wan, wo 'a chenan kai n bɛɛ, an mbe cho‑a wan cho n na.

Mbɛ mɔɛ miin gbɛɛ na‑a an kai fa ka Chisɔsi a, an ni wan kuiɛ dɔndɔɛ ɔ. An boo fenɛ gbɛɛ ni boo fen dɔndɔɛ an na. An ni an boo fenɛ n ma tachɛ wan, mbɛ an‑na an kɔpɔɛ chɛ du an nyɔn ma, yɔ an ma gbɔsɔɛ ni buɛ min dɔ.

A sin tima chɛ a, mɔ ɔ mɔ, i wɛn mbe Mansa Yataa chee‑a, basan koe a i ma, e bauncha ma sɔn‑da wan.” ’ ”

Tee ɛ mun‑da wan pimbi a, mbɛ kau wɛɛ yawa‑a, yɔ wii, tee chɛ e na che, Mansa Yataa na tee. Tee wa chɛ, ko chenama n dɔ yen tee chɛ.