YA-SFADOCI JRNE 15-ын алдартай Библийн эшлэлүүд

Хуваалцах

Neiv ini tatapvhtaqi, geyrwv nili pah-gaivkuki : Hinv yapitv neyrgi, macimi nelv weyrgi, hinv inv u mrli negitu mvwifowa : xvga neiv uci tabrna ki kvtvwi silvwepwv mvtv-wiahi.

Hvpiku neyrgi, macimi nelv geyrwrgi. Yasi ini pah-gaivkugi ini pasiqi uci rlwi kvtvwi negigi mvwifowa, waciwap’ hini si tvqi lanvwaweyrga ini tata-pvhtaqigi; yone uci mvtv kvtvwi nuhgi gelvwv, waciwaphi gelvwv neyrgi vpiyaqa.

Qahqi gelvwv neyrgi vpiyaqa, macimi ni kvlvwewanv vhdaga geyrwrgi, nvtuh-saku goqa-nahi-grci yasi tahayaqa, macimi ini ga ipanvlagopwv gelvwv.

Mvtv gelvwv ki mvmipwv, wakv nelv gi mvmalapwv, macimi gi mvyrusi-malapwv, wvhsi gelvwv hryaqa macimi negidoyaqa mvwifowa, chena wvhsi ki mvwifowa-nwv vhdagi : wvhsi goqa-nahi-grci gelvwv gah nvtutvmvwrwv inv Ufimv ni wefowa-nagi, manvwv’ hinv melalwrqa ini.

Mvtv ilani u bonv vlikv yagi vhqaladewa yomv, yasi ilani sag-fatvwrci u ta lanvwawewa wihgrnhi.

Jrgi pah-gaivkugi neyrgi waci bur negigi mvwifowa, hinv u mvma ini vlikv u ta siwatu : chena jrgi pah-gaivkugi waci negigi mvwifowa inv u fvfvyrgilutv ini, wvhsi manvwv’ hini uci vlikv si negigi mvwifowa.

Hvlv-yomv ni tapigamowa, wvhsi gelvwv vhqalatiyaqa, datapilvhi yasi nelv naiahkv vhqalamalvku.

Yone-tvsi wvhfrci-makufihofu n’ Uhfv, wvhsi gelvwv mrli negidoyaqa mvwifowa; macimi yone gah si kvgahgimrfe-malapwv.

Neiv ini mvyrwi tatapvhtaqi, macimi n’ Uhfv inv gitigawi-lani.

Qahqi ilani vpita mvtv neyrgi, inv vlikv ipvgilofu brsi pah-gaiv-kugi, macimi svhfu; chena nihki u mrwvtunrnrwv nili, chena ini skudagi ut ipvgidrnrwv nili, macimi nili fvgita.

Yolumv wiahi gi mahci kvlolalapwv, wvhsi n’ uwasilabwrwa manvwvhi geyrwrgi vhdagi macimi wvhsi gelvwv k’ uwasilabwrwa-nwv manvwvhi uqrwi sdodagi.

Qahqi gjetunvmaqa ni tapigamowanv, ga hvpipwv nit vhqa-ladewa-nagi gelvwv; datapilvhi yasi naiahkv gjetunvmv u tapi-gamowanv n’ Uhfv, macimi vpiv ut vhqaladewa-nagi.

Yolumv wiahi gi tapimalapwv, wvhsi manvwvhi gelvwv vhqalatiyaqa.

Qahqi inv yalakuqvh-kvmigigi uciwiyaqa, inv yalakuqvh-kvmigigi wi hvhqalamrli u nhvlwrfewanvli : wakv xvga gelvwv mvtv inv yala-kuqvh-kvmigigi k’ uciwipwv, pvyaqv inv yalakuqvh-kvmigigi g’ uci maginalapwv, waciganv’ hinv yalakuqvh-kvmigigi gi sega-lamakuwv.