Marcos 13-ын алдартай Библийн эшлэлүүд

Хуваалцах

Taꞌvi iniꞌ kua̱íyó rá ñɨvɨ kune̱ꞌyá ráa ránoꞌó, jie̱ꞌe̱ꞌ yɨ́ꞌɨ́ rán nu̱u̱nꞌ nuꞌuꞌ. Soo rá ñɨvɨ kuni̱ꞌin kuiñɨ kutú ráa jín ni̱ꞌ ne̱ nu̱u̱nꞌ kenta ji̱nu jee suviráa ví ya̱ sikáku Ndiosíꞌ ráa.

Nito koo rán maárán. Kuꞌun xúꞌún iniꞌ rán. Jee ka̱ka̱nꞌ táꞌvíꞌ rán nu̱u̱nꞌ Ndiosíꞌ, chi ntu jíníꞌ rán na̱ tiempúꞌ kuvi‑i.

Jee retú naku̱ꞌva ráa ránoꞌó xi̱ntíín te̱e nísotíñú, koto nániꞌvɨꞌ iniꞌ rán ná kachiꞌ rán xíꞌna ka̱ꞌ kenta rán yukuán. Chisaꞌ néni ɨɨn tu̱ꞌun taji Ndiosíꞌ nu̱u̱nꞌ rán sáá kachiꞌ rán maá hora yukuán, jee kachiꞌ rán vá. Chi nsú ránoꞌó ví ya̱ kaꞌanꞌ, chi Ta̱chi̱ꞌ Ííꞌ Ndiosíꞌ ví ya̱ kaꞌanꞌ.

Súkún jín ñɨ̱vɨ́ yaꞌá kɨ̱naanꞌ ráa, soo rá tu̱ꞌun káchíꞌ ni̱ꞌ, ni nsáꞌ kɨ̱naanꞌ‑a chi nɨꞌɨ sikúnkuvi.

’Soo jie̱ꞌe̱ꞌ ki̱vɨ̱ꞌ yukuán jín hora vá, ya̱ kuvi rá tiñu nkachiꞌ ni̱ꞌ, jee ni ɨɨn ntu̱náꞌ jíníꞌ maa. Ni rá najiáꞌáꞌ ííꞌ Ndiosíꞌ, ya̱ nééꞌ antivɨ́. Ni maáníꞌ ya̱ kúvi ni̱ꞌ Se̱ꞌya Ndiosíꞌ. Chi métúꞌún ni Tátáꞌ‑ó Ndiosíꞌ ví ya̱ jíníꞌ.

Soo ré teso̱ꞌo rán ya̱ íyó tu̱kantaꞌan ɨɨn ñuunꞌ jín inka ñuunꞌ, jín ya̱ koo tu̱kantaꞌan, jee koto ñúyúꞌví iniꞌ rán. Chi saá íyó kuvi rá tu̱nóꞌó yaꞌá. Soo ntiáꞌan kenta ji̱nu.

Saáva nito koo rán, chi ntu jíníꞌ rán na̱ma kiaaꞌ I̱toꞌoꞌ xí veꞌi: á yankuaaꞌ, áxí savañuún, áxí nikɨ́n sáá kána stóꞌo, áxí ya̱neꞌenꞌ. Nito koo rán maárán, sáva retú sa̱naanꞌ nenta ni̱ꞌ jee koo tu̱ꞌva rán, kuéntáꞌ retú nenta sa̱naanꞌ te̱e xí veꞌi, jee ntu nániꞌinꞌ sa̱naanꞌ re̱ꞌ musúꞌ kíxíꞌ. Rá tu̱ꞌun káchíꞌ ni̱ꞌ nu̱u̱nꞌ rán yaꞌá, nu̱u̱nꞌ nɨꞌɨ ñɨvɨ káchíꞌ ni̱ꞌ maa. ¡Nito koo rán maárán! ―nkachiꞌ Jesús.

Chi kantáꞌán nación jín inka nación jee kantáꞌán ñuunꞌ jín inka ñuunꞌ. Jee koo ñutáan. Jee kéꞌín nu̱u̱nꞌ kutámá víꞌí. Jee koo kue̱ꞌe̱ꞌ tuntíxín. Soo nɨꞌɨ rá yaꞌá kúvi tu̱nóꞌó ya̱ kijiéꞌé xíꞌnañúꞌún ka̱ꞌ.

Jee xíꞌna ka̱ꞌ ne̱ ntiáꞌan kenta ji̱nu, íyó te̱ku̱tu̱ꞌún tu̱ꞌun váꞌa jie̱ꞌe̱ꞌ ni̱ꞌ nu̱u̱nꞌ nta̱ká nación íyó ñɨ̱vɨ́.

Chi kue̱ꞌe̱ꞌ ñɨvɨ káñunkúún káchíꞌ ráa nika̱ꞌ ya̱ kiji ráa nu̱u̱nꞌ súví ni̱ꞌ jee kachiꞌ ráa: “Nuꞌuꞌ ví Cristo.” Jee kue̱ꞌe̱ꞌ víꞌí ñɨvɨ xináꞌví ráa.

’Soo nito koo rán maárán, chi naku̱ꞌva ráa ránoꞌó xi̱ntíín rá te̱e jiéꞌnéꞌ kua̱chi. Jee ku̱ꞌva rá ñɨvɨ ránoꞌó jín yoꞌo iniꞌ rá veꞌi sinagoga nu̱u̱nꞌ kútútú rá ñɨvɨ Israel. Jee kuiñɨ rán ichinúúnꞌ rá te̱e nísotíñú kúvi gobernador jín rá te̱e ya̱ tátúníꞌ rá nación sijíta ráa ránoꞌó, jie̱ꞌe̱ꞌ ya̱ yɨ́ꞌɨ́ rán nu̱u̱nꞌ nuꞌuꞌ. Jee suꞌva naku̱ꞌva rán ya̱ nááꞌ jie̱ꞌe̱ꞌ nuꞌuꞌ nu̱u̱nꞌ ráa.

chi kiji rá te̱e xínáꞌví ya̱ kachiꞌ ráa nika̱ꞌ ya̱ Cristo ví ráa. Jee kenta rá ñɨvɨ ya̱ kachiꞌ ráa nika̱ꞌ ya̱ nákani ráa tu̱ꞌun kéne yuꞌú Ndiosíꞌ. Jee saꞌá ráa rá seña a̱nasɨ́ jín rá tiñu a̱nasɨ́ ya̱ ti̱vɨ́ xíniꞌ rá ñɨvɨ sáva xináꞌví ráa rá ñɨvɨ. Jee saꞌá ráa maa sáva xináꞌví ráa ne̱ rá ñɨvɨ nka̱ji Ndiosíꞌ, retú sa̱naanꞌ kuvi.

’Soo rá ki̱vɨ̱ꞌ yukuán, jee ré njia̱ꞌa tu̱nóꞌó, jee nuneenꞌ nka̱niiꞌ, jee nsáꞌ kutuunꞌ ka̱ꞌ ñuꞌunꞌ yo̱o̱ꞌ, jee ku̱te̱ꞌ rá tiu̱u̱nꞌ ne̱ súkún. Jee kajiaꞌ rá fuersáꞌ súkún ya̱ tɨ́ɨn nɨꞌɨ ya̱ íyó súkún.