YA-SFADOCI JRNE 14-ын алдартай Библийн эшлэлүүд

Хуваалцах

Grmrnelafewa gi nvkvtvmolapwv; ni grmrnelafewa gi melala-pwv : mvtv inv yalakuqvh-kvmigigi yasi meliwaci gi tasi melala-pwv. Tagi welrni ki tahiwv wih patfvgifeiv, tagi nuhgi welrni ini kupanaiv.

Neiv ini wvyaci, chena ini dabwawa, macimi ini lanvwawewa : mvtv wiyafv nili Ufimrli si biawv, wakv srpwi nelv, u talrli Jesise.

Tagi welrni ki tahiwv wih patfvgifeiv : dapwahsaku Mvna-tu, dapwahsaku nahfrpi nelv.

Wakv inv Manwitahadewanv, datapilv’ hinv Ufapi Ucvjrlvhqv, nileni inv Ufimv wah wrwenaskvwrli ni wefowa-nagi, gah kvgahgimakuwv inv jrivhki wiahi, macimi ki mkvwasitahawa-nwvgi gah si biadrkuwv jrivhki ya-lalvku nelv.

Hinv ba-bonvkv ni tapigamowanv, macimi u gjetunrnv nili, hinv inv ya-vhqalamitv : chena inv ya-vhqalamitv wa hvhqalama-goli n’ Uhfvli, macimi nelv na hvhqalamv inv, macimi nah tapinvukufatvwv neiv inv.

Chena nah kucimv inv Ufimv macimi inv gah melakuwv nuhgi nakuti Manwitahadewan-vli, wvhsi manvwv’ hinv weci vbemalwrqa goqa-lrqvsi, data-pilv’ hinv dabwawa si Ucvjrlvhqv : yrlwi utvhpanrci inv yala-kuqvh-kvmigigi; xvga mvtv inv u wrkumrli : gelvwv ki wrkumr-wv inv; xvga inv ki weci vbemakuwv gelvwv, macimi wa hvpiwv geyrwrgi.

Chena goqa-nahi-grci gab nvtudrnrwv ni wefowa-nagi, ini wah silvweiv, wvhsi inv Ufimv manvwvhi wvhfrci-makufihofuci weyrgi inv Uqihfimv. Qahqi gelvwv gah nvtudrnrwv wiahi ni wefowa-nagi, ini wah silvweiv.

Qahqi gelvwv vhqalamiyaqa, ga gjetunrnrwv ni tapigamowanv.

Betiga u wegiwrpagi n’ Uhfv vhdawv maci yrdrki; qahqi bur yone iga ini, naiahkv gih wetv-molapwv; xvga ni nitv gi mvwi tvsi nvnvhi-lutvmolapwv gelvwv.

Macimi qahqi nhriv chena nvnvhi-lutvmolvku tvsi, nah bir nuhgi, macimi nelv gah si utvhpanalapwv; wvhsi tv hvpiv nelv, ntvsi manvwv’ hvpiyaqa nahfrpi.

Dabalamiwatv, mvtv ni wrkudrpa iahrivni; nahiwa ni tasi wrkudrpa ini wvyaci? u talrli Drmuse.