Markus 11
11
Yeesu nattii Urusaliima
(Matta 21.1-11 ; Luka 19.28-40 ; Yahayya 12.12-19)
1Nde ɓe pa'andii *Urusaliima, ɓe njottii ci'e Baytifaaji e Baytaaniya takkol *vaamnde Jaytunje. Yeesu lili *almaajiri'en muuɗum ɗiɗo, 2o vi'i ɓe :
— Nattee ci'el gonngel yeeso mooɗon. Ɗoon to nattuɗon ngel, on tawey mola njaakiwa nga meeɗaay waɗɗeego e haɓɓii. Kaɓɓitoyee nga ngaddon nga. 3To goɗɗo ƴamii on : « Ko jeyi njoofoton nga ? » mbi'ee mo : « Moodibbo yiɗi huutinirgo nga, o waɗey nga wartiree jaawɗum. »
4Sey ɓe njahi ɓe tawi mola ngaan e haɓɓii ha'ade laawol e dammugal. Eɓe njoofa nga, 5sey woɓɓe dariiɓe ɗoon ha'ade mbi'i ɓe :
— Ko jeyi njoofoton nga ?
6Kamɓe boo ɓe mbi'i ko Yeesu vi'i ɓe, sey ɓeen ngoori ɓe ɓe ndillidi e ma'aga. 7Ɓe njaharani nga Yeesu, ɓe caɓɓi kolte maɓɓe dow ma'aga, Yeesu waɗɗii. 8Yimɓe ɗuuɗɓe mbe'iti kolte mu''en dow laawol, woɓɓe boo mbe'iti haakooji leɗɗe ɗi ɓe keloyi faro ɗoon. 9Yimɓe wonɓe yeeso ma'ako e ɓaawo ma'ako mbaɗi ga vi'igo e semmbee :
— Hoosaana !#11.9a Ma'ana hoosaana woni hisnu min. « Jawmiraawo barkiɗin gareyɗo e innde muuɗum.#11.9b Jabuura 118.25-26 10Allah barkiɗin laamu maama meeɗen *Dawda ngareyngu ! Maaltoore laatanoo Allah Mo Dow ! »
11Nde Yeesu natti si'ire Urusaliima, o natti *Wuro Allah Seniingo, o raari ko waɗetee ɗoon fuu. Ammaa nde naange muti, o vurtii o dilliri Baytaaniya, kanko e almaajiri'en ma'ako sappo e ɗiɗo.
Yeesu la'anii ƴibbi
(Matta 21.18-19)
12Nde veeti, eɓe mburtoo Baytaaniya, Yeesu nanii dolo. 13O haynii ƴibbi bilitki, o yahi o yi'a koo emo heɓa ƴibbe e ma'aki. Nde o yottii e ma'aki, o tawaay koo ɗume sey haakooji tan, gam naa ɗum wakkaci ki rimata. 14Sey o vi'i ki :
— To' koo moye ɓesdu nyaamgo ɓikkon e maaɗa !
*Almaajiri'en nanii ko o vi'i.
Yeesu tuufii waɗooɓe luumaaku nder Wuro Allah Seniingo
(Matta 21.12-17 ; Luka 19.45-48 ; Yahayya 2.13-22)
15Nde ɓe njottii *Urusaliima, Yeesu natti *Wuro Allah Seniingo, o fuɗɗi tuufgo soorrooɓe e soodooɓe nder ma'ago. O talli teeburji cannjotooɓe ceede e jooɗorɗe soorrooɓe pooli. 16O haɗi koo moye nattida e donngal nder fiiliire Wuro Seniingo ngoon. 17O vi'i ɓe :
— Wanaa ɗum vinndaama nder *Deftere : « Wuro am no noddirte wuro to leƴƴi fuu mbaɗata do'aare, »#11.17a Ecaaya 56.7 ammaa onon on ngartirii ngo « suuɗorde wuyɓe. »#11.17b Yeremiya 7.11
18*Mawɓe aardiiɓe diina e *moodiɓɓe Tawreeta nani ko Yeesu waɗi, sey ɓe mbaɗi ga yillaago laawol no ɓe mbardata mo. Ɓe kulii mo, gam ekkitinol ma'ako nattii jama'aare korey.
19Nde naange muti, kanko e almaajiri'en ma'ako, ɓe mburtii si'ire.
Ƴibbi ki Yeesu la'ani yo'orii
(Matta 21.20-22)
20Jonto ma'ajum bimbi eɓe ƴaɓɓoo, ɓe ngi'i ƴibbi kiin yo'orii kolon faa e ɗaɗi. 21Biiturus hiimtii, vi'i Yeesu :
— Moodibbo, rah ! Ƴibbi ki la'anunoɗaa yo'orii.
22Yeesu toontii vi'i :
— Ngoonɗinee Allah. 23Emi vi'a on goonga : to neɗɗo vi'ii nde'e vaamnde : « Ɗoofa, yoola nder maayo », to o waɗaay cekka nder ɓernde ma'ako, ammaa o goonɗini ko o vi'i no waɗey, o waɗante ɗum. 24Gam ma'ajum emi vi'a on, koo ɗume ko toriiɗon nder do'aare, ngoonɗinee on keɓii ɗum, on mbaɗante ɗum. 25Koo ndeye nde ndariiɗon mbaɗon do'aare, to e woodi mo njogitiiɗon nder ɓerɗe mooɗon, nja'afanee mo, gam *Baabiraawo mooɗon mo dow maa, ya'afanoo on hakkeeji mooɗon. [26#11.26 Goɗɗi ɗereeji ɓesdi aayaare aciriin e joveego'o (26), vi'inde : Ammaa to on nja'afaaki, Baaba mooɗon gonɗo dow oon ya'afantaako on hakkeeji mooɗon.]
Toye baawɗe Yeesu ivoyi ?
(Matta 21.23-27 ; Luka 20.1-8)
27Yeesu e *almaajiri'en muuɗum mbitti *Urusaliima. Yeesu e yiiloo nder *Wuro Allah Seniingo, sey *mawɓe aardiiɓe diina e *moodiɓɓe Tawreeta e arɗuɓe *Yahuudu'en ngari to ma'ako, 28ɓe ƴami mo :
— E baawɗe moye mba'arataa ɗe'e kuuɗe ? Moye hokku maa baawɗe waɗgo ɗe ?
29Yeesu toontii ɓe vi'i :
— Miin boo mi ƴamey on ƴamol go'otol tan. Toontee yam, ndeen mi yeccoo on e ɗeye baawɗe mba'areymi kuuɗe ɗeen. 30*Baptisma ɗum Yahayya waɗi, to Allah ɗum ivoyi, na to yimɓe ? Toontee yam !
31Sey ɓe caawootiri hakkunde maɓɓe, ɓe mbi'i :
— To en mbi'ii to Allah ɗum ivoyi, o vi'ey : « Ko jeyi on ngoonɗinaay Yahayya ? » 32Ammaa en mbaawi vi'igo to yimɓe ɗum ivoyi ?
Ɓe mbi'ii noon, sabu eɓe kula yimɓe, gam yimɓe fuu njaɓii Yahayya no annabiijo. 33Sey ɓe toontii Yeesu, ɓe mbi'i :
— Min anndaa.
Yeesu vi'i ɓe :
— Aahaa, miin boo mi yeccataako on e ɗeye baawɗe mba'areymi kuuɗe ɗeen.
Одоогоор Сонгогдсон:
Markus 11: fuq
Тодруулга
Хуваалцах
Хувилах
Тодруулсан зүйлсээ бүх төхөөрөмждөө хадгалмаар байна уу? Бүртгүүлэх эсвэл нэвтэрнэ үү
© 2015, Wycliffe Bible Translators, Inc. All rights reserved.
Markus 11
11
Yeesu nattii Urusaliima
(Matta 21.1-11 ; Luka 19.28-40 ; Yahayya 12.12-19)
1Nde ɓe pa'andii *Urusaliima, ɓe njottii ci'e Baytifaaji e Baytaaniya takkol *vaamnde Jaytunje. Yeesu lili *almaajiri'en muuɗum ɗiɗo, 2o vi'i ɓe :
— Nattee ci'el gonngel yeeso mooɗon. Ɗoon to nattuɗon ngel, on tawey mola njaakiwa nga meeɗaay waɗɗeego e haɓɓii. Kaɓɓitoyee nga ngaddon nga. 3To goɗɗo ƴamii on : « Ko jeyi njoofoton nga ? » mbi'ee mo : « Moodibbo yiɗi huutinirgo nga, o waɗey nga wartiree jaawɗum. »
4Sey ɓe njahi ɓe tawi mola ngaan e haɓɓii ha'ade laawol e dammugal. Eɓe njoofa nga, 5sey woɓɓe dariiɓe ɗoon ha'ade mbi'i ɓe :
— Ko jeyi njoofoton nga ?
6Kamɓe boo ɓe mbi'i ko Yeesu vi'i ɓe, sey ɓeen ngoori ɓe ɓe ndillidi e ma'aga. 7Ɓe njaharani nga Yeesu, ɓe caɓɓi kolte maɓɓe dow ma'aga, Yeesu waɗɗii. 8Yimɓe ɗuuɗɓe mbe'iti kolte mu''en dow laawol, woɓɓe boo mbe'iti haakooji leɗɗe ɗi ɓe keloyi faro ɗoon. 9Yimɓe wonɓe yeeso ma'ako e ɓaawo ma'ako mbaɗi ga vi'igo e semmbee :
— Hoosaana !#11.9a Ma'ana hoosaana woni hisnu min. « Jawmiraawo barkiɗin gareyɗo e innde muuɗum.#11.9b Jabuura 118.25-26 10Allah barkiɗin laamu maama meeɗen *Dawda ngareyngu ! Maaltoore laatanoo Allah Mo Dow ! »
11Nde Yeesu natti si'ire Urusaliima, o natti *Wuro Allah Seniingo, o raari ko waɗetee ɗoon fuu. Ammaa nde naange muti, o vurtii o dilliri Baytaaniya, kanko e almaajiri'en ma'ako sappo e ɗiɗo.
Yeesu la'anii ƴibbi
(Matta 21.18-19)
12Nde veeti, eɓe mburtoo Baytaaniya, Yeesu nanii dolo. 13O haynii ƴibbi bilitki, o yahi o yi'a koo emo heɓa ƴibbe e ma'aki. Nde o yottii e ma'aki, o tawaay koo ɗume sey haakooji tan, gam naa ɗum wakkaci ki rimata. 14Sey o vi'i ki :
— To' koo moye ɓesdu nyaamgo ɓikkon e maaɗa !
*Almaajiri'en nanii ko o vi'i.
Yeesu tuufii waɗooɓe luumaaku nder Wuro Allah Seniingo
(Matta 21.12-17 ; Luka 19.45-48 ; Yahayya 2.13-22)
15Nde ɓe njottii *Urusaliima, Yeesu natti *Wuro Allah Seniingo, o fuɗɗi tuufgo soorrooɓe e soodooɓe nder ma'ago. O talli teeburji cannjotooɓe ceede e jooɗorɗe soorrooɓe pooli. 16O haɗi koo moye nattida e donngal nder fiiliire Wuro Seniingo ngoon. 17O vi'i ɓe :
— Wanaa ɗum vinndaama nder *Deftere : « Wuro am no noddirte wuro to leƴƴi fuu mbaɗata do'aare, »#11.17a Ecaaya 56.7 ammaa onon on ngartirii ngo « suuɗorde wuyɓe. »#11.17b Yeremiya 7.11
18*Mawɓe aardiiɓe diina e *moodiɓɓe Tawreeta nani ko Yeesu waɗi, sey ɓe mbaɗi ga yillaago laawol no ɓe mbardata mo. Ɓe kulii mo, gam ekkitinol ma'ako nattii jama'aare korey.
19Nde naange muti, kanko e almaajiri'en ma'ako, ɓe mburtii si'ire.
Ƴibbi ki Yeesu la'ani yo'orii
(Matta 21.20-22)
20Jonto ma'ajum bimbi eɓe ƴaɓɓoo, ɓe ngi'i ƴibbi kiin yo'orii kolon faa e ɗaɗi. 21Biiturus hiimtii, vi'i Yeesu :
— Moodibbo, rah ! Ƴibbi ki la'anunoɗaa yo'orii.
22Yeesu toontii vi'i :
— Ngoonɗinee Allah. 23Emi vi'a on goonga : to neɗɗo vi'ii nde'e vaamnde : « Ɗoofa, yoola nder maayo », to o waɗaay cekka nder ɓernde ma'ako, ammaa o goonɗini ko o vi'i no waɗey, o waɗante ɗum. 24Gam ma'ajum emi vi'a on, koo ɗume ko toriiɗon nder do'aare, ngoonɗinee on keɓii ɗum, on mbaɗante ɗum. 25Koo ndeye nde ndariiɗon mbaɗon do'aare, to e woodi mo njogitiiɗon nder ɓerɗe mooɗon, nja'afanee mo, gam *Baabiraawo mooɗon mo dow maa, ya'afanoo on hakkeeji mooɗon. [26#11.26 Goɗɗi ɗereeji ɓesdi aayaare aciriin e joveego'o (26), vi'inde : Ammaa to on nja'afaaki, Baaba mooɗon gonɗo dow oon ya'afantaako on hakkeeji mooɗon.]
Toye baawɗe Yeesu ivoyi ?
(Matta 21.23-27 ; Luka 20.1-8)
27Yeesu e *almaajiri'en muuɗum mbitti *Urusaliima. Yeesu e yiiloo nder *Wuro Allah Seniingo, sey *mawɓe aardiiɓe diina e *moodiɓɓe Tawreeta e arɗuɓe *Yahuudu'en ngari to ma'ako, 28ɓe ƴami mo :
— E baawɗe moye mba'arataa ɗe'e kuuɗe ? Moye hokku maa baawɗe waɗgo ɗe ?
29Yeesu toontii ɓe vi'i :
— Miin boo mi ƴamey on ƴamol go'otol tan. Toontee yam, ndeen mi yeccoo on e ɗeye baawɗe mba'areymi kuuɗe ɗeen. 30*Baptisma ɗum Yahayya waɗi, to Allah ɗum ivoyi, na to yimɓe ? Toontee yam !
31Sey ɓe caawootiri hakkunde maɓɓe, ɓe mbi'i :
— To en mbi'ii to Allah ɗum ivoyi, o vi'ey : « Ko jeyi on ngoonɗinaay Yahayya ? » 32Ammaa en mbaawi vi'igo to yimɓe ɗum ivoyi ?
Ɓe mbi'ii noon, sabu eɓe kula yimɓe, gam yimɓe fuu njaɓii Yahayya no annabiijo. 33Sey ɓe toontii Yeesu, ɓe mbi'i :
— Min anndaa.
Yeesu vi'i ɓe :
— Aahaa, miin boo mi yeccataako on e ɗeye baawɗe mba'areymi kuuɗe ɗeen.
Одоогоор Сонгогдсон:
:
Тодруулга
Хуваалцах
Хувилах
Тодруулсан зүйлсээ бүх төхөөрөмждөө хадгалмаар байна уу? Бүртгүүлэх эсвэл нэвтэрнэ үү
© 2015, Wycliffe Bible Translators, Inc. All rights reserved.