Lucas 18-ын алдартай Библийн эшлэлүүд

Хуваалцах

Jee nna̱kani Jesús ɨɨn tu̱ꞌun kúnkunuún káꞌánꞌ suꞌva nu̱u̱nꞌ rá te̱e kútáꞌán jín re̱ꞌ súkuáꞌa re̱ꞌ ráa, jie̱ꞌe̱ꞌ ya̱ sukuáni íyó kaꞌanꞌ ráa jín Ndiosíꞌ, jee koto núun iniꞌ ráa kaꞌanꞌ ráa jín re̱ꞌ.

Soo Ndiosíꞌ, ¿á ntu suni nasaꞌá na̱a̱ꞌ re̱ꞌ keꞌneꞌ re̱ꞌ tiñu chineí re̱ꞌ rá ñɨvɨ ya̱ nka̱ji re̱ꞌ, ya̱ yɨ́táꞌán kákua̱chi ráa nu̱u̱nꞌ re̱ꞌ nuví niñuꞌ rúja? Jee, ¿á kukuéé víꞌí re̱ꞌ jee chineí re̱ꞌ ráa? Ntu̱ví. Chi ya̱ nááꞌ vá káchíꞌ ni̱ꞌ nu̱u̱nꞌ rán, ya̱ ñamani nasaꞌá na̱a̱ꞌ re̱ꞌ keꞌneꞌ re̱ꞌ tiñu chineí re̱ꞌ ráa. Soo nuꞌuꞌ ya̱ nta̱jí Ndiosíꞌ nu̱u̱nꞌ ñɨ̱vɨ́ sáva kuvi ni̱ꞌ Se̱ꞌya Ñɨvɨ, jee sáá nenta ni̱ꞌ, jee, ¿á ntu su naniꞌinꞌ ni̱ꞌ koo rá ñɨvɨ ñɨ̱vɨ́ yaꞌá ya̱ kuneí nijia iniꞌ ráa Ndiosíꞌ rúja? ―nkachiꞌ Jesús.

Jee nkachiꞌ Jesús: ―Rá tiñu ya̱ ntu kúvi saꞌá ni ɨɨn ñɨvɨ, soo kuvi saꞌá Ndiosíꞌ maa ―nkachiꞌ Jesús.

Jee ntu nkuíni re̱ꞌ keꞌneꞌ re̱ꞌ kua̱chi vá, soo ya̱ njia̱ꞌa tiempúꞌ jee ñani iniꞌ maáréꞌ nne̱ꞌyá re̱ꞌ maáréꞌ: “Asúnika̱ꞌ ntu ñúyúꞌví iniꞌ ni̱ꞌ nu̱u̱nꞌ Ndiosíꞌ, jee suni ni ntu sáꞌá ñáꞌnú ni̱ꞌ jín rá ñɨvɨ, soo jie̱ꞌe̱ꞌ ya̱ stáña̱ꞌán víꞌí ñaꞌan náꞌví yaꞌá nuꞌuꞌ, jee ichi sanáaꞌ ni̱ꞌ keꞌneꞌ ni̱ꞌ tiñu ña nama ni̱ꞌ ña, sáva ntu yɨ́táꞌán nikó ña kiji ña jee sijiávi ña nuꞌuꞌ”, nkachiꞌ re̱ꞌ ―nkachiꞌ I̱toꞌoꞌ‑ó Jesús.

Jee máá naáꞌ vá káchíꞌ ni̱ꞌ nu̱u̱nꞌ rán, néni ɨɨn ñɨvɨ ya̱ ntu jiáꞌayuꞌú‑u ya̱ tátúníꞌ Ndiosíꞌ nu̱u̱nꞌ‑u, kuéntáꞌ jiáꞌayuꞌú ɨɨn su̱chí lúlí yaꞌá, ni nkúvi ki̱vɨ ráa naꞌá Ndiosíꞌ ―nkachiꞌ Jesús.

Soo nkana Jesús ráa, jee nkachiꞌ re̱ꞌ nu̱u̱nꞌ ráa: ―Ku̱ꞌva rán kiji rá súchí lúlí nu̱u̱nꞌ ni̱ꞌ, jee koto kúsáꞌán rán kiji ráa. Chi rá ñɨvɨ suꞌva ya̱ kúneí iniꞌ ráa nuꞌuꞌ ví ya̱ ki̱vɨ ráa xi̱ntíín Ndiosíꞌ nu̱u̱nꞌ tatúníꞌ re̱ꞌ nu̱u̱nꞌ ráa.

Jee nkachiꞌ Jesús nu̱u̱nꞌ‑u: ―Nunijinꞌ nchinúún nú natu̱vi nakune̱ꞌyá nú. Chi jie̱ꞌe̱ꞌ ya̱ ínúꞌ iniꞌ nú kúneí iniꞌ nú nuꞌuꞌ, jee nxi̱núvi‑i nó ―nkachiꞌ Jesús.

Jee nkachiꞌ Jesús nu̱u̱nꞌ‑u: ―¿Na̱chi káchíꞌ nú ya̱ kúvi ni̱ꞌ te̱e va̱ꞌa? Ni ɨɨn ñɨvɨ ntu kúvi ñɨvɨ va̱ꞌa, chi métúꞌún Ndiosíꞌ ví ya̱ va̱ꞌa iniꞌ.